ବିବାହ ବନ୍ଧନରେ ବାନ୍ଧି ହେଲେ ଅଦିତି ରାଓ ହାଇଦରୀ, ଲଙ୍ଗ୍ ଟାଇମ୍ ପାର୍ଟନର ସିଦ୍ଧାର୍ଥଙ୍କୁ କଲେ ଜୀବନସାଥୀ
ଆଜିକାଲି ସବୁଆଡେ ମ୍ୟାରେଜ୍ ସିଜିନ୍ ଚାଲିଛି । ବିଶେଷ ଭାବେ ବଲିଉଡ ଇଣ୍ଡଷ୍ଟ୍ରୀରେ ପ୍ରାୟ ସମସ୍ତ ସେଲିବ୍ରେଟି ବିବାହ ବନ୍ଧନରେ ବାନ୍ଧି ହେଉଛନ୍ତି । ଯେପରି ରାକୁଲ ଓ ଜ୍ୟାକି, ପୁଲକିତ ଓ କ୍ରିତି ଏବଂ ତାପସୀ ଓ ମାଥିଆସଙ୍କ ଭଳି ଅନେକ ଷ୍ଟାର ଚଳିତ ବର୍ଷ ମ୍ୟାରେଜ୍ କରିଛନ୍ତି । ତେବେ ପ୍ରାୟତଃ ଏପରି ଖୁସି ଖବର ଶୁଣିବାକୁ ମିଳିଥାଏ । ସେହିପରି ଏବେ ମଧ୍ୟ ଅଭିନେତ୍ରୀ ଅଦିତି ରାଓ ହାଇଦରୀ ତାଙ୍କର ଲଙ୍ଗ୍ ଟାଇମ୍ ପାର୍ଟନର ସିଦ୍ଧାର୍ଥଙ୍କୁ ବିବାହ କରିଛନ୍ତି । ଖବର ଅନୁଯାୟୀ, ଦୁହେଁ ତେଲେଙ୍ଗାନାର ରଙ୍ଗନାଥ ସ୍ୱାମୀ ମନ୍ଦିର ବିବାହ ବନ୍ଧନରେ ବାନ୍ଧି ହୋଇଛନ୍ତି ।
ତେବେ ଅଦିତି ଏବଂ ସିଦ୍ଧାର୍ଥ ଇଣ୍ଟିମେଣ୍ଟ ସମାରୋହରେ ବିବାହ କରିଛନ୍ତି ଯେଉଁଥିରେ କେବଳ ସେମାନଙ୍କ ପରିବାର ଏବଂ ଘନିଷ୍ଠ ସମ୍ପର୍କୀୟମାନେ ଅଂଶଗ୍ରହଣ କରିଥିଲେ । ତେବେ ବର୍ତ୍ତମାନ ଉଭୟଙ୍କ ବିବାହ ଫଟୋ ସାମ୍ନାକୁ ଆସିଛି । ସୂଚନା ଅନୁସାରେ, ଅଦିତି ଏବଂ ସିଦ୍ଧାର୍ଥ ପାରମ୍ପାରିକ ରୀତିନୀତି ଅନୁଯାୟୀ ବିବାହ କରିଛନ୍ତି । ଏହା ସହ ତାମିଲନାଡୁର ପୁରୋହିତମାନଙ୍କୁ ସେମାନଙ୍କ ବିବାହ ପାଇଁ ଡକାଯାଇଥିଲା । ଯେଉଁଠାରେ ଦୁଇ ଜଣ ବିବାହ ବନ୍ଧନରେ ବାନ୍ଧି ହୋଇଥିଲେ । ସେହି ମନ୍ଦିର ୱାନାପାର୍ଟିରେ ଅଛି ଏବଂ ଏହି ସ୍ଥାନ ସହିତ ଅଦିତିଙ୍କର ଏକ ଖାସ୍ କନେକ୍ସନ୍ ରହିଛି ।
ବାସ୍ତବରେ, ଅଭିନେତ୍ରୀଙ୍କ ମା’ଙ୍କ ପରିବାରର ୱାନାପାର୍ଟୀ ସନ୍ଥାନମ୍ଙ୍କର ଶେଷ ଶାସକ ଥିଲେ । ଏହା ବ୍ୟତୀତ ସେ ଏକ ରାଜ ପରିବାରର ଝିଅ । ଅଦିତି ଆକବର ହେଦରିଙ୍କ ନାତୁଣୀ । ତେବେ ତାଙ୍କ ଜେଜେବାପା ମହମ୍ମଦ ସାଲେହ ଆକବର ହେଦରି ମଧ୍ୟ ଆସାମର ପୂର୍ବତନ ରାଜ୍ୟପାଳ ଥିଲେ । ଅଦିତି ରାଓ ହାଇଦରୀ ଏବଂ ସିଦ୍ଧାର୍ଥ ସେମାନ ନିଜ ଲାଇଫ୍କୁ ପର୍ସନାଲ ରଖିବାକୁ ପସନ୍ଦ କରନ୍ତି ଏବଂ ବୋଧହୁଏ ଏହି କାରଣରୁ ସେମାନେ ସିକ୍ରେଟ୍ ଭାବେ ମ୍ୟାରେଜ୍ କରିଛନ୍ତି ।
ତେବେ ଏବେ ଦମ୍ପତି ସେମାନଙ୍କର ବିବାହ ଫଟୋ ସେୟାର କରିଥାନ୍ତି ଯାହା ସୋସିଆଲ ମିଡିଆରେ ଖୁବ ଜୋରସୋରରେ ଭାଇରାଲ ହେଉଛି । ତେବେ ଏହି ଫଟୋଗୁଡିକରେ ଅଦିତି ଏବଂ ସିଦ୍ଧାର୍ଥ ଖୁବ ସୁନ୍ଦର ଦେଖାଯାଉଛନ୍ତି । ଅଦିତି ରାଓ ହାଇଦରୀ ଏବଂ ସିଦ୍ଧାର୍ଥ ୨୦୨୧ରେ ତାମିଲ ଓ ତେଲୁଗୁ ଫିଲ୍ମ ‘ମହା ସମୁଦ୍ରମ’ ରେ ଏକାଠି କାମ କରିଥିଲେ । ଏଠାରୁ ହିଁ ସେମାନଙ୍କର ଲଭ୍ ଷ୍ଟୋରି ଷ୍ଟାଟ୍ ହୋଇଥିଲା । ଏହା ପରେ ଅଦିତି ଏବଂ ସିଦ୍ଧାର୍ଥ ଅନେକ ଥର ଏକାଠି ନଜର ଆସିଥିଲେ । ଉଭୟ ପ୍ରାୟତଃ ଏକାଠି ରିଲ୍ କରୁଥିବାର ଦେଖିବାକୁ ମିଳିଥାଏ ।
ଯଦି ଏମାନଙ୍କ ୱାର୍କ ଫ୍ରଣ୍ଟ ବିଷୟରେ କଥା ହେବା, ତାହେଲେ ଅଦିତି ରାଓ ହାଇଦରୀଙ୍କୁ ଫିଲ୍ମ ‘ହିରାମଣ୍ଡି’ରେ ଶେଷ ଥର ପାଇଁ ଦେଖିବାକୁ ମିଳିଥିଲା । ସେହିଭଳି ସିଦ୍ଧାର୍ଥ ମଧ୍ୟ ନିଜ କ୍ୟାରିୟରରେ ବେଶ ସଫଳ ଅଛନ୍ତି । ଆପଣଙ୍କୁ କହି ରଖୁଛୁ ଯେ ଆଦିତ୍ୟ ଏବଂ ସିଦ୍ଧାର୍ଥ ଆନୁଷ୍ଠାନିକ ଭାବରେ ଚଳିତ ବର୍ଷ ମାର୍ଚ୍ଚରେ ଏକ ଭାବପ୍ରବଣ ଇନଷ୍ଟାଗ୍ରାମ ପୋଷ୍ଟ ମାଧ୍ୟମରେ ସେମାନଙ୍କ ନିର୍ବନ୍ଧ ବିଷୟରେ ଘୋଷଣା କରିଥିଲେ । ବର୍ତ୍ତମାନ ସୁଦ୍ଧା ସିନେମା ଜଗତର ଅନେକ ଷ୍ଟାର ବିବାହ ପୋଷ୍ଟରେ ଅଭିନନ୍ଦନ ଜଣାଇଛନ୍ତି । ଉଭୟଙ୍କ ଫ୍ୟାନ୍ସମାନେ ମଧ୍ୟ ତାଙ୍କୁ ନୂଆ ଜୀବନର ଆରମ୍ଭ ପାଇଁ ଅଭିନନ୍ଦନ ଜଣାଇଛନ୍ତି ।
