ନିର୍ଦ୍ଦେଶକ ହଂସଲ ମେହେତାଙ୍କ ନିର୍ଦ୍ଦେଶିତ ରାଜକୁମାର ରାଓଙ୍କ ଅଭିନୀତ ଚଳଚ୍ଚିତ୍ର ‘ଓମେର୍ଟା’ ବର୍ତ୍ତମାନ ଥିଏଟର୍ସ ପରେ ଡିଜିଟାଲ ପ୍ଲାଟଫର୍ମରେ ମୁକ୍ତିଲାଭ କରିବ। ଏହି ଫିଲ୍ମ 25 ଜୁଲାଇରେ G5 ରେ ଷ୍ଟ୍ରିମ୍ ହେବ ବୋଲି ବୁଧବାର ଘୋଷଣା କରାଯାଇଛି । ଏହି ଚଳଚ୍ଚିତ୍ରରେ ରାଜକୁମାର ରାଓ ପାକିସ୍ତାନର ବ୍ରିଟିଶ ଆତଙ୍କବାଦୀ ଅହମ୍ମଦ ଓମାର ସଇଦ ଶେଖଙ୍କ ଭୂମିକାରେ ଅଭିନୟ କରିଛନ୍ତି ।
ଏହି ଚରିତ୍ର ବିଷୟରେ ରାଜକୁମାର ରାଓ ଏକ ସାକ୍ଷାତକାରରେ କହିଛନ୍ତି ଯେ ଏହା ତାଙ୍କ ଜୀବନର ସବୁଠାରୁ କଷ୍ଟକର ଚଳଚ୍ଚିତ୍ର ଅଟେ । କାରଣ ଏହା ତାଙ୍କୁ ମାନସିକ ରୂପେ ବି କ୍ଲାନ୍ତ କରିଦେଉଥିଲା । ଟରୋଣ୍ଟୋ ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରେ ଏହି ଚଳଚ୍ଚିତ୍ରକୁ ଭଲ ରେସ୍ପନ୍ସ ମିଳିଥିଲା । ଏହା ପରେ ଚଳଚ୍ଚିତ୍ରଟି ବୁସନ ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ଏବଂ ମୁମ୍ବାଇ ଚଳଚ୍ଚିତ୍ର ମହୋତ୍ସବରେ ମଧ୍ୟ ଚର୍ଚ୍ଚାକୁ ଆସିଥିଲା । ସୂଚନା ଅନୁଯାୟୀ ‘OMERTA’ ମୂଳତଃ ଏକ ଇଟାଲୀୟ ଶବ୍ଦ ଏବଂ ଏହା ସେଠାରେ ଥିବା ମାଫିଆ ନେତାଙ୍କ ମଧ୍ୟରେ ନୀରବ ରହିବାର ମାନସିକତାକୁ ଦର୍ଶାଏ ।
A gripping tale about a deadly mastermind’s journey, based on a true story.
Justice will be served on 25th July, watch #OmertaOnZEE5.@nh_studioz @mehtahansal @RajkummarRao @Omerta2018 @NarendraHirawat @hirawatshreyans @rajeshtailang @mukulldevv pic.twitter.com/8z8ivgx3Yy
— ZEE5Premium (@ZEE5Premium) July 8, 2020
ଏହି ଚଳଚ୍ଚିତ୍ରଟି 4 ମଇ 2018ରେ ଭାରତର ପ୍ରେକ୍ଷାଳୟରେ ମୁକ୍ତିଲାଭ କରିଥିଲା । ଏହି ଚଳଚ୍ଚିତ୍ରଟି ସମାଲୋଚକମାନଙ୍କ ଠାରୁ ମଧ୍ୟ ପଜିଟିଭ ରିଭିୟୁ ପାଇଥିଲା । ଏହାପୂର୍ବରୁ ହଂସଲ ମେହେତା ଏବଂ ରାଜକୁମାର ରାଓଙ୍କ ଯୋଡି ‘ସହିଦ’, ‘ସିଟି ଲାଇଟ୍’, ‘ଆଲିଗଡ’ ଭଳି ଉତ୍କୃଷ୍ଟ ଚଳଚ୍ଚିତ୍ର ଦେଇଛନ୍ତି । ଦୁହେଁ ବର୍ତ୍ତମାନ ପୁଣି ଥରେ ଏକାଠି ହେଉଛନ୍ତି । ରାଜକୁମାର ରାଓ, ହଂସଲ ମେହେତାଙ୍କ ଆଗାମୀ ଚଳଚ୍ଚିତ୍ର ‘ଛଲାଙ୍ଗ’ରେ ନଜର ଆସିବେ । ତେବେ ଏହି ଚଳଚ୍ଚିତ୍ରରେ ନୁସରତ ଭରୁଚା ଫିମେଲ ଲିଡ଼ରେ ଅଭିନୟ କରିଛନ୍ତି ।