ଫିଲ୍ମ ‘ଭୋଲା’ର ପ୍ରୋମୋ ସେୟାର କଲେ ଅଜୟ ଦେବଗନ, ଭୟଙ୍କର ଲୁକ୍ରେ ନଜର ଆସିଲେ ଅଭିଷେକ ବଚ୍ଚନ !
ପରଦାକୁ ଫେରୁଛନ୍ତି ଅଭିଷେକ ବଚ୍ଚନ। ତା’ ପୁଣି ଭୟଙ୍କର ଲୁକ୍ରେ । ଫିଲ୍ମ ‘ଭୋଲା’ରେ ଅଜୟଙ୍କ ସହିତ ନଜର ଆସିବେ ଅଭିଷେକ ବଚ୍ଚନ ।
ଅଜୟ ଦେବଗନଙ୍କ ଅପକମିଂ ଫିଲ୍ମ ‘ଭୋଲା’ର ଟିଜର ନିକଟରେ ରିଲିଜ ହୋଇଥିଲା । ଏଥିରେ ଅଜୟ ଦେବଗନଙ୍କ ଭିନ୍ନ ଅନ୍ଦାଜ ଦେଖିବାକୁ ମିଳିଥିଲା । ହେଲେ ଅଜୟ ଦେବଗନ ଏବେ ଏକ ପ୍ରୋମୋ ସେୟାର କରିଛନ୍ତି, ଯେଉଁଥିରେ ଫିଲ୍ମର ରହସ୍ୟ ଏବଂ ଭିନ୍ନ ଚରିତ୍ରକୁ ଦେଖିବାକୁ ମିଳିଛି। ତେବେ ଭିନ୍ନ ଚରିତ୍ର ଅଭିଷେକ ବଚ୍ଚନ ହୋଇପାରନ୍ତି ବୋଲି ଫ୍ୟାନ୍ସ ଆକଳନ କରୁଛନ୍ତି । ଫିଲ୍ମରେ ଅଭିଷେକ ବଚ୍ଚନ କେମିଓ ଭାବେ ନଜର ଆସିବେ । ତେଣେ ପ୍ରୋମୋରେ ଅଭିଷେକ ବଚ୍ଚନ ଥାଇପାରନ୍ତି ବୋଲି ଚର୍ଚ୍ଚା ଚାଲିଛି ।
୧୮ସେକେଣ୍ଡର ପ୍ରୋମୋ ଦେଖିଲେ ହୁଏତ କେହି ବି ଅନ୍ଦାଜା ଲଗାଇପାରିବେ ନାହଁ। ତଥାପି ପ୍ରୋମୋରେ ଆଖି ଆଉ ଭିନ୍ନ ଷ୍ଟାଇଲରେ ଠିଆ ହେବା ଦେଖି ସେ ଅଭିଷେକ ବଚ୍ଚନ ବୋଲି ଚର୍ଚ୍ଚା କରାଯାଉଛି ।
ପୂର୍ବରୁ ଭୋଲାର କିଛି ସୁଟିଂ ସେଟରେ ଫଟୋ ଲିକ୍ ହୋଇଥିଲା। ଯେଉଁଥିରେ ଅଭିଷେକ ବଚ୍ଚନ ବାରଣାସୀରେ ଅଜୟଙ୍କ ସହିତ ସୁଟିଂ କରିଥିବାର ଦେଖିବାକୁ ମିଳିଥିଲା । ଏହି ଫିଲ୍ମର ନିର୍ଦ୍ଦେଶନା ଅଜୟ ଦେବଗନ ଦେଉଛନ୍ତି ।
#7WeeksToBholaa#BholaaIn3D #BholaaOn30thMarch #Tabu #VineetKumar @imsanjaimishra @raogajraj #DeepakDobriyal pic.twitter.com/l2Pp7FzscD
— Ajay Devgn (@ajaydevgn) February 10, 2023
ତେବେ ଏହି ପ୍ରୋମୋ ଦେଖିବା ପରେ ଫ୍ୟାନ୍ସ ବିଭିନ୍ନ ପ୍ରକାରର ରିଆକ୍ସନ ଦେଉଛନ୍ତି । ଅଜୟ ଦେବଗନ ଏହି ଫିଲ୍ମରେ ସୂର୍ଯ୍ୟବଂଶୀ ପରେ ପୁଣି ଆକ୍ସନ ମୋଡରେ ନଜର ଆସିବେ ।
ସୂଚନାଯୋଗ୍ୟ, ଅଜୟଙ୍କ ଫିଲ୍ମ ‘ଭୋଲା’ ସାଉଥ ଫିଲ୍ମ କୈଥିର ରିମେକ । ଆଉ ଯେଉଁମାନେ କୈଥି ଦେଖିଛନ୍ତି, ସେମାନେ ଏହି ଫିଲ୍ମର ଟିଜରକୁ ପସନ୍ଦ କରୁନାହାନ୍ତି । ଏହାକୁ ଦେଖି ଫ୍ୟାନ୍ସ କହିଛନ୍ତି, ଫିଲ୍ମର ଟିଜରରେ ଅରିଜିନାଲ ଫିଲ୍ମର ମଜା ନଷ୍ଟ ହୋଇଯାଇଛି । ଅନ୍ୟ ଜଣେ କହିଛନ୍ତି, ଏହା ବିଲକୁଲ କୈଥିର ରିମେକ ଭଳି ଲାଗୁନି । ଏହି ଫିଲ୍ମ ୩୦ ମାର୍ଚ୍ଚରେ ରିଲିଜ ହେବ । ତେବେ ଫିଲ୍ମଟି ବକ୍ସ ଅଫିସରେ କିଭଳି ଆୟ କରିବ, ତାହା ପରେ ଦେଖିବାକୁ ମିଳିବ ।
AJAY DEVGN UNVEILS ‘BHOLAA’ ACTION-PACKED TEASER 2… #BholaaTeaser2 is here…The #AjayDevgn directorial arrives on 30 March 2023 in #3D and #IMAX.#Bholaain3D pic.twitter.com/0EMBIzKNav
— taran adarsh (@taran_adarsh) January 24, 2023