‘ବିବାହ’ ଫେମ ବଲିଉଡ ଅଭିନେତ୍ରୀ ଅମୃତା ରାଓ ମା’ ହୋଇଛନ୍ତି। ସେ ରବିବାର ସକାଳେ ଏକ ସୁସ୍ଥ ଶିଶୁପୁତ୍ରକୁ ଜନ୍ମ ଦେଇଛନ୍ତି। ଅମୃତା ଓ ତାଙ୍କ ସ୍ୱାମୀ ଆରଜେ ଅନମୋଲ ଗତ କିଛିଦିନ ତଳେ ତାଙ୍କ ଘରକୁ ନୂଆ ଅତିଥି ଆସୁଥିବା ନେଇ ସୋସିଆଲ ମିଡିଆରେ ସେୟାର କରିଥିଲେ। ଏବେ ଦୁହେଁ ମା’, ବାପା ହେବା ପରେ ସମସ୍ତଙ୍କଠାରୁ ଆଶୀର୍ବାଦ ଲୋଡ଼ିଛନ୍ତି।
ତେବେ ରିପୋର୍ଟ ମୁତାବକ, ଏହି ସମ୍ପୂର୍ଣ୍ଣ ଡେଲିଭରି ସମୟରେ ଅମୃତାଙ୍କ ସ୍ୱାମୀ ଅନମୋଲ ଅପରେଶନ ଥିଏଟରରେ ଉପସ୍ଥିତ ଥିଲେ। ସୂଚନାଥାଉ କି, ଅମୃତା ୧୯ ଅକ୍ଟୋବରରେ ଖୁଲାସା କରିଥିଲେ ଯେ ସେ ୯ ମାସର ଗର୍ଭବତୀ ଅଛନ୍ତି। ସେ ନିଜ ବେବି ବମ୍ପ ଦେଖାଇ ସ୍ୱାମୀଙ୍କ ସହିତ ଏକ ସୁନ୍ଦର ଫଟୋ ପୋଷ୍ଟ କରିଥିଲେ।