ଶେଷ ଦର୍ଶନ ପାଇଁ ସୁପରଷ୍ଟାର କୃଷ୍ଣାଙ୍କ ଘରେ ଏବେ ଦକ୍ଷିଣ ଷ୍ଟାରଙ୍କ ଭିଡ଼, ମହେଶବାବୁଙ୍କ ଘରେ ଲଗାତର ମୃତ୍ୟୁ
ମହେଶ ବାବୁଙ୍କ ପିତା କୃଷ୍ଣାଙ୍କ ପରଲୋକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ଅନେକ ବ୍ୟକ୍ତି ଶୋକ ପ୍ରକାଣ କରିଛନ୍ତି । ଦକ୍ଷିଣର ସୁପର ଷ୍ଟାର ରଜନୀକାନ୍ତ ଏବଂ ଅନ୍ୟ ଷ୍ଟାରମାନେ କୃଷ୍ଣାଙ୍କ ପରଲୋକରେ ଶୋକ ପ୍ରକାଶ କରି ସୋସିଆଲ ମିଡିଆରେ ଟୁଇଟ୍ କରିଛନ୍ତି ।
Pawan Kalyan Garu Paid Tributes To Krishna garu #KrishnaGaru #Pawankalyan #SuperStarKrishna pic.twitter.com/4VgKqmF5gF
— shankar 💟🤟 (@IsmartShankar66) November 15, 2022
ବର୍ତ୍ତମାନ କୃଷ୍ଣା ରହୁଥିବା ବିଜୟାକୃଷ୍ଣା ନିଳୟମରେ ତାଙ୍କର ମରଶରୀରକୁ ଶେଷ ଦର୍ଶନ ପାଇଁ ରଖା ଯାଇଛି । ସେଠାରେ ଉପରାଷ୍ଟ୍ରପତି ଏମ୍ ଭେଙ୍କିୟା ନାଇଡୁ, ଚିରଞ୍ଜୀବୀ, ଅଲ୍ଲ ଅର୍ଜୁନ, ପବନ କଲ୍ୟାଣ, ଜୁନିୟର ଏନ୍ଟିଆର, ନାଗା ଚୈତନ୍ୟଙ୍କ ସମେତ ଅନ୍ୟ ତାରକାମାନେ ପହଞ୍ଚି ହ୍ୟାଣ୍ଡସମ୍ ହିରୋ ଭାବେ ପରିଚିତ କୃଷ୍ଣାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।
ସମ୍ପୂର୍ଣ୍ଣ ରାଷ୍ଟ୍ରୀୟ ମର୍ଯ୍ୟାଦା ସହ କୃଷ୍ଣାଙ୍କର ଶେଷକୃତ୍ୟ କରାଯିବ ବୋଲି ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓ ଘୋଷଣା କରିଛନ୍ତି ।
ମହେଶବାବୁଙ୍କ ଘରେ ଗୋଟିଏ ପରେ ଗୋଟିଏ ମୃତ୍ୟୁ
ଗତ ସେପଟେମ୍ବର ମାସରେ ମହେଶବାବୁଙ୍କ ମା ତଥା କୃଷ୍ଣାଙ୍କ ପ୍ରଥମ ପତ୍ନୀ ଇନ୍ଦିରା ଦେବୀଙ୍କର ମୃତ୍ୟୁ ଘଟିଥିଲା । ତା ପୂର୍ବରୁ ଜାନୁଆରୀ ମାସରେ କୃଷ୍ଣାଙ୍କ ବଡ଼ ପୁଅ ରମେଶ ବାବୁଙ୍କର ନିଧନ ଘଟିଥିଲା । ୨୦୧୯ରେ ଦ୍ୱିତୀୟ ପତ୍ନୀ ତଥା ଅଭିନେତ୍ରୀ ନିର୍ମଳାଙ୍କର ପରଲୋକ ହୋଇଥିଲା ।
Anna 😭😭😭😭😭😭
Nv edusthunte naku edupu vasthundhi anna 😭😭😭#SuperStarKrishna
pic.twitter.com/zlLsc3ZFyv— Guntupalli (@YCP175) November 15, 2022
ବାପାଙ୍କ ମୃତ୍ୟୁରେ ଦୁଃଖରେ ଭାଙ୍ଗି ପଡ଼ିଛନ୍ତି ସୁପରଷ୍ଟାର ମହେଶ ବାବୁା କାରଣ ବାପା ଥିଲେ ତାଙ୍କର ଆଦର୍ଶ । ସେମାନଙ୍କ ଭିତରେ ନିବଡ଼ ସମ୍ପର୍କ ଥିଲା । ତେବେ ନିକଟର ମା’ଙ୍କ ପରେ ବାପାଙ୍କ ପରଲୋକ ତାଙ୍କୁ ଭୀଷଣ ଆଘାତ ଦେଇଛି । ତାଙ୍କୁ ଅନ୍ୟ ସିନେ ଷ୍ଟାରମାନେ ଆଶ୍ୱାସନା ଦେଉଛନ୍ତି । ପାଖରେ ତାଙ୍କର ଦୁଇ ପୁଅ ଓ ଝିଅ ଏବଂ ପତ୍ନୀ ହିନ୍ଦୀ ଫିଲ୍ମ ନାୟିକା ନମ୍ରତା ସିରୋଦକର ମଧ୍ୟ ଉପସ୍ଥିତ ଅଛନ୍ତି ।
