କନଫର୍ମ ହୋଇଗଲା ତାରିଖ, ଜାନୁଆରୀ ପ୍ରଥମ ସପ୍ତାହରେ ଆସିଯିବ ଚାଷୀଙ୍କ ଆକାଉଣ୍ଟକୁ ଟଙ୍କା
ଦେଶର କୋଟି ଚାଷୀଙ୍କ ପାଇଁ ଆସିଛି ଏକ ଖୁସି ଖବର । ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନା ସମ୍ପର୍କରେ ଏକ ବଡ ଅପଡେଟ ସାମ୍ନାକୁ ଆସିଛି । ଜାନୁଆରୀ ମାସର ପ୍ରଥମ ସପ୍ତାହରେ ୮ କୋଟିରୁ ଅଧିକ ଚାଷୀଙ୍କ ଆକାଉଣ୍ଟକୁ ଟଙ୍କା ଟ୍ରାନ୍ସଫର କରାଯିବ । ଅବଶ୍ୟ ଯେଉଁମାନେ ଇ-କେୱାଇସି କରିନାହାନ୍ତି, ସେମାନଙ୍କୁ କିଛି ସମସ୍ୟାର ସମ୍ମୁଖୀନ ହେବାକୁ ପଡିପାରେ । କେନ୍ଦ୍ର ସକରାରଙ୍କ ପକ୍ଷରୁ ବର୍ତ୍ତମାନ ସୁଦ୍ଧା ୧୨ଟି କିସ୍ତିର ଟଙ୍କା ଚାଷୀଙ୍କ ଆକାଉଣ୍ଟକୁ ପଠାଯାଇଛି । ବର୍ତ୍ତମାନ ପର୍ଯ୍ୟନ୍ତ ୮.୪୨ କୋଟିରୁ ଅଧିକ ଚାଷୀ ୧୨ କିସ୍ତିର ଲାଭ ପାଇଛନ୍ତି । ବର୍ତ୍ତମାନ ଦେଶରେ ୧୨ କୋଟିରୁ ଅଧିକ ଚାଷୀ ଏହି ସରକାରୀ ଯୋଜନାର ସୁଯୋଗ ନେଉଛନ୍ତି ।
ଚାଷୀଭାଇଙ୍କ ପାଇଁଁ ଖୁସି ଖବର। ସରକାର ଦେଲେ ଖୁସି କରିଦେବା ଭଳି ଖବର। କେନ୍ଦ୍ର ସରକାର ଚାଷୀଙ୍କ ଆର୍ଥିକ ଲାଭ ପାଇଁ ନିରନ୍ତର ପ୍ରୟାସ କରୁଛନ୍ତି । ଏହି କ୍ରମରେ ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ବା ପିଏମ କିଷାନ ଅଧୀନରେ ସରକାର କୃଷକଙ୍କ ଆକାଉଣ୍ଟକୁ ୨୦୦୦ ଟଙ୍କାର ୩ଟି କିସ୍ତି ଅର୍ଥାତ୍ ବାର୍ଷିକ ୬୦୦୦ ଟଙ୍କା ଆର୍ଥିକ ସହାୟତା କରୁଛନ୍ତି । ଚାଷୀଙ୍କ ଆର୍ଥିକ ସହାୟତା ତଥା ବୃଦ୍ଧାବସ୍ଥାକୁ ସୁରକ୍ଷିତ ରଖିବା ପାଇଁ ସରକାର ପେନସନର ସୁବିଧା ‘ପିଏମ କିଷାନ ମାନଧନ ଯୋଜନା’ ଆରମ୍ଭ କରିଛନ୍ତି । ପ୍ରଧାନମନ୍ତ୍ରୀ କିସାନ୍ ସମ୍ମାନ ନିଧି ଯୋଜନା (PM Kisan) ଅନୁଯାୟୀ ୨୦୦୦ ଅର୍ଥାତ୍ ୬୦୦୦ ଟଙ୍କା ତିନୋଟି କିସ୍ତି ସିଧାସଳଖ ଚାଷୀଙ୍କ ଆକାଉଣ୍ଟକୁ ଯାଉଛି। ଏହା ସହିତ କୃଷକମାନେ ପିଏମ କିଷାନ ମାନଧନ ଯୋଜନା (PM kasan maandhan ପେନସନ୍ ଯୋଜନା) ର ଲାଭ ମଧ୍ୟ ପାଇଛନ୍ତି । ଏହା ଅଧୀନରେ, ଆପଣ ପ୍ରତି ମାସରେ ୩୦୦୦ ଟଙ୍କା ପେନ୍ସନ୍ ମଧ୍ୟ ପାଇବେ । ତାହା ହେଉଛି, ଆପଣ ପିଏମ କିସାନଙ୍କ ୬ ହଜାର ଟଙ୍କା ସହିତ ୩୬,୦୦୦ ପେନ୍ସନ୍ ମଧ୍ୟ ପାଇପାରିବେ ।
ପୂର୍ବ ବର୍ଷକୁ ଦେଖିଲେ, ଅର୍ଥାତ୍ ୧ ଜାନୁଆରୀ ୨୦୨୨ରେ ପିଏମ ମୋଦୀ ଅପରାହ୍ନ ୧୨ଟା ୩୦ରେ ଚାଷୀଙ୍କ ଆକାଉଣ୍ଟକୁ ଟଙ୍କା ଟ୍ରାନ୍ସଫର କରିଥିଲେ । ଗତ ବର୍ଷ ପ୍ରଧାନମନ୍ତ୍ରୀ ମୋଦୀ ଭିଡିଓ କନଫରେନ୍ସିଂ ମାଧ୍ୟମରେ ଟଙ୍କା ଟ୍ରାନ୍ସଫର କରିଥିଲେ । ଏହା ଅଧୀନରେ ପ୍ରାୟ ୧୦ କୋଟି ଚାଷୀଙ୍କୁ ୨୦,୦୦୦ କୋଟି ଟଙ୍କା ଟ୍ରାନ୍ସଫର କରାଯାଇଥିଲା ।
ଲିଷ୍ଟରେ ନିଜ ନାଁ ଦେଖିବାକୁ ଚାଁହୁଥିଲେ ଏପରି କରନ୍ତୁ ଚେକ:
– ନାଁ ଚେକ୍ କରିବାକୁ ଆପଣଙ୍କୁ ପ୍ରଥମେ ପିଏମ କିଷାନ ଯୋଜନାର ୱେବସାଇଟ https://pmkisan.gov.in କୁ ଯିବାକୁ ପଡିବ ।
– ଏବେ ଏହାର ହୋମପେଜରେ ଆପଣଙ୍କୁ Farmers Cornerର ଅପସନ୍ ମିଳିବ ।
– Farmers Corner ସେକ୍ସନର ଭିତରେ Beneficiaries Status ଅପସନ୍ ଉପରେ କ୍ଲିକ କରନ୍ତୁ ।
-ଏହା ପରେ ଆପଣଙ୍କୁ ୱେବସାଇଟରେ ନିଜର ଆଧାର ନମ୍ବର, ମୋବାଇଲ ନମ୍ବର ଭଳି ଆବଶ୍ୟକ ସୂଚନା ଦେବାକୁ ହେବ ।
-ଏହାପରେ ଆପଣଙ୍କୁ ସ୍କ୍ରିନରେ ଏକ ଲିଷ୍ଟ ଆସିବ, ଆପଣ ଏହି ଲିଷ୍ଟରେ ନିଜ ନାମ ଚେକ କରିପାରିବେ ।
