ସୁଶାନ୍ତଙ୍କ ଭାଇଙ୍କର ବଡ ବୟାନ, ସାକ୍ଷୀ ମାନଙ୍କର କରାଯାଇ ପାରେ ହତ୍ୟା; ମିଳୁଛି ଧମକ
ବର୍ତ୍ତମାନ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାର ତଦନ୍ତ ଚାଲିଛି ଏବଂ ତାଙ୍କ ମୃତ୍ୟୁକୁ ନେଇ ଚର୍ଚ୍ଚା ଜାରି ରହିଛି । ତେବେ ଏହା ମଧ୍ୟରେ ସୁଶାନ୍ତ ସିଂ ରାଜପୁତଙ୍କ ଭାଇ ନୀରଜ ବାବଲୁ ଏକ ବଡ଼ ବୟାନ ଦେଇଛନ୍ତି ।
ମୁମ୍ବାଇ ପୋଲିସକୁ ଟାର୍ଗେଟ କରି ନୀରଜ ବାବଲୁ କହିଛନ୍ତି ଯେ ମୁମ୍ବାଇ ପୋଲିସ ଏଫଆଇଆର ରୁଜୁ କରିନାହିଁ। ପୋଲିସର ଚେହେରା ସାମ୍ନାକୁ ଆସିଛି ତାସହିତ ସାକ୍ଷୀମାନଙ୍କୁ ମଧ୍ୟ ଧମକ ଦିଆଯାଉଛି ବୋଲି ସେ କହିଛନ୍ତି । ସେମାନଙ୍କୁ ସୁରକ୍ଷା ଦିଆଯାଉ ନାହିଁ । ଏପରି ସମୟ ନଆସୁ ଯେତେବେଳେ ସାକ୍ଷୀମାନଙ୍କୁ ହତ୍ୟା କରିଦିଆଯିବ । ସେ ଆହୁରି ମଧ୍ୟ କହିଛନ୍ତି ଯେ ଯେପରି ଭାବେ ସବୁକଥା ବାହାରକୁ ଆସୁଛି ଲାଗୁଛି ସାକ୍ଷୀମାନଙ୍କୁ ହତ୍ୟା କରାଯାଇପାରେ । ଆମେ ଦାବି କରୁଛୁ ଯେ ସାକ୍ଷୀମାନଙ୍କୁ ପୋଲିସର ସୁରକ୍ଷା ଦିଆଯାଉ ।
Witnesses are being threatened, and Mumbai Police is not even providing protection to them. The way things are unfolding, the witnesses might get killed. We demand that witnesses should be given police protection: Niraj Singh Babloo, BJP MLA & a relative of #SushantSinghRajput pic.twitter.com/UgBNqur8vG
— ANI (@ANI) August 18, 2020
ସୁଶାନ୍ତ ସିଂ ରାଜପୁତଙ୍କ ବନ୍ଧୁ ସନ୍ଦୀପଙ୍କୁ ପଚାରିବାରୁ ସେ କହିଛନ୍ତି, ‘ମୃତଦେହକୁ ନେଇଥିବା ବ୍ୟକ୍ତି ସବୁଠାରୁ ଅଧିକ ସନ୍ଦେହ ଘେରରେ ଅଛନ୍ତି । ତାଙ୍କୁ ଅଧିକ କଡା ଜେରା କରାଯିବା ଉଚିତ୍ । ବର୍ତ୍ତମାନ ପର୍ଯ୍ୟନ୍ତ ଘରୋଇ କର୍ମଚାରୀଙ୍କୁ ପଚରାଉଚୁରା କରାଯାଇ ନାହିଁ । ଏପରିକି ତାଙ୍କୁ ହେପାଜତରେ ମଧ୍ୟ ନିଆଯାଇନାହିଁ । ଆହୁରି ମଧ୍ୟ ସୁଶାନ୍ତଙ୍କ ବିଷୟରେ ନୀରଜ ବାବଲୁ କହିଛନ୍ତି ଯେ ‘ମୁଁ କହୁଛି ମୋ ଭାଇଙ୍କୁ ହତ୍ୟା କରାଯାଇଛି । ତାଙ୍କ ଗଳା ଦବାଇ ହତ୍ୟା କରାଯାଇଛି ।
