କରୋନାକୁ ନେଇ ଆଉ ଏକ ସାଙ୍ଘାତିକ ଲକ୍ଷଣ, ଟାର୍ଗେଟରେ ହାର୍ଟ
କରୋନା ଭାଇରସକୁ ନେଇ ଆଉ ଏକ ବିପଜ୍ଜନକ ସଂକେତ ସାମ୍ନାକୁ ଆସିଛି । ଜର୍ଜିଆର ଆଟଲାଣ୍ଟା ସ୍ଥିତ ଆମୋରି ଡାକ୍ତରଖାନାରେ ଭର୍ତ୍ତି ହୋଇଥିବା କରୋନା ସଂକ୍ରମିତ ରୋଗୀଙ୍କୁ ଚିକିତ୍ସା କରୁଥିବା ଡାକ୍ତରମାନେ ଜାଣିବାକୁ ପାଇଲେ ଯେ 20 ରୁ 40 ପ୍ରତିଶତ ରୋଗୀଙ୍କର ରକ୍ତ ଜମାଟ ବାନ୍ଧିଛି । ତେବେ ଭାରତରେ ମଧ୍ୟ ଏଭଳି ଅନେକ ମାମଲା ସାମ୍ନାକୁ ଆସିଛି ଯେଉଁଥିରେ ରୋଗୀଙ୍କର ମୃତ୍ୟୁ ହୋଇଛି ।
ଡାକ୍ତରଙ୍କ କହିବା ଅନୁଯାୟୀ ରକ୍ତ ପତଳା କରିବା ପାଇଁ ଔଷଧ ଚାଲିଥିବାବେଳେ ରୋଗୀମାନଙ୍କ ମଧ୍ୟରେ ଏହି ଚକିତ ଯନ୍ତ୍ରଣା ଦେଖାଯାଇଥିଲା । ମାଇମୋନାଇଡସ୍ ମେଡିକାଲ୍ ସେଣ୍ଟରର ଡାକ୍ତର ପଲ୍ କହିଛନ୍ତି ଯେ ବଡ଼ ରକ୍ତବାହୀ ଏବଂ ଛୋଟ ରକ୍ତଭଣ୍ଡାରରେ ରକ୍ତ ଜମାଟ ବାନ୍ଧିଯାଉଥିଲା । ଏହି ଉଭୟ ରକ୍ତବାହୀ ଶରୀରର ଅନେକ ଅଙ୍ଗରେ ରହିଛି । ଏପରି ପରିସ୍ଥିତିରେ ଗୋଡ, ଫୁସଫୁସ କିମ୍ବା ଫୁସଫୁସର ଏମ୍ବୋଲିରେ ରକ୍ତ ଜମାଟ ବାନ୍ଧିପାରେ । ତେବେ ଏଥିରୁ କୁହାଯାଇପାରେ ଯେ କରୋନା ହାର୍ଟର ଶତ୍ରୁ ଅଟେ କାରଣ କରୋନା ହାର୍ଟର ମାଂସପେଶୀକୁ ଅଧିକ କ୍ଷତି ପହଞ୍ଚାଇଥାଏ ।
କେସ୍ 1 : ରାଜସ୍ଥାନ ରାଜଧାନୀ ଜୟପୁରରେ ଇଟାଲୀର ଜଣେ 69 ବର୍ଷୀୟ ନାଗରିକ କରୋନାରେ ସଂକ୍ରମିତ ହୋଇଥିଲେ । ସଂପୂର୍ଣ୍ଣ ସୁସ୍ଥ ହେବା ପରେ ତାଙ୍କୁ ଏସଏମଏସ ହସ୍ପିଟାଲରୁ ଡିସଚାର୍ଜ କରାଯାଇଥିଲା, କିନ୍ତୁ ପରେ ମାର୍ଚ୍ଚ 19 ତାରିଖରରେ ଏକ ଘରୋଇ ଡାକ୍ତରଖାନାରେ ତାଙ୍କର ହୃଦଘାତରେ ମୃତ୍ୟୁ ହୋଇଥିଲା ।
କେସ୍ 2 : ଇଟାଲୀର ଜଣେ 78 ବର୍ଷୀୟା ମହିଳା କରୋନା ସଂକ୍ରମିତ ହେବା ପରେ ଗୁରୁଗ୍ରାମର ଡାକ୍ତରଖାନାରେ ଭର୍ତ୍ତି ହୋଇଥିଲେ । ମହିଳା ଜଣକ ଏହି ଜୀବାଣୁରୁ ସଂପୂର୍ଣ୍ଣ ଆରୋଗ୍ୟ ହୋଇଥିଲେ ମଧ୍ୟ ଏପ୍ରିଲ 9 ରେ ହଠାତ୍ ହୃଦଘାତରେ ତାଙ୍କର ମୃତ୍ୟୁ ଘଟିଥିଲା ଯାହା ଡାକ୍ତରଙ୍କୁ ଆଶ୍ଚର୍ଯ୍ୟ କରିଥିଲା ।
