ବାସ୍ତୁ ଶାସ୍ତ୍ର: ଜାଣନ୍ତୁ ଘରର କେଉଁ ସ୍ଥାନରେ ରଖିବେ ଫିସ୍‌ ଆକ୍ୱାରିୟମ

ଅନେକ ଲୋକ ଫିସ୍‌ ଆକ୍ୱାରିୟମକୁ ଘରେ ଏକ ହବି ଭାବରେ ରଖନ୍ତି, ଯାହା ବେଳେବେଳେ ବାସ୍ତୁ ତ୍ରୁଟି ଏବଂ ଅନ୍ୟାନ୍ୟ ସମସ୍ୟାର କାରଣ ହୋଇଯାଏ । ବାସ୍ତୁ ଶାସ୍ତ୍ରରେ ମାନବ ଜୀବନରେ ଆସୁଥିବା ସମସ୍ୟାକୁ ଦୂର କରିବା ପାଇଁ ଅନେକ ସରଳ ସମାଧାନ ମିଳିଥାଏ । ଏହି ସବୁ ଜିନିଷକୁ ମାନି ଅନେକ ଲୋକ ତାଙ୍କ ଜୀବନରେ ସଫଳତା ହାସିଲ କରିପାରନ୍ତି ।  ଏହା ବ୍ୟତୀତ, ଫିସ୍‌ ଆକ୍ୱାରିୟମ୍ ରଖିବାର ସଠିକ ଦିଗ, ପଦ୍ଧତି ଏବଂ ନିୟମକୁ ମଧ୍ୟ ବାସ୍ତୁ ଶାସ୍ତ୍ରରେ ବର୍ଣ୍ଣନା କରାଯାଇଛି । ଯଦି ଆପଣ ଫିସ୍‌ ଆକ୍ୱାରିୟମକୁ ଘରେ ସଠିକ୍ ସ୍ଥାନରେ ରଖିବେ, ତାହେଲେ ଏହା ଆପଣଙ୍କ ଭାଗ୍ୟରେ ମଧ୍ୟ ପରିବର୍ତ୍ତନ ଆଣିପାରେ । ସେଥିପାଇଁ ଆସନ୍ତୁ ଆମେ ଆଜି ଆପଣଙ୍କୁ ଏହି ବିଷୟରେ କିଛି ବିଶେଷ କଥା ଜଣାଇବୁ ଏବଂ ଘରର କେଉଁ ସ୍ଥାନରେ ଫିସ୍‌ ଆକ୍ୱାରିୟମକୁ ରଖିବା ଏବଂ ଏହା ଆପଣଙ୍କ ପରିବାର ପାଇଁ ସୁଖ ସମୃଦ୍ଧି ଆଣିବ ତାହା ମଧ୍ୟ ଆମେ ଜଣାଇବୁ ।

ବାସ୍ତୁ ଶାସ୍ତ୍ରରେ କୁହାଯାଇଛି ଯେ ଘରେ ମାଛ ରଖୁଥିବା ବ୍ୟକ୍ତି ତାଙ୍କ ଜୀବନରେ ସବୁ ବେଳେ ଆଗକୁ ଯାଇଥିନ୍ତି ଏବଂ ତାଙ୍କୁ ସଫଳତାର ନୂଆ ରାସ୍ତା ମିଳିଥାଏ ।  ତେଣୁ ଆପଣ ମଧ୍ୟ ନିଜ ଘରେ ଏକ ଫିସ୍‌ ଆକ୍ୱାରିୟମ୍ ରଖିପାରିବେ ।

ବାସ୍ତୁ ଶାସ୍ତ୍ର ଅନୁଯାୟୀ, ଘରେ ଏକ ଫିସ୍‌ ଆକ୍ୱାରିୟମ୍ ରଖିବା ପାଇଁ ସବୁଠାରୁ ଶୁଭ ଏବଂ ସର୍ବୋତ୍ତମ ସ୍ଥାନ ଉତ୍ତର-ପୂର୍ବ ଦିଗ ବୋଲି ବିବେଚନା କରାଯାଏ । ଏହି ଦିଗରେ ଏକ ଫିସ୍‌ ଆକ୍ୱାରିୟମ୍ ରଖିବା ଦ୍ୱାରା ଘରେ ଶାନ୍ତି ବଜାୟ ରହିଥାଏ ଏବଂ ଚାପଗ୍ରସ୍ତ ପରିବେଶ ଦୂର ହୋଇଥାଏ ।

ଯଦି ଆପଣଙ୍କ ଘରେ ଏକ ଫିସ୍‌ ଆକ୍ୱାରିୟମ୍ ଅଛି, ତେବେ ସମୟ ସମୟରେ ଏହାର ଜଳ ପରିବର୍ତ୍ତନ କରିବା ଅତ୍ୟନ୍ତ ଜରୁରୀ । ଏହା କରି ଆପଣ ପ୍ରତ୍ୟେକ କ୍ଷେତ୍ରରେ ସଫଳତା ହାସଲ କରିପାରିବେ । ଯଦି ଆପଣ ସମୟ ସମୟରେ ଜଳ ପରିବର୍ତ୍ତନ ନକରନ୍ତି, ତେବେ ଆପଣଙ୍କର ଉନ୍ନତିରେ ବାଧାପ୍ରାପ୍ତ ହେବାକୁ ଲାଗିପାରେ ।

ବାସ୍ତୁ ଶାସ୍ତ୍ରରେ ଏହା ଉଲ୍ଲେଖ କରାଯାଇଛି ଯେ ଫିସ୍‌ ଆକ୍ୱାରିୟମକୁ ଭୁଲରେ ମଧ୍ୟ ରୋଷେଇ ଘରେ ରଖିବା ଉଚିତ୍ ନୁହେଁ । ଏହା ବ୍ୟତୀତ ଶୋଇବା ଘରେ ଆକ୍ୱାରିୟମ୍ ରଖିବା ମଧ୍ୟ ନିଷେଧ । ଏହା କରିବା ଦ୍ୱାରା ଆପଣଙ୍କୁ ଆର୍ଥିକ ସଙ୍କଟର ସମ୍ମୁଖୀନ ହେବାକୁ ପଡିପାରେ ।