ସାମ୍ନାକୁ ଆସିଲା ନୂଆ ୧୦୦ଟଙ୍କିଆ ନୋଟର ଫଟୋ : ପକେଟକୁ ଆସିବା ଆଗରୁ ଜାଣନ୍ତୁ କେମିତି ଚିହ୍ନିବେ ଅସଲି ଓ ନକଲି
ନୂଆଦିଲ୍ଲୀ : ଖୁବ୍ ଶୀଘ୍ର ବଜାରକୁ ଆସିବ ନୂଆ ୧୦୦ ଟଙ୍କିଆ ନୋଟ୍ । ବାଇଗଣୀ ରଙ୍ଗର ଏହି ନୂଆ ନୋଟର ଫଟୋ ଜାରି କରିଛି ଆରବିଆଇ । ୧୦୦ ଟଙ୍କିଆ ଏହି ନୂଆ ନୋଟ୍ ମହାତ୍ମା ଗାନ୍ଧୀ ସିରିଜରେ ଜାରି ହେବ । ନୂଆ ୧୦୦ ଟଙ୍କିଆ ନୋଟରେ ଗୁଜୁରାଟର ରାଣୀ କି ଭାବର ଚିତ୍ର ରହିବ।
ନୂଆ ନୋଟ୍ ପୁରୁଣା ଠାରୁ ସାମାନ୍ୟ ଛୋଟ ଓ ୧୦ ଟଙ୍କିଆଠାରୁ ସାମାନ୍ୟ ବଡ଼ ରହିବ। ଏହାର ଡାଇମେନସନ୍ ୬୬mm ଙ୍ଘ ୧୪୨ mm । ତେବେ ନୂଆ ୧୦୦ ଟଙ୍କିଆ ଆସିବା ପରେ ମଧ୍ୟ ପୁରୁଣା ନୋଟ୍ ମଧ୍ୟ ପ୍ରଳଚନରେ ରହିବ ବୋଲି କହିଛି ରିଜର୍ଭ ବ୍ୟାଙ୍କ୍ । ତେବେ ଏହି ନୂଆ ନୋଟ୍ ଆପଣଙ୍କ ପକେଟରେ ପହଂଚିବାକୁ ସମୟ ଲାଗିବ । କିନ୍ତୁ ଏହା ଆପଣଙ୍କ ନିକଟରେ ପହଂଚିବା ଭିତରେ ସମସ୍ତ ଫିଚର୍ ଜାଣିବା ନିହାତି ଜରୁରୀ । ଯାହା ଫଳରେ ଅସଲ ଏବଂ ନକଲ ମଧ୍ୟରେ ଫରକ ଜାଣିପାରିବେ ।
ନୋଟର ସାମ୍ନା ଫିଚର୍ :
– ଦେବନଗରୀରେ ୧୦୦ ଲେଖାଯାଇଥିବ ।
– ନୋଟର ମଧ୍ୟଭାଗରେ ମହାତ୍ମାଗାନ୍ଧୀଙ୍କ ଚିତ୍ର ରହିବ ।
– ଛୋଟ ଅକ୍ଷରରେ RBI, ଭାରତ , India ଏବଂ ୧୦୦ ଲେଖାହୋଇଥିବ ।
– ସୁରକ୍ଷା ପାଇଁ ସିକ୍ୟୁରିଟି ଥ୍ରେଡ୍ ମଧ୍ୟ ଲଗାଯାଇଛି । ଏଥିରେ କଲର୍ ସିଫ୍ଟ ମଧ୍ୟ ରହିଛି । ଯେତେବେଳେ ନୋଟକୁ ମୋଡିବେ ସେତେବେଳେ ଥ୍ରେଡର ରଙ୍ଗ ସବୁଜ ଏବଂ ନୀଳ ହୋଇଯିବ ।
– ଏହା ସହ ଗ୍ୟାରେଂଟି କ୍ଲଜ୍, ଗଭର୍ଣ୍ଣରଙ୍କ ହସ୍ତାକ୍ଷର ଶପଥ ସହ ଆରବିଆଇର ଏମବ୍ଲେମ୍ ମଧ୍ୟ ମହାତ୍ମା ଗାନ୍ଧୀଙ୍କ ଫଟୋର ଡାହଣ ପଟେ ରହିବ ।
– ଅଶୋକ ସ୍ତମ୍ବ ମଧ୍ୟ ଡାହଣ ପଟେ ରହିବ ।
ପଛ ଫିଚର :
– ନୋଟର ପଛ ପଟେ ପ୍ରିଂଟିଙ୍ଗର ବର୍ଷ ଲେଖା ରହିବ ।
– ସ୍ବଚ୍ଛ ଭାରତର ଲୋଗ ଏବଂ ଏହାର ମିଶନ ମଧ୍ୟ ରହିବ ।
– ରାଣୀ କି ଭାବ୍ ରହିବ ପଛ ପଟେ
– ଦେବନଗରୀରେ ୧୦୦ ଲେଖା ରହିବ
ଯଦି ଆପଣଙ୍କୁ ଏହି ସବୁ ଫିଚର ମନେ ନରହୁଛି ତେବେ ଆରବିଆଇର ସାହାଯ୍ୟରେ କେତେବେଳେ ଯାଂଚ୍ କରି ପାରିବେ । କାରଣ ଆରବିଆଇ paisaboltahai.rbi.org.in ପୋର୍ଟାଲ ଆରମ୍ଭ କରି ସାରିଛି। ଏହି ସାଇଟରେ ଆପଣ ସମସ୍ତ ନୂଆ ନୋଟ ବିଷୟରେ ସବିଶେଷ ବିବରଣୀ ଜାଣି ପାରିବେ ।
