ମୁମ୍ବାଇ : ABCD3 ଫିଲ୍ମରୁ ହଟିଲେ ଅଭିନେତ୍ରୀ କ୍ୟାଟ୍ରିନା କୈଫ। ଫିଲ୍ମ ଭାରତର ବିଜି ସିଡ୍ୟୁଲ କାରଣରୁ କ୍ୟାଟ୍ରିନା ଏହି ଫିଲ୍ମ ଛାଡୁଛନ୍ତି। ଫିଲ୍ମରେ ବରୁଣ ଧଓ୍ଵନ ମୁଖ୍ୟ ଭୂମିକାରେ ନଜର ଆସିବେ। ରିମୋ ଡିସୌଜା ଏହାର ନିର୍ଦ୍ଦେଶନା ଦେଉଛନ୍ତି। ଫିଲ୍ମର ସୁଟିଂ ଡେଟସ୍ ଓ ଭାରତର ସୁଟିଂ ଡେଟସ୍ ଏକାଠି ପଡୁଥିବାରୁ କ୍ୟାଟ୍ରିନା ଏହି ଫିଲ୍ମରୁ ହଟିଯିବାକୁ ନିଷ୍ପତ୍ତି ନେଇଛନ୍ତି।
ଏବେ ସେ କେବଳ ଭାରତ ସୁଟିଂରେ ଧ୍ୟାନ ଦେବାକୁ ଚାହୁଁଛନ୍ତି ବୋଲି କହିଛନ୍ତି। ABCD3 ରେ ବରୁଣଙ୍କ ବ୍ୟତୀତ ପ୍ରଭୁଦେବା, ଧର୍ମେଶ, ରାଘବ, ପୁନୀତ ପାଠକ ମଧ୍ୟ ନଜର ଆସିବେ।
ଦେଶର ସବୁଠୁ ବଡ ଡ୍ୟାନ୍ସ ଫିଲ୍ମ ABCD ସିରିଜ୍ର ଏହା ତୃତୀୟ ଭାଗ। ପୂର୍ବରୁ ABCD-2 ରେ ବରୁଣ ଧୱନ ଓ ଶ୍ରଦ୍ଧା କପୁର ନଜର ଆସିଥିଲେ। ଉଭୟଙ୍କ କେମେଷ୍ଟ୍ରୀକୁ ଦର୍ଶକ ଖୁବ୍ ପସନ୍ଦ କରିବା ସହ ବକ୍ସ ଅଫିସରେ ହିଟ୍ ସାବ୍ୟସ୍ତ ହୋଇଥିଲା ଫିଲ୍ମ।