ଦୁଇ ବର୍ଷ ହେବ ନିଜ ପୂର୍ବ କର୍ମଚାରୀଙ୍କୁ ୫୩ ହଜାର ଟଙ୍କା ଦେଉ ନାହାନ୍ତି ଅଭିନେତ୍ରୀ ଶ୍ୱେତା ତିୱାରୀ, ହ୍ଵାଟ୍ସଆପରେ ବି କରିଛନ୍ତି ବ୍ଲକ
ଟେଲିଭିଜନ ଅଭିନେତ୍ରୀ ଶ୍ୱେତା ତିୱାରୀଙ୍କ ଉପରେ ତାଙ୍କ ପୂର୍ବତନ କର୍ମଚାରୀ ରାଜେଶ ପାଣ୍ଡେ ଅଭିଯୋଗ ଆଣିଛନ୍ତି । ତେବେ ସେ ଅଭିଯୋଗ କରିଛନ୍ତି ଯେ ଶ୍ୱେତା ତାଙ୍କୁ ଦୁଇ ବର୍ଷ ଧରି ୫୩,୦୦୦ ଟଙ୍କା ଦେଇ ନାହାଁନ୍ତି । ସେ ତାଙ୍କୁ ଅନେକ ପ୍ରକାରେ ଯୋଗାଯୋଗ କରିବାକୁ ଚେଷ୍ଟା କରୁଛନ୍ତି, କିନ୍ତୁ ଶ୍ୱେତା ତାଙ୍କୁ ହ୍ଵାଟ୍ସଆପରେ ମଧ୍ୟ ବ୍ଲକ କରିଛନ୍ତି ।
ଶ୍ୱେତା ତିୱାରୀଙ୍କର ଏକ ଆକ୍ଟିଙ୍ଗ ଇନଷ୍ଟିଚ୍ୟୁଟ ଥିଲା ଯେଉଁଥିରେ ରାଜେଶ ଜଣେ ଶିକ୍ଷକ ଭାବରେ କାର୍ଯ୍ୟ କରିଥିଲେ । ୨୦୧୮ ରେ ଏହି ଅନୁଷ୍ଠାନ ବନ୍ଦ ହୋଇଥିଲା ସେତେବେଳେ ରାଜେଶଙ୍କର ୫୩ ହଜାର ଟଙ୍କା ପାଇବାକୁ ଥିଲା । ସେତେବେଳେ ଶ୍ୱେତା ତାଙ୍କୁ ଆଶ୍ୱାସନା ଦେଇ କହିଥିଲେ ଯେ ଏହି ପେମେଣ୍ଟ ଶୀଘ୍ର କରାଯିବ କିନ୍ତୁ ଦୁଇ ବର୍ଷ ବିତିଗଲାଣି ଏବଂ ରାଜେଶ ମାଗି ମାଗି ଥକି ଗଲେଣି ।
ରାଜେଶଙ୍କ କହିବା ଅନୁଯାୟୀ ୨୦୧୨ରେ ସେ ଶ୍ୱେତା ତିୱାରୀ କ୍ରିଏଟିଭ୍ ସ୍କୁଲ୍ ଅଫ୍ ଆକ୍ଟିଂରେ ଯୋଗ ଦେଇଥିଲେ । ଏହି ଅନୁଷ୍ଠାନରେ ୧୫ ରୁ ୨୦ ଜଣ ଛାତ୍ର ଥିଲେ କିନ୍ତୁ ୨୦୧୮ରେ ଯେତେବେଳେ ଏହି ଇନଷ୍ଟିଚ୍ୟୁଟରେ କେହିବି ରହିଲେ ନାହିଁ ସେତେବେଳେ ଶ୍ୱେତା ଅନୁଷ୍ଠାନ ବନ୍ଦ କରିବାକୁ ନିଷ୍ପତ୍ତି ନେଇଥିଲେ । ରାଜେଶଙ୍କ ଅନୁଯାୟୀ ସେ ଶ୍ୱେତାଙ୍କୁ ସମ୍ମାନ କରନ୍ତି କିନ୍ତୁ ଟଙ୍କା ବଦଳରେ ଟଙ୍କା ହିଁ କାମରେ ଆସେ । ଏହି ସଙ୍କଟ ସମୟରେ ତାଙ୍କ ପରିବାର ଚଳାଇବା ପାଇଁ ତାଙ୍କ ପାଖରେ ଟଙ୍କା ନାହିଁ ଏବଂ ସେ ଚାହୁଁଛନ୍ତି ଯେ ଶ୍ୱେତା ତାଙ୍କୁ ଯେତେ ଶୀଘ୍ର ତାଙ୍କ ଟଙ୍କା ଦିଅନ୍ତୁ ।