ସୁଧୁରୁଛି ମିଥୁନ ଚକ୍ରବର୍ତ୍ତୀଙ୍କ ସ୍ୱାସ୍ଥ୍ୟ ଅବସ୍ଥା, ପୁଅ ଦେଲେ ସୂଚନା

ଅଭିନେତା ତଥା ରାଜନେତା ମିଥୁନ ଚକ୍ରବର୍ତ୍ତୀଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଏହି ଅଭିନେତାଙ୍କୁ ଫେବୃଆରୀ ୧୦, ଶନିବାର ଦିନ କୋଲକାତାର ଆପୋଲୋ ହସ୍ପିଟାଲକୁ ନିଆଯାଇଛି । ଅଭିନେତାଙ୍କ ସ୍ୱାସ୍ଥ୍ୟ ଖରାପ ଥିଲେ ଯାହା ପରେ ତାଙ୍କୁ ହସ୍ପିଟାଲ ନିଆଯାଇଥିଲା । ଭେଟେରାନ ଅଭିନେତା ତଥା ବିଜେପି ନେତା ମିଥୁନ ଚକ୍ରବର୍ତ୍ତୀଙ୍କ ଫ୍ୟାନ୍ସ ମଧ୍ୟ ତାଙ୍କ ସ୍ୱାସ୍ଥ୍ୟ ବିଷୟରେ ଜାଣିବା ପରେ ଚିନ୍ତିତ ହୋଇଛନ୍ତି । ଏହି ପରିସ୍ଥିତିରେ ମିଥୁନଙ୍କୁ ସ୍ୱାସ୍ଥ୍ୟକୁ ନେଇ ତାଙ୍କ ପୁଅ କହିଛନ୍ତି ଯେ  ବାପା ଭଲ ଅଛନ୍ତି ଏବଂ ହସ୍ପିଟାଲରେ ଏହା ନିତିଦିନିଆ ଯାଞ୍ଚ କରାଯାଉଛି ।

ତେବେ ଗତ କାଲି ଖବର ଆସିଥିଲା ଯେ ୭୩ ବର୍ଷୀୟ ମିଥୁନ ଚକ୍ରବର୍ତ୍ତୀଙ୍କୁ ଫେବୃଆରୀ ୧୦, ଶନିବାର ସକାଳେ ହଠାତ୍ ଛାତିରେ ଯନ୍ତ୍ରଣା ଅନୁଭବ କରିବା ସହ ଅସ୍ଥିରତା ଅନୁଭବ କରିଥିଲେ, ଯାହା ପରେ ତାଙ୍କୁ ତୁରନ୍ତ ହସ୍ପିଟାଲ ନିଆଯାଇଥିଲା । ବର୍ତ୍ତମାନ ତାଙ୍କ ସ୍ୱାସ୍ଥ୍ୟ ଠିକ୍‌ ଅଛି ବୋଲି ସୂଚନା ଆସିଛି । ଏହି ପରି ଭାବେ ମିଥୁନଙ୍କ ପୁଅ ସମସ୍ତଙ୍କୁ ସୂଚନା ଦେଇଛନ୍ତି । ସେ ଏପରି ମଧ୍ୟ କହିଛନ୍ତି ଯେ ଏବେ ଚିନ୍ତା କରିବାର କିଛି ନାହିଁ । ଏହା ବ୍ୟତୀତ ତାଙ୍କ ଫ୍ୟାନ୍ସ ସେ ଠିକ୍‌ ହେଇଯିବା ପାଇଁ ପ୍ରାର୍ଥନା ମଧ୍ୟ କରୁଛନ୍ତି । ଲୋକମାନଙ୍କ ଚିନ୍ତା ଦେଖି ମିଥୁନଙ୍କ ପୁଅ ମିମୋହ କହିଛନ୍ତି ଯେ ତାଙ୍କ ବାପା ଭଲ ଅଛନ୍ତି ଏବଂ ଏହା ଆପୋଲୋ ହସ୍ପିଟାଲରେ ଏକ ନିତିଦିନିଆ ଯାଞ୍ଚ କରିବା ପାଇଁ ଆସିଛନ୍ତି ।  କିନ୍ତୁ ଆପଣମାନେ ଚିନ୍ତା ପ୍ରକାଶର କରିଥିବାରୁ ଧନ୍ୟବାଦ ।

ତେବେ ଭେଟେରାନ ଅଭିନେତା ମିଥୁନ ଚକ୍ରବର୍ତ୍ତୀଙ୍କୁ ସମ୍ମାନଜନକ ପଦ୍ମ ଭୂଷଣ ପୁରସ୍କାରରେ ସମ୍ମାନିତ କରାଯାଇଥିଲା । ମିଥୁନ ହିନ୍ଦୀ ସିନେମାରେ ଡିସ୍କୋ ଡ୍ୟାନ୍ସର ଭାବରେ ମଧ୍ୟ ଜଣାଶୁଣା । ସେ ତାଙ୍କ ଅଭିନୟ କ୍ୟାରିଅରରେ ଫିଲ୍ମ ‘ପରିବାର’, ‘ମେରା ୟାର ମେରା ଦୁଶମାନ’, ‘ବାତ୍‌ ବାନ୍ ଜାଏ’ ଏବଂ ‘ଦେୱାନା ତେରେ ନାମ’ ପରି ପ୍ରାୟ ୩୫୦ ଫିଲ୍ମରେ କାମ କରିଛନ୍ତି । ଏହା ବ୍ୟାତୀତ  ଗତ ବର୍ଷ ନଭେମ୍ବରରେ ଟିଭି ସୋ ‘ସରେଗାପାମା’ର ଏପିସୋଡରେ ମିଥୁନ ମୁଖ୍ୟ ଅତିଥି ଭାବରେ ନଜର ଆସିଥିଲେ । ସେ ଅନେକ ସୁପରହିଟ୍‌ ଫିଲ୍ମରେ କାମ କରିଛନ୍ତି  । ଏହି ଅଭିନେତା ଅନେକ ଟିଭି ସୋ ରେ ମଧ୍ୟ ଜଜ୍‌ ଭାବେ ନଜର ଆସିଛନ୍ତି ।

ଗତ ୧୫ ଦିନ ଧରି ଅଭିନେତା ମିଥୁନ କୋଲକାତାର ବଙ୍ଗଳା ଫିଲ୍ମ ‘ଶାସ୍ତ୍ରୀ’ର ସୁଟିଂରେ ବ୍ୟସ୍ତ ଥିଲେ । ଏହା ସହ ବିବେକ ଅଗ୍ନିହୋତ୍ରୀଙ୍କ ଫିଲ୍ମ ‘କାଶ୍ମୀର ଫାଇଲ’ ପରେ ମିଥୁନ ଚକ୍ରବର୍ତ୍ତୀଙ୍କୁ ଶେଷ ଥର ପାଇଁ ବଙ୍ଗଳା ଚଳଚ୍ଚିତ୍ର ‘କାବୁଲିୱାଲା’ରେ ଦେଖିବାକୁ ମିଳିଥିଲା । ତେବେ ଫିଲ୍ମ ‘କାଶ୍ମୀର ଫାଇଲ’ରେ ରିଟାୟଡ୍‌ ଆଇଏଏସ୍ ଅଫିସର ଭୂମିକାରେ ଅଭିନୟ କରିଥିଲେ । ଏହା ସହ ଏଥିପାଇଁ ତାଙ୍କୁ ଶ୍ରେଷ୍ଠ ସପୋଟିଙ୍ଗ୍‌ ଅଭିନେତା ଭାବରେ ‘ଫିଲ୍ମଫେୟାର ଆଓ୍ଵାର୍ଡ ମଧ୍ୟ ମିଳିଥିଲା ।