ଆଜି ନୂଆ ବର୍ଷର ପ୍ରଥମ ଦିନରେ ପ୍ରଧାନମନ୍ତ୍ରୀ ଦେଶର କୃଷକମାନଙ୍କୁ ଉପହାର ଦେଇଛନ୍ତି। ପ୍ରଧାନମନ୍ତ୍ରୀ ମୋଦି କୃଷକଙ୍କ ପାଇଁ କୃଷକ ସମ୍ମାନ ନିଧିର ଦଶମ କିସ୍ତି ଆଜି ଜାରି କରିଛନ୍ତି। ରିପୋର୍ଟ ମୁତାବକ, ଆଜି ଅପରାହ୍ନ ସାଢ଼େ ୧୨ଟାରେ ମୋଦି ଚାଷୀଙ୍କ ଖାତାଙ୍କୁ ଏହି ଟଙ୍କା ସିଧାସଳଖ ଟ୍ରାନ୍ସଫର କରିଛନ୍ତି। ଗତ କାଲି ମୋଦି ଟ୍ଵିଟ୍ କରି ଏହି ସୂଚନା ଦେଇଥିଲେ।
ମୋଦିଙ୍କର ଆଜି ଏହି ଟ୍ରାନ୍ସଫର ପରେ ପାଖାପାଖି ୧୧.୩୭ କୋଟି ଚାଷୀ ଲାଭାନ୍ଵିତ ହୋଇଛନ୍ତି। ଏହି ୧୦ମ କିସ୍ତି ଯୋଗୁ ଉତ୍ତର ପ୍ରଦେଶର ବି ଲକ୍ଷାଧିକ ଚାଷୀ ଲାଭାନ୍ଵିତ ହେବେ। ସୂଚନା ମୁତାବକ, ପ୍ରଧାନମନ୍ତ୍ରୀ କୃଷକ ସମ୍ମାନ ନିଧି ଯୋଜନାରେ ଆଜି ବିହାରର ୮୩ ଲକ୍ଷ ୫୩ ହଜାର ୨୭୦ ଚାଷୀଙ୍କ ବ୍ୟାଙ୍କ ଖାତାକୁ ୧୬୭୦ କୋଟି ୬୫ ଲକ୍ଷ ୪୦ ହଜାର ଟଙ୍କା ଆସିଛି।
नव वर्ष, 2022 का पहला दिन देश के अन्नदाताओं को समर्पित रहेगा। दोपहर 12:30 बजे वीडियो कॉन्फ्रेंसिंग के जरिए पीएम-किसान की 10वीं किस्त जारी करने का सौभाग्य मिलेगा। इसके तहत 20 हजार करोड़ रु की राशि के ट्रांसफर से 10 करोड़ से अधिक किसान परिवारों को लाभ होगा। https://t.co/g8IYegLJvI
— Narendra Modi (@narendramodi) December 31, 2021
ସୂଚନାଯୋଗ୍ୟ ଯେ କେନ୍ଦ୍ର ସରକାର ଏବେ ଯାଏଁ ଏହି ଲାଭକାରୀ ଯୋଜନାରେ କୃଷକଙ୍କ ଖାତାକୁ ୧.୫୮ ଲକ୍ଷ କୋଟି ଟଙ୍କା ପଠାଇ ସାରିଲେଣି। ଏହି ଯୋଜନାରେ ଦେଶର କୃଷକଙ୍କୁ ସରକାରଙ୍କ ପକ୍ଷରୁ ବାର୍ଷିକ ୬ ହଜାର ଟଙ୍କା ଦିଆଯାଉଛି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ଟ୍ଵିଟ୍ କରି ସୂଚନା ଦେଇଥିଲେ ଯେ ଆଜି ୧୦ କୋଟିରୁ ଅଧିକ ଲାଭାର୍ଥୀ କୃଷକ ପରିବାରକୁ ୨୦,୦୦୦ କୋଟିରୁ ଅଧିକ ଟଙ୍କାର ଧନରାଶି ଟ୍ରାନ୍ସଫର କରାଯିବ। ମୋଦି ଆଜି ଅପରାହ୍ନ ୧୨.୩୦ରେ ଭିଡିଓ କନ୍ଫରେନ୍ସିଂ ଜରିଆରେ ପ୍ରଧାନମନ୍ତ୍ରୀ କୃଷକ ସମ୍ମାନ ନିଧି ଯୋଜନାର ୧୦ମ କିସ୍ତି ଜାରି କରିବେ।