ଲୋକଙ୍କ ଜୀବନରେ ଖୁସି ଭରି ଦେଉଥିବା ବ୍ରିଟେନର ୩୮ ବର୍ଷୀୟ ଡ୍ୟାନି ଶର୍ମା ଡିସ୍କ ଜ୍ୟାକି ଯିଏକି ଅନ୍ୟକୁ ଖୁସିରେ ଦେଖି ନିଜେ ଖୁସି ହୁଅନ୍ତି । ବର୍ତ୍ତମାନ୍ ତାଙ୍କୁ କରୋନାର ନଜର ଲାଗିଯାଇଛି । ତେବେ ଶେଷ ସମୟ ପର୍ଯ୍ୟନ୍ତ ସେ ନିଜର ଦୁଃଖକୁ ଫେସବୁକ ଜରିଆରେ ସେୟାର କରିଛନ୍ତି ଏବଂ ନିଜର ଏହି ବାର୍ତ୍ତା ମାଧ୍ୟମରେ ସାରା ଦୁନିଆର ଲୋକଙ୍କୁ ସଚେତନ କରାଇବା ପାଇଁ ଚେଷ୍ଟା କରିଛନ୍ତି ।
ଡ୍ୟାନି କହିଛନ୍ତି “ମୁଁ ଆପଣ ସମସ୍ତଙ୍କୁ ଅନୁରୋଧ କରୁଛି ଯେ ସତର୍କ ରୁହନ୍ତୁ ଏବଂ ନିଜ ପରିବାର ସହିତ ଖୁସିରେ ରୁହନ୍ତୁ । ଗତ କିଛିବର୍ଷ ଧରି ମୁଁ ମଧୁମେହ ରୋଗରେ ପୀଡିତ ଥିଲି । ମୁଁ କରୋନାକୁ ନେଇ ବହୁତ୍ ସତର୍କ ଥିଲି ଏବଂ ଟିକିଏ ଲକ୍ଷଣ ଦେଖାଯିବା ମାତ୍ରେ ମୁଁ ନିଜର ଯାଞ୍ଚ କରାଇଥିଲି । ତେବେ ଶେଷରେ ସେଇଆ ହେଇଥିଲା ଯାହାର ଡର ଥିଲା । ରିପୋର୍ଟରେ କରୋନା ପଜେଟିଭ ବାହାରିଥିଲା । ଏହା ଜାଣିବା ପରେ ମୋ ପାଦତଳୁ ମାଟି ଖସିଯାଇଥିଲା । ବିଶ୍ବାସ ହେଉନଥିଲା ଯେ ମୋତେ ସତରେ କରୋନା ହୋଇଯାଇଛି ।
ସୂଚନା ଅନୁଯାୟୀ ଡ୍ୟାନିଙ୍କୁ ବର୍ତ୍ତମାନ୍ ବ୍ରିଟେନର ହିଲିଗଣ୍ଡନ୍ ହସ୍ପିଟାଲରେ ଭର୍ତ୍ତି କରାଯାଇଛି କିନ୍ତୁ ତାଙ୍କ ସ୍ୱାସ୍ଥ୍ୟବସ୍ଥା ଦିନକୁଦିନ ଖରାପ ହେବାରେ ଲାଗିଛି । ମାର୍ଚ୍ଚ ୨୩ ତାରିଖରେ ତାଙ୍କୁ ପ୍ରଥମେ ହୈମରାସ୍ମିଥ ହସ୍ପିଟାଲରେ ଭର୍ତ୍ତି କରାଯାଇଥିଲା କିନ୍ତୁ ତାଙ୍କ ସ୍ୱାସ୍ଥ୍ୟ ବସ୍ଥା ଖରାପ ହେବାରୁ ତାଙ୍କୁ ଆଉଗୋଟିଏ ହସପିଟାଲକୁ ପଠାଇ ଦିଆଯାଇଛି ।