‘ଆନିମଲ’ ଫିଲ୍ମ ପରେ ୬ମାସର ବ୍ରେକ୍ ନେବେ ରଣବୀର, ଝିଅ ସହ ବିତାଇବାକୁ ଚାହୁଁଛନ୍ତି ସମୟ
ବଲିଉଡ ଅଭିନେତା ରଣବୀର କପୁର ଖୁବ୍ ଶୀଘ୍ର ଫିଲ୍ମ ଆନିମଲରେ ନଜର ଆସିବେ । ଏହାପରେ ସେ ଫିଲ୍ମ ଦୁନିଆରୁ ୬ମାସର ବ୍ରେକ୍ ନେବାକୁ ଚାହୁଁଛନ୍ତି । ସେ ତାଙ୍କ ଝିଅ ରାହାଙ୍କ ସହିତ ଅଧିକ ସମୟ ବିତାଇବା ପାଇଁ ଏହି ବିରତି ନେବାକୁ ଯାଉଛନ୍ତି ।
ରଣବୀର କପୁର ତାଙ୍କର ଆଗାମୀ ଫିଲ୍ମ ‘ଆନିମଲ’ ପାଇଁ ଚର୍ଚ୍ଚାରେ ରହିଛନ୍ତି । ଏହି ଫିଲ୍ମରେ ରଣବୀରଙ୍କ ସହ ମୁଖ୍ୟ ଭୂମିକାରେ ନଜର ଆସିବେ ରଶ୍ମିକା ମନ୍ଦନା । ରଣବୀର ପ୍ରଫେସନାଲ ଲାଇଫ ସହିତ ନିଜ ପର୍ସନାଲ ଲାଇଫ ପାଇଁ ମଧ୍ୟ ସବୁବେଳେ ଚର୍ଚ୍ଚାରେ ରହିଥାନ୍ତି । ରଣବୀର କପୁର ଏବେ ଫିଲ୍ମରୁ ବିରତି ନେବାକୁ ନିଷ୍ପତ୍ତି ନେଇଛନ୍ତି । ରଣବୀର ୬ ମାସର ବିରତି ନେବାକୁ ଯାଉଛନ୍ତି । ସେ ତାଙ୍କ ଝିଅ ରାହାଙ୍କ ପାଇଁ ଏହି ବିରତି ନେବାକୁ ଯାଉଛନ୍ତି । ଯାହାଫଳରେ ସେ ତାଙ୍କ ସହିତ ଅଧିକ ସମୟ ବିତାଇ ପାରିବେ ।
ରଣବୀର କପୁର ତାଙ୍କ ବ୍ୟକ୍ତିଗତ ଜୀବନକୁ ବହୁତ ଉପଭୋଗ କରୁଛନ୍ତି । ରଣବୀର ଜାତୀୟ ପୁରସ୍କାର ବିଜେତା ଆଲିଆ ଭଟ୍ଟଙ୍କୁ ବିବାହ କରିଛନ୍ତି ଏବଂ ତାଙ୍କର ଏକ ଝିଅ ରାହା ଅଛନ୍ତି । ନିକଟରେ ଏକ ଇଣ୍ଟରଭ୍ୟୁରେ ରଣବୀର ଝିଅ ରାହାଙ୍କ ସହ ଥିବା ବଣ୍ଡିଂ ବିଷୟରେ ମଧ୍ୟ କହିଥିଲେ । ରଣବୀର ଜୁମ୍ ରେ ନିଜ ଫ୍ୟାନ୍ସଙ୍କ ସହ କଥାବାର୍ତ୍ତା କରିଥିଲେ । କଥାବାର୍ତ୍ତାରେ ରଣବୀର କପୁର ସ୍ୱୀକାର କରିଛନ୍ତି ଯେ ରାହାଙ୍କ ଜନ୍ମ ପରେ ପ୍ରାରମ୍ଭିକ ମାସରେ ସେ ତାଙ୍କ ଝିଅ ସହିତ ସମୟ ବିତାଇ ପାରିନଥିଲେ କାରଣ ସେ ସୁଟିଂରେ ବ୍ୟସ୍ତ ଥିଲେ । ତେବେ ରଣବୀର ନିଶ୍ଚିତ କରିଛନ୍ତି ଯେ ସେ ଚଳଚ୍ଚିତ୍ରରୁ ୬ ମାସର ବିରତି ନେବାକୁ ଯାଉଛନ୍ତି ଯାହା ଦ୍ୱାରା ସେ ତାଙ୍କ ଝିଅ ସହିତ କ୍ୱାଲିଟି ଟାଇମ ବିତାଇ ପାରିବେ ।
ରଣବୀର ତାଙ୍କ ପ୍ୟାରେଣ୍ଟାଲ ଡ୍ୟୁଟି ଉପରେ ଅଧିକ ଧ୍ୟାନ ଦେବାକୁ ଚାହୁଁଛନ୍ତି କାରଣ ଆଲିଆ ତାଙ୍କ ଆଗାମୀ ଫିଲ୍ମ ‘ଜିଗ୍ରା’ ପାଇଁ ସୁଟିଂରେ ବ୍ୟସ୍ତ ରହିବାକୁ ଯାଉଛନ୍ତି । ରଣବୀର ବାର୍ତ୍ତାଳାପରେ କହିଛନ୍ତି ଯେ ରାହା ଚାଲିବା ଆରମ୍ଭ କରିଛନ୍ତି ଏବଂ ଜିନିଷଗୁଡ଼ିକୁ ଚିହ୍ନିବା ମଧ୍ୟ ଆରମ୍ଭ କରିଛନ୍ତି। ସେ ତାଙ୍କ ଆଖପାଖର ଲୋକଙ୍କୁ ବହୁତ ଭଲ ପାଉଛନ୍ତି । ରଣବୀର କହିଛନ୍ତି ଯେ ରାହା ଧୀରେ ଥିରେ କହିବାକୁ ଚେଷ୍ଟା କରୁଛନ୍ତି । ଆଜିକାଲି ରାହା ମାମା ଏବଂ ପାପା ଡାକିବାକୁ ଚେଷ୍ଟା କରୁଛନ୍ତି । ରଣବୀର ଏହି ଫେଜକୁ ବହୁତ ସୁନ୍ଦର ବୋଲି କହିଛନ୍ତି ।
