ଯେତେବେଳେ ଜୁହିଙ୍କୁ ବିବାହ କରିବା ପାଇଁ ସଲମାନ ପହଂଚିଥିଲେ ତାଙ୍କ ଘରେ, କିଛି ଏମିତି କହିଥିଲେ ଜୁହିଙ୍କ ବାପା
ବଲିଉଡ ସୁପରଷ୍ଟାର ସଲମାନ ଖାନଙ୍କ ଆଫେୟାର ସବୁବେଳେ ଚର୍ଚ୍ଚାରେ ରହିଆସିଛି। ସଲମାନଙ୍କ ନାମ ଅନେକ ଅଭିନେତ୍ରୀଙ୍କ ସହ ଜଡିତ । ସଂଗୀତା ବିଜଲାନି, ସୋମି ଅଲି ଠାରୁ ଆରମ୍ଭ କରି ଐଶ୍ଵର୍ଯ୍ୟା ରାୟ, କ୍ୟାଟ୍ରିନା କୈଫ, ଲୁଲିଆ ଭଣ୍ଟୁରଙ୍କ ପର୍ଯ୍ୟନ୍ତ । କିନ୍ତୁ କଣ ଆପଣ ଜାଣିଛନ୍ତି କି ସଲମାନ ଖାନ ଅଭିନେତ୍ରୀ ଜୁହି ଚାୱଲାଙ୍କୁ ବିବାହ କରିବାକୁ ଚାହୁଁଥିଲେ ଏବଂ ତାଙ୍କ ପିତାଙ୍କ ନିକଟରେ ତାଙ୍କ ହାତ ମାଗିଥିଲେ। ସଲମାନ ଖାନ ନିଜେ ଏକ ଚାଟ୍ ସୋ’ରେ ଏହା କହିଛନ୍ତି ।
ସଲମାନ କହିଥିଲେ ଯେ “ଜୁହି ବହୁତ ସ୍ଵିଟ ଏବଂ ବହୁତ ପ୍ୟାରୀ । ମୁଁ ତାଙ୍କ ବାପାଙ୍କୁ ପଚାରିଥିଲି ଯେ ଆପଣ ଜୁହିଙ୍କୁ ମୋତେ ବିବାହ କରିବାକୁ ଦେବେ କି? କିନ୍ତୁ ସେ ମନା କରି ଦେଇଥିଲେ । ବୋଧହୁଏ ସେମାନେ ମୋତେ ପସନ୍ଦ କରନ୍ତି ନାହିଁ । ଜାଣିନି ସେମାନେ କ’ଣ ଚାଁହୁଥିଲେ , ବୋଧହୁଏ ମୁଁ ସେମାନଙ୍କୁ ଜୁହିଙ୍କ ପାଇଁ ଠିକ୍ ଲାଗିଲି ନାହିଁ ।
ସଲମାନ ଏବଂ ଜୁହି କେବେ କୌଣସି ଫିଲ୍ମରେ ଲିଡ୍ ଯୋଡିରେ ଅଭିନୟ କରିନାହାଁନ୍ତି । ଯେତେବେଳେ ସଲମାନଙ୍କୁ ଏ ବିଷୟରେ ପଚରାଗଲା, ସେ କହିଥିଲେ, ‘ଜୁହି ମୋ ସହ କାମ କରିବାକୁ ଚାହୁଁନାହାଁନ୍ତି ! ଅବଶ୍ୟ, ଏହା ପରେ 1997 ରେ ଫିଲ୍ମ ‘ଦିୱାନା ମସ୍ତାନା’ରେ ସଲମାନ ଏବଂ ଜୁହିଙ୍କ ଏକ କୋର୍ଟ ମ୍ୟାରେଜ ଦୃଶ୍ୟ ଦେଖିବାକୁ ମିଳିଥିଲା’।
