ଅନିଲ କପୁରଙ୍କ ପୁଅଙ୍କୁ ତାପସୀ ପନ୍ନୁ କହିଲେ ଏପରି
ଭିନ୍ନ ଧରଣର ଫିଲ୍ମ କରୁଥିବା ବଲିଉଡ ଅଭିନେତ୍ରୀ ତାପସୀ ପନ୍ନୁଙ୍କୁ କିଏବା ନଜାଣେ । ତାପସୀ ସେହି ଅଭିନେତ୍ରୀ ମାନଙ୍କ ମଧ୍ୟରୁ ଜଣେ ଯେଉଁମାନେ ସ୍ପଷ୍ଟଭାବେ ନିଜର ବକ୍ତବ୍ୟ ରଖିଥାନ୍ତି । ନିକଟରେ ତାପସୀ ଧୂପିୟାର ଏକ ଚାଟ ଶୋ “ନୋ ଫିଲଟର ନେହା”କୁ ଅତିଥି ଭାବେ ଯାଇଥିଲେ ଯେଉଁଠି ସେ ଅନେକ ବିଷୟକୁ ନେଇ ନିଜର ବୟାନ ରଖିଥିଲେ ।
ନେହା ଧୂପିୟା ଶୋରେ ତାପସୀଙ୍କୁ ପ୍ରଶ୍ନ କରାଯାଇଥିଲା ଯେ ବଲିଉଡରେ ଏପରି କେଉଁ କଳାକାର ଅଛନ୍ତି ଯାହାଙ୍କର ମାତା-ପିତା ଇଣ୍ଡଷ୍ଟ୍ରିରେ ନଥିଲେ ସେ ଆଜି ଫିଲ୍ମ ଇଣ୍ଡଷ୍ଟ୍ରିରୁ ବାହାରେ ଥାନ୍ତେ ? ଏହି ପ୍ରଶ୍ନର ଉତ୍ତରରେ ତାପସୀ ଅନିଲ କପୁରଙ୍କ ପୁଅ ହର୍ଷବର୍ଦ୍ଧନ କପୁରଙ୍କର ନାମ ନେଇଥିଲେ । ସେ କହିଥିଲେ ଯେ ମୁଁ ତାଙ୍କର ଯେତେବି ଫିଲ୍ମ ଦେଖିଛି ମୋତେ ଲାଗେ ଯେ ପ୍ରଥମ ଫ୍ଲପ ଫିଲ୍ମ ପରେ ତାଙ୍କୁ ଦ୍ଵିତୀୟ ଫିଲ୍ମ ମିଳିବା ବହୁତ ମୁସ୍କିଲ ଅଟେ । ସୂଚନା ଅନୁଯାୟୀ ହର୍ଷବର୍ଦ୍ଧନ ୨୦୧୬ ମସିହାରେ ଚଳଚ୍ଚିତ୍ର ‘ମିର୍ଜୟା’ରୁ ବଲିଉଡରେ ଡେବ୍ୟୁ କରିଥିଲେ । ଏହାପରେ ସେ ୨୦୧୮ ମସିହାରେ ଚଳଚ୍ଚିତ୍ର ‘ଭାବେଶ ଯୋଶୀ ସୁପରହିରୋ’ରେ ଦେଖିବାକୁ ମିଳିଥିଲେ । ତେବେ ହର୍ଷବର୍ଦ୍ଧନଙ୍କର ଏହି ଦୁଇଟି ଯାକ ଫିଲ୍ମ ବକ୍ସ ଅଫିସରେ ସେତେ ଭଲ ପ୍ରଦର୍ଶନ କରିପାରିନଥିଲା ।
ଏହାସହ ପଢନ୍ତୁ ସନ୍ନି ଲିଓନି ଏବଂ ଦୀପିକା ପାଦୁକନଙ୍କୁ ହରାଇ ପ୍ରିୟଙ୍କା ଜିତିନେଲେ ଏହି ଟାଇଟିଲ
ତାପସୀଙ୍କ ଉପରକୁ ଆସିଲେ ନିକଟରେ ରିଲିଜ ହୋଇଥିବା ‘ସାଣ୍ଡ କି ଆଁଖ’ରେ ତାଙ୍କୁ ଦେଖିବାକୁ ମିଳିଥିଲା । ଏହି ଚଳଚ୍ଚିତ୍ରରେ ତାଙ୍କ ସହିତ ଭୂମି ପେଡ଼ନେକର ମଧ୍ୟ ମୁଖ୍ୟ ଭୂମିକାରେ ଅଭିନୟ କରିଥିଲେ । ଏହି ଫିଲ୍ମ ଦୁନିଆର ସବୁଠାରୁ ବୟସ୍କ ଶାର୍ପ ସୁତାର ଚନ୍ଦ୍ରୋ ଏବଂ ପ୍ରକାଶି ତୋମରଙ୍କ ଜୀବନ ଉପରେ ଆଧାରିତ ।
