ବଲିଉଡର ବ୍ୟସ୍ତ ଅଭିନେତା ମଧ୍ୟରେ ନଓ୍ଵାଜଉଦ୍ଦିନ ସିଦ୍ଧିକ ରହିଛନ୍ତି। ଏବେ ନଓ୍ଵାଜ ବଲିଉଡର ତିନୋଟି ଫିଲ୍ମକୁ ନେଇ ଖୁବ ବ୍ୟସ୍ତ ରହିଛନ୍ତି। ଏହି କାରଣରୁ ସେ ଆସନ୍ତା ତିନି ମାସ ପର୍ଯ୍ୟନ୍ତ ସମୟ କାଢ଼ିପାରିବେ ନାହିଁ । ବର୍ତ୍ତମାନ ସେ ତାଙ୍କ ଭାଇ ଶମାସ ନବାବଙ୍କ ଫିଲ୍ମ ‘ବୋଲେ ଚୁଡ଼ିଆଁ’ର ସୁଟିଙ୍ଗ୍ କରୁଥିବା ବେଳେ ଫିଲ୍ମ ‘ଡ଼ଷ୍ଟି ଟୁ ମିଟ୍ ରଷ୍ଟି’ ରେ ମଧ୍ୟ ବ୍ୟସ୍ତ ରହିଛନ୍ତି । ଏହି ସମସ୍ତ ବ୍ୟସ୍ତତା ଭିତରେ ସେ ତାଙ୍କର ଇଷ୍ଟରନ୍ୟାସନାଲ ପ୍ରୋଜେକ୍ଟରେ ମଧ୍ୟ କାମ କରିବେ ।
ସୂଚନା ଅନୁସାରେ, ବର୍ତ୍ତମାନ ସମୟରେ ସେ ରାଜସ୍ତାନରେ ଜଣାଶୁଣା ଅଭିନତ୍ରେୀ ତମନ୍ନା ଭାଟିଆଙ୍କ ସହ ଫିଲ୍ମ ‘ବୋଲେ ଚୁଡ଼ିଆଁ’ର ସୁଟିଙ୍ଗରେ ବ୍ୟସ୍ତ ରହିଛନ୍ତି । ଏହି ଫିଲ୍ମରୁ ଫୁରସତ ମିଳିବା ମାତ୍ରେ ହିଁ ସେ ଫିଲ୍ମ ‘ଡ଼ଷ୍ଟି ଟୁ ମିଟ୍ ରଷ୍ଟି’ ରେ ପ୍ରାୟ ଏକ ମାସ ର୍ପଯ୍ୟନ୍ତ ବ୍ୟସ୍ତ ରହିବେ । ଏହି କାହାଣୀ ମୁମ୍ବାଇରୁ ଧର୍ମଶାଳା ଯାଉଥିବା ଏକ ଝିଅର କାହାଣୀ ଉପରେ ଆଧାରିତ ଏବଂ ଏହାର ଅଧିକାଶଂ ସୁଟ ପ୍ରାକୃତିକ ସ୍ଥାନରେ ହିଁ କରାଯିବ । ଏହାଛଡ଼ା ନୱାଜ ସୁଧିର ମିତ୍ରଙ୍କ ଆସନ୍ତା ଫିଲ୍ମରେ ମଧ୍ୟ ନଜର ଆସିବାକୁ ଯାଉଛନ୍ତି ।
ଏହାସହ ପଢ଼ନ୍ତୁ : ନିଜର ମନ କଥା ଜଣାଇଲେ ଏହି ଟିଭି ଅଭିନେତ୍ରୀ, ଜାଣନ୍ତୁ କିଏ ସେ
ନିଜର ବ୍ୟସ୍ତତାକୁ ନେଇ ନୱାଜ କହିଛନ୍ତି, ‘ହଁ ମୋ ପାଖରେ ବହୁତ ସାରା ପ୍ରୋଜେକ୍ଟ ଅଛି ଏବଂ ମୁଁ ଅଧିକରୁ ଅଧିକ କାମ କରିବାକୁ ଚାହୁଁଛି । ବ୍ୟସ୍ତତା ଭିତରେ ସେ ତାଙ୍କ ୱେବ ଶୋ ‘ସାକ୍ରେଡ ଗେମ’ର ଦ୍ୱିତୀୟ ସିଜନର ପ୍ରମୋସନ ମଧ୍ୟ କରିପାରିନାହାନ୍ତି ।