ଯେଉଁଠି ଗୋଟିଏ ପଟେ କରୋନାର ଆତଙ୍କ ଦିନକୁ ଦିନ ବଢ଼ିବାରେ ଲାଗିଛି ଅନ୍ୟପଟେ ପ୍ରତ୍ୟେକ ଲୋକ COVID-19 ସହ ଲଢ଼ିବା ପାଇଁ ପ୍ରସ୍ତୁତ ହୋଇ ରହିଛନ୍ତି । ତେବେ ଏହି ପ୍ରସ୍ତୁତିରେ ଆଗେଇ ଆସିଛନ୍ତି ଫିଲ୍ମ ଷ୍ଟାର । ନିକଟରେ ଦୀପିକା ପାଦୁକୋନ ଓ ଅନୁଷ୍କା ଶର୍ମା କହିଛନ୍ତି ଯେ କରୋନା ସହ ଲଢ଼ିବା ପାଇଁ ସେମାନେ କିପରି ପ୍ରସ୍ତୁତ ଅଛନ୍ତି । ଏହି ଦୁଇଜଣ ଅଭିନେତ୍ରୀ ନିଜ ଭିଡିଓ ଜରିଆରେ ଲୋକମାନଙ୍କୁ ସଚେତନ କରାଇବା ପାଇଁ ଚେଷ୍ଟା କରୁଛନ୍ତି । ତେବେ ଏହା ହେଉଛି WHO ତରଫରୁ ଦିଆଯାଇଥିବା Safe Hands Challengeର ଭିଡିଓ ।
Thank You @DrTedros, for nominating me for the #SafeHands Challenge!#COVID19 surely is an uphill health and public safety task, but all of us are in this fight together!I further nominate @rogerfederer,@Cristiano and @imVkohli to take up this challenge! #coronavirus #StaySafe https://t.co/45glSxXkqP pic.twitter.com/7s7R4pIrrL
— Deepika Padukone (@deepikapadukone) March 17, 2020
ସୂଚନା ଅନୁଯାୟୀ ବିଶ୍ଵ ସ୍ୱାସ୍ଥ୍ୟ ସଂଗଠନ ବା WHO କରୋନା ଭାଇରସକୁ ବିଶ୍ଵ ମହାମାରୀ ବୋଲି ଘୋଷଣା କରିସାରିଛି । ଲୋକମାନଙ୍କୁ କରୋନା ସହ ଲଢ଼ିବା ପାଇଁ ପରାମର୍ଶ ଦିଆଯାଉଛି । ସରକାର ଓ ସ୍ୱାସ୍ଥ୍ୟ ବିଭାଗ ତତ୍ପର ହୋଇଉଠିଥିବା ବେଳେ ଲୋକମାନଙ୍କୁ ନିଜର ସୁରକ୍ଷା ନିଜେ କରିବାକୁ ପଡିବ । କରୋନାରୁ ବଂଚିବା ପାଇଁ ସାନିଟାଇଜର ସହିତ ସାବୁନକୁ ମଧ୍ୟ ଠିକଭାବେ ବ୍ୟବହାର କରିବା ପାଇଁ ପରାମର୍ଶ ଦିଆଯାଇଛି । ତେବେ ଲୋକମାନଙ୍କୁ ସଚେତନ ହେବାପାଇଁ WHO ଏକ ଚ୍ୟାଲେଞ୍ଜ ମଧ୍ୟ ଦେଇଛି ଯାହାର ନାମ ହେଉଛି Safe Hands Challenge ।
ଏହି ଚ୍ୟାଲେଞ୍ଜ ପାଇଁ ଅନେକ ସେଲିବ୍ରିଟି ନୋମିନେଟ ହୋଇଛନ୍ତି । ତେବେ ଦୀପିକା ଏହି ଚ୍ୟାଲେଞ୍ଜ ପୁରା କରି ଦେଖାଇଛନ୍ତି । ଏହାସହିତ ଅନୁଷ୍କା ଶର୍ମା ମଧ୍ୟ ଲୋକମାନଙ୍କୁ ସଚେତନ କରାଇବାକୁ ଆଗେଇ ଆସିଛନ୍ତି । ଦୀପିକା ସେଫ ହ୍ୟାଣ୍ଡ ଚ୍ୟାଲେଞ୍ଜର ଭିଡିଓ ସୋସିଆଲ ମିଡିଆ ପ୍ଲାଟଫର୍ମ ଟ୍ୱିଟରରେ ସେୟାର କରିଥିବା ବେଳେ ଅନୁଷ୍କା ଶର୍ମା ଏହି ଭିଡିଓକୁ ନିଜର ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି ।
ଏହି ଭିଡିଓରେ ଦୀପିକା ମାସ୍କ ପିନ୍ଧି ସାବୁନରେ କିପରି ଠିକଭାବେ ହାତ ଧୋଇବେ ତାହା କହୁଥିବା ବେଳେ ଅନୁଷ୍କା ମଧ୍ୟ ହାତଧୋଇ ସମସ୍ତଙ୍କୁ ନିରାପଦ ରହିବାକୁ ପରାମର୍ଶ ଦେଉଛନ୍ତି ।