ପିଏମ କିଷାନରେ ସ୍ୱାମୀ-ସ୍ତ୍ରୀଙ୍କୁ ମିଳୁଛି ୬ ହଜାର ଟଙ୍କା ! ଜାଣନ୍ତୁ ଏହାକୁ ନେଇ କଣ ରହିଛି ନିୟମ
ପ୍ରଧାନମନ୍ତ୍ରୀ କିସାନ ଯୋଜନାରେ ସ୍ୱାମୀ-ସ୍ତ୍ରୀ ଉଭୟଙ୍କୁ ପିଏମ କିଷାନ ସମ୍ମାନ ନିଧି ଯୋଜନାର ଲାଭ ମିଳିବା ବିଷୟରେ ଆଲୋଚନା ଚାଲିଛି । ଆସନ୍ତୁ ଜାଣିବା କ’ଣ ରହିଛି ନୂଆ ନିୟମ ।
ଚାଷୀଙ୍କ ଆୟକୁ ବଢ଼ାଇବା ପାଇଁ ସରକାର ଅନେକ ପ୍ରକାରର ଯୋଜନା ଆରମ୍ଭ କରିଛନ୍ତି । ଆଉ ଏଥିମଧ୍ୟରୁ ଗୋଟିଏ ହେଉଛି ପ୍ରଧାନମନ୍ତ୍ରୀ କିସାନ ସମ୍ମାନ ନିଧି ଯୋଜନା । ଏହି ଯୋଜନା ଅଧୀନରେ ସରକାର ବାର୍ଷିକ ୬୦୦୦ ଟଙ୍କା ଅର୍ଥାତ୍ ୨୦୦୦ ଟଙ୍କାର ୩ଟି କିସ୍ତି ଚାଷୀଙ୍କ ଆକାଉଣ୍ଟକୁ ପଠାଉଛନ୍ତି । ଏବେ ପର୍ଯ୍ୟନ୍ତ ଚାଷୀଙ୍କ ଖାତାରେ ୧୩ଟି କିସ୍ତି ପଠାଯାଇସାରିଲାଣି । ସରକାର ପ୍ରତି ଚାରି ମାସ ବ୍ୟବଧାନରେ ଚାଷୀଙ୍କ ଖାତାରେ ୨ ହଜାର ୨ହଜାର ଟଙ୍କା ପଠାନ୍ତି ।
ତେବେ ବର୍ତ୍ତମାନ ସୁଦ୍ଧା ଏହି ଯୋଜନାରେ ଅନେକ ପରିବର୍ତ୍ତନ ହୋଇଛି । କେବେ ଆବେଦନକୁ ନେଇ ତ ‘ଆଉ କେବେ ଯୋଗ୍ୟପାତ୍ରଙ୍କୁ ନେଇ, ପିଏମ ଯୋଜନାରେ ଅନେକ ପରିବର୍ତ୍ତନ ହୋଇଛି । ଏବେ ଏହି ଯୋଜନାରେ ସ୍ୱାମୀ-ସ୍ତ୍ରୀ ଉଭୟଙ୍କୁ ପିଏମ କିଷାନ ସମ୍ମାନ ନିଧି ଯୋଜନାର ଲାଭ ମିଳିବା ବିଷୟରେ ଆଲୋଚନା ଚାଲିଛି । ଆସନ୍ତୁ ଜାଣିବା କ’ଣ ରହିଛି ନୂଆ ନିୟମ ।
ପ୍ରଧାନମନ୍ତ୍ରୀ କିଷାନ ଯୋଜନା ଅନୁଯାୟୀ, ଉଭୟ ସ୍ୱାମୀ-ସ୍ତ୍ରୀ ପିଏମ କିଷାନ ସମ୍ମାନ ନିଧି ଯୋଜନାର ଲାଭ ଉଠାଇ ପାରିବେ ନାହିଁ । ଯଦି କେହି ଏପରି କରନ୍ତି, ତେବେ ସରକାର ତାଙ୍କୁ ଫେକ୍ ବୋଲି କହି ତାଙ୍କଠାରୁ ଟଙ୍କା ଫେରାଇ ଆଣିବ । ଏହା ବ୍ୟତୀତ ଏପରି ଅନେକ ଜିନିଷ ଅଛି, ଯାହା କୃଷକମାନଙ୍କୁ ଅଯୋଗ୍ୟ କରିଥାଏ । ଯଦି ଅଯୋଗ୍ୟ କୃଷକମାନେ ଏହି ଯୋଜନାର ଲାଭ ଉଠାନ୍ତି, ତେବେ ସେମାନଙ୍କୁ ସମସ୍ତ କିସ୍ତି ସରକାରଙ୍କୁ ଫେରସ୍ତ କରିବାକୁ ପଡ଼ିବ । ଏହି ଯୋଜନାର ନିୟମ ଅନୁଯାୟୀ, ଯଦି କୃଷକ ପରିବାରରେ କେହି ଟ୍ୟାକ୍ସ ଦିଅନ୍ତି, ତେବେ ଏହି ଯୋଜନାର ଲାଭ ଉଠାଇ ପାରିବେ ନାହିଁ । ଅର୍ଥାତ୍ ଯଦି ପତି-ପତ୍ନୀଙ୍କ ମଧ୍ୟରୁ କେହି ଗତ ବର୍ଷ ଇନକମ୍ ଟ୍ୟାକ୍ସ ଦେଇଛନ୍ତି, ତେବେ ସେମାନେ ଏହି ଯୋଜନାର ଲାଭ ପାଇବେ ନାହିଁ ।
ନିୟମ ଅନୁଯାୟୀ, ଯଦି ଜଣେ କୃଷକ ନିଜର ଚାଷ ଜମିକୁ କୃଷି କାର୍ଯ୍ୟ ପାଇଁ ବ୍ୟବହାର କରୁନାହାଁନ୍ତି ବରଂ ଅନ୍ୟ କାମ ପାଇଁ କିମ୍ବା ଅନ୍ୟମାନଙ୍କ କ୍ଷେତରେ ଚାଷ କାର୍ଯ୍ୟ କରନ୍ତି, ଏବଂ ସେହି କ୍ଷେତ୍ରଟି ତାଙ୍କର ନୁହେଁ, ଏହିପରି ଚାଷୀମାନେ ମଧ୍ୟ ଏହି ଯୋଜନାର ଲାଭ ଉଠାଇବାକୁ ହକଦାର ହେବେନାହିଁ । ଯଦି ଜଣେ କୃଷକ ଚାଷ କରୁଛନ୍ତି, କିନ୍ତୁ କ୍ଷେତ ତାଙ୍କ ନାମରେ ନୁହେଁ ବରଂ ତାଙ୍କ ପିତା କିମ୍ବା ଜେଜେବାପାଙ୍କ ନାମରେ ଅଛି, ତେବେ ସେ ମଧ୍ୟ ଏହି ଯୋଜନାର ଲାଭ ଉଠାଇପାରିବେ ନାହିଁ ।
ଯଦି କିଏ କୃଷି ଜମିର ମାଲିକ ଅଛନ୍ତି, କିନ୍ତୁ ସେ ଜଣେ ସରକାରୀ କର୍ମଚାରୀ କିମ୍ବା ଅବସରପ୍ରାପ୍ତ, ଏବେକାର କିମ୍ବା ପୂର୍ବତନ ସାଂସଦ, ବିଧାୟକ, ମନ୍ତ୍ରୀ ଅଛନ୍ତି ତେବେ କିଷାନ ଯୋଜନା ପାଇଁ ମଧ୍ୟ ଏହିପରି ବ୍ୟକ୍ତି ଅଯୋଗ୍ୟ ଅଟନ୍ତି । ବୃତ୍ତିଗତ ପଞ୍ଜୀକୃତ ଡାକ୍ତର, ଇଞ୍ଜିନିୟର, ଆଇନଜୀବୀ, ଚାର୍ଟାର୍ଡ ଆକାଉଣ୍ଟାଣ୍ଟ କିମ୍ବା ସେମାନଙ୍କ ପରିବାର ସଦସ୍ୟ ମଧ୍ୟ ଅଯୋଗ୍ୟ ତାଲିକାରେ ଆସିଥାନ୍ତି । ଇନକମ୍ ଟ୍ୟାକ୍ସ ଦେଉଥିବା ପରିବାରଙ୍କୁ ମଧ୍ୟ ଏହି ଯୋଜନାର ଲାଭ ମିଳିବ ନାହିଁ ।
ପିଏମ୍ କିସାନ ଯୋଜନା ସମ୍ବନ୍ଧୀୟ କୌଣସି ପ୍ରକାର ସମସ୍ୟାରେ କିସାନ ଇମେଲ ଆଇଡି [email protected] ରେ ଆପଣ ସମ୍ପର୍କ କରିପାରିବେ । ପିଏମ୍ କିସାନ ଯୋଜନା ହେଲ୍ପଲାଇନ୍ ନମ୍ବର 155261 କିମ୍ବା 1800115526 (Toll Free) କିମ୍ବା 011-23381092 ରେ ସମ୍ପର୍କ କରିପାରିବେ। ଏଠାରେ ମଧ୍ୟ ଆପଣଙ୍କ ପ୍ରତ୍ୟେକ ସମସ୍ୟାର ସମାଧାନ କରାଯିବ ।
