ପ୍ରି ୱେଡିଂ ଇଭେଣ୍ଟରେ ଅନନ୍ତ ଅମ୍ବାନୀ ସଲମାନ ଖାନଙ୍କୁ ନିଜ କୋଳରେ ଉଠାଇବାକୁ କଲେ ଚେଷ୍ଟା, ଭାଇରାଲ ହେଉଛି ମଜାଳିଆ ଭିଡିଓ 

ଅନନ୍ତ ଅମ୍ବାନୀ ଏବଂ ରାଧିକା ମର୍ଚ୍ଚାଣ୍ଟଙ୍କ ତିନି ଦିନିଆ ମେଗା ପ୍ରି ୱେଡିଂ ଇଭେଣ୍ଟରେ ଷ୍ଟାରମାନଙ୍କର ଏକ ଭିନ୍ନ ଷ୍ଟାଇଲ୍‌ ଦେଖିବାକୁ ମିଳିଛି । ଷ୍ଟାରମାନେ ଏହି ଇଭେଣ୍ଟରେ ବହୁତ ଏଞ୍ଜଏ କରୁଥିବାର ନଜର ଆସିଛନ୍ତି । ବଲିଉଡର ତିନି ଖାନ ଏହି ସମାରୋହର ପ୍ରତ୍ୟେକ କାର୍ଯ୍ୟରେ ନଜର ଆସିଥିଲେ । ସଲମାନ ଖାନ ମଧ୍ୟ ଅନନ୍ତ ଅମ୍ବାନୀ ଏବଂ ରାଧିକା ମର୍ଚ୍ଚାଣ୍ଟଙ୍କ ଏହି ଇଭେଣ୍ଟକୁ ଏଞ୍ଜଏ କରୁଥିବା ଦେଖିବାକୁ ମିଳିଥିଲା । ସଲମାନ ଖାନ ଅନନ୍ତ ଅମ୍ବାନୀଙ୍କ ସହ ଏକୋନଙ୍କ ଗୀତରେ ଡ୍ୟାନ୍ସ କରୁଥିବାର ନଜର ଆସିଛନ୍ତି । ଏହି ସମୟର ଏକ ମଜାଦାର ଭିଡିଓ ମଧ୍ୟ ସାମ୍ନାକୁ ଆସିଛି । ଏହି ଭିଡିଓଟି ଇନ୍‌ଷ୍ଟାଗ୍ରାମ୍‌ ଆକାଉଣ୍ଟ varindertchawla ସେୟାର କରାଯାଇଛି । ଯେଉଁଥିରେ ସଲମାନ ଏବଂ ଅନନ୍ତଙ୍କ ମଜାଳିଆ ଡ୍ୟାନ୍ସ ଲୋକଙ୍କ ମନ ଜିତିଛି ।

ବାସ୍ତବରେ ପ୍ରି ୱେଡିଂ ସେଲିବ୍ରେସନ୍‌ରେ ଅନନ୍ତ ଅମ୍ବାନୀ ସଲମାନ ଖାନଙ୍କୁ ନିଜ କୋଳରେ ଉଠାଇବାକୁ ଚେଷ୍ଟା କରୁଛନ୍ତି । ଏହି ସମୟ ମଧ୍ୟରେ ଏକୋନ ଗୀତ ଗାଉଥିବାର ନଜର ଆସିଛନ୍ତି । ଏହି ଭିଡିଓ ଦେଖିଲେ ଜଣାପଡୁଛି ଯେ ଅନନ୍ତ ଅମ୍ବାନୀ ସଲମାନ ଖାନଙ୍କୁ ନିଜ କୋଳରେ ଉଠାଇ ପାରିନାହାନ୍ତି । ଏହା ପରେ ଉଭୟ ସଲମାନ ଏବଂ ଅନନ୍ତ ଅମ୍ବାନୀ ଜୋରରେ ହସନ୍ତି ଏବଂ ତାପରେ ସଲମାନ ଖାନଙ୍କ ବଡି ଗାର୍ଡ ଶେରା ମଞ୍ଚକୁ ଆସି ସଲମାନଙ୍କୁ ତାଙ୍କ କୋଳରେ ଅତି ଆରାମରେ ଉଠାନ୍ତି । ଏହା ଦେଖି ଅନନ୍ତ ଅମ୍ବାନୀ ବହୁତ ଖୁସି ହୁଅନ୍ତି । ସଲମାନ ଖାନ ଏବଂ ଅନନ୍ତ ଅମ୍ବାନୀଙ୍କ ମଧ୍ୟରେ ହୋଇଥିବା ଏହି ମଜାଳିଆ ଡ୍ୟାନ୍ସ ଭିଡିଓ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି । ଦୁଇ ଜଣଙ୍କ ମଧ୍ୟ ଏକ ଭଲ ବଣ୍ଡିଗିଂ ଦେଖିବାକୁ ମିଳିଛି ।

ସୂଚନା ମୂତାବକ, ଅନନ୍ତ ଏବଂ ରାଧିକାଙ୍କ ତିନି ଦିନିଆ ମେଗା ପ୍ରି ୱେଡିଂ ଇଭେଣ୍ଟ ମାର୍ଚ୍ଚ ୩ ରେ ଶେଷ ହୋଇଛି । ଏହି ଇଭେଣ୍ଟରେ ଷ୍ଟାର୍‌ମାନଙ୍କ ମେଳା ଦେଖିବାକୁ ମିଳିଥିଲା । ତେବେ ଅମ୍ବାନୀ ପରିବାରର ପରସ୍ପର ପ୍ରତି ଥିବା ଭଲ ପାଇବା ମଧ୍ୟ ବହୁତ ଗଭୀର ଥିଲା । ଏହା ବ୍ୟତୀତ ବଲିଉଡର ସମସ୍ତ ଷ୍ଟାରଙ୍କୁ ଏହି ପାର୍ଟିରେ ଦେଖିବାକୁ ମିଳିଥିଲା । ଏହା ବ୍ୟତୀତ ଦେଶ ଏବଂ ବିଦେଶର ବଡ ବ୍ୟବସାୟୀମାନେ ମଧ୍ୟ ଏଥିରେ ନଜର ଆସିଥିଲେ । ତିନି ଦିନରେ ବିଭିନ୍ନ ଥିମ୍ ଉପରେ ପାର୍ଟି ହୋଇଥିଲା, ଯେଉଁଥିରେ ରିହାନା ଏବଂ ଏକୋନ୍ ଭଳି ହଲିଉଡ ଷ୍ଟାର ତଥା ବଲିଉଡ ଷ୍ଟାର ଦିଲଜିତ, ଆରିଜିତ୍ ଏବଂ ଶ୍ରେୟା ଘୋଷାଲ ନଜର ଆସିଥିଲେ । ଏହା ବ୍ୟତୀତ ନୀତା ଅମ୍ବାନୀଙ୍କର ମଧ୍ୟ ଏକ ବିଶେଷ ଡ୍ୟାନ୍ସ ପ୍ରଦର୍ଶନ ଦେଖିବାକୁ ମିଳିଥିଲା । ଏହି ସେଲିବ୍ରେସନ୍‌ରେ ଅମ୍ବାନୀ ପରିବାରର ଲୋକମାନେ ମଧ୍ୟ ବିଭିନ୍ନ ବଲିଉଡ ଗୀତରେ ଡ୍ୟାନ୍ସ କରିଥିବାର ନଜର ଆସିଥିଲେ ।