ଅଶୀ ଦଶକରେ ଅଭିନେତା ନୀତିଶ ଭରଦ୍ଵାଜ, ବିଆର ଚୋପ୍ରାଙ୍କ ନିର୍ଦ୍ଦେଶିତ ମହାଭାରତରେ କୃଷ୍ଣ ଭୂମିକା ନିଭେଇଥିଲେ । ତାଙ୍କ ଅଭିନୟରେ ଏତେ ନିଖୁଣତା ଥିଲା ଯେ,ସେସମୟରେ ଲୋକେ ତାଙ୍କୁ ଵାସ୍ତବ ଜୀବନର ଭଗବାନ ବୋଲି ଧରି ବସିଥିଲେ । ଲକ ଡାଉନ ପରିସ୍ଥିତି କାରଣରୁ ହିଁ ଦୀର୍ଘ ୩୨ ବର୍ଷ ପରେ ପୁଣି ଥରେ ଟେଲିକାଷ୍ଟ ହୋଇଛି । ଏହି ପୌରାଣିକ ସିରିଏଲ ଟିର ପୁନଃ ପ୍ରସାରଣ ପରେ ନୀତିଶ ନିଜ ଫ୍ୟାନ୍ସ ମାନଙ୍କ ପାଇଁ ଏକ ଶାନଦାର ଭେଟି ଆଣି ଦେଇଛନ୍ତି ।
ଏଣିକି ଆଗକୁ ନିଜ ପ୍ରଶଂସକ ମାନଙ୍କ ସହ ଯୋଡି ହୋଇ ରହିବା ପାଇଁ ନୀତିଶ ଏକା ସାଙ୍ଗରେ ତିନି ତିନିଟି ସୋସିଆଲ ମିଡ଼ିଆ ପ୍ଲାର୍ଟଫର୍ମରେ ଡେବ୍ୟୁ କରିବେ ବୋଲି ସ୍ଥିର କରିଛନ୍ତି । ସେଗୁଡିକ ଭିତରେ ଅଛି ଇଂସ୍ଟଗ୍ରାମ, ଟ୍ୱିଟର ଓ ୟୁଟ୍ୟୁବ । ନିଜ ଅଭିନୀତ ସିରିଏଲର ପୁନଃ ପ୍ରସାରଣ ଖୁସିରେ ନୀତିଶ ଏକ ଭିଡ଼ିଓ ମଧ୍ୟ ସେୟାର କରିଛନ୍ତି । ଭିଡ଼ିଓ ଟିରେ ନୀତିଶ ସମସ୍ତଙ୍କୁ ଧନ୍ୟବାଦ ଜଣାଇବା ସହ ନିଜ ଲୋକପ୍ରିୟତା ନେଇ ସମସ୍ତଙ୍କ ନିକଟରେ କୃତଜ୍ଞତା ଜ୍ଞାପନ କରିଛନ୍ତି । ସେ ଆହୁରି ମଧ୍ୟ କହିଛନ୍ତିକି , ‘ଆପଣ ମାନେ ମୋର ଅନଲାଇନ ଫ୍ୟାମିଲି ହୋଇଯାଇଛନ୍ତି ।
ମାତ୍ର ଦୁଇ ଦିନ ତଳେ ମୁଁ ସେୟାର କରିଥିବା ମହାଭାରତ ଭିଡି଼ଓ ଟିକୁ ଏଭିତରେ ଏକ କୋଟି ୧୨ ଲକ୍ଷ ଲୋକ ସେଆର କରି ସାରିଲେଣି । ଏହା ନିଶ୍ଚିତ ଭାବେ ଏକ ଆଶ୍ଚର୍ଯ୍ୟ । ଏଥିପାଇଁ ମୁଁ ସମସ୍ତଙ୍କ ନିକଟରେ ଚିର କୃତଜ୍ଞ । ବିଶେସ ଭାବେ ଆପଣ ମାନଙ୍କ ଭଲ ପାଇବା ହିଁ ମୋତେ ବିଭିନ୍ନ ସୋସିଆଲ ମିଡ଼ିଆ ଗୁଡ଼ିକରେ ଆକ୍ଟିଭ ରହିବା ପାଇଁ ବାଧ୍ୟ କରିଛି । କହିରଖିବା ଉଚିତ ହେବ ଯେ, ଲକ ଘୋଷଣା ପରେ ପ୍ରତିଦିନ ସକାଳ ଓ ସନ୍ଧ୍ୟା ସମୟରେ ୨ ଓଳି ପୁନଃ ପ୍ରସାରିତ ହେଉଛି ।