ଆମେ ଜାଣିଛେ ଯେ ପିଜୁଳି ବହୁତ ସ୍ବାଦିଷ୍ଟ ଏବଂ ବହୁତ ପ୍ରକାର ଗୁଣରେ ଭରପୁର ହୋଇଥାଏ । କିନ୍ତୁ କଣ ଆପଣ ଜାଣନ୍ତି ପିଜୁଳି ସହିତ ଏହାର ପତ୍ର ମଧ୍ୟ ବହୁତ ଲାଭ ଦାୟକ ହୋଇଥାଏ। ପିଜୁଳି ପତ୍ରରେ ପୋଟାସିୟମ,ଜିଙ୍କ ଏବଂ ପ୍ରୋଟିନ ଭରପୂର ମାତ୍ରାରେ ରହିଥାଏ। ପିଜୁଳି ପତ୍ର ସହାଯ୍ୟରେ ଅନେକ ପ୍ରକାର ରୋଗର ଚିକିତ୍ସା କରାଯାଇପାରିବ।
-ମଧୁମେହ ରୋଗ ପାଇଁ ପିଜୁଳି ପତ୍ରର ଚାହା ଏକ ଅକାଟ୍ୟ ଔଷଧ ଭାବରେ କାମ କରେ। ରକ୍ତରେ ବଢ଼ୁଥିବା ଶର୍କରା ଭାଗକୁ କମ୍ କରିବାର ପିଜୁଳି ପତ୍ରରେ ଶକ୍ତି ରହିଛି। ଏହା ରକ୍ତରେ ସୁଗାର ସ୍ତରକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ।
-ପିଜୁଳି ପତ୍ରକୁ ଶୁଖାଇ ଗୁଣ୍ଡ କରି କ୍ଷୀରରେ ମିଶାଇ ପିଇଲେ ନିଦ୍ରାହୀନତା ଦୂର ହୋଇଥାଏ।
-ପିଜୁଳି ପତ୍ରକୁ ଚୋବାଇଲେ ପେଟରେ ଥିବା କୃମିକୁ ନଷ୍ଟ ହୋଇଥାଏ।
-ପିଜୁଳି ପତ୍ରର କଅଁଳିଆ ପତ୍ରକୁ ବାଟି ମୁଣ୍ଡରେ ଲଗାଇଲେ ମୁଣ୍ଡବିନ୍ଧା ଭଲ ହୋଇଥାଏ।
-ଏହି ପତ୍ରକୁ ଚୋବାଇଲେ ପାଚନ ପ୍ରକ୍ରିୟା ମଜଭୁତ ହେବାସହ କୋଷ୍ଠକାଠିନ୍ୟ ମଧ୍ୟ ଦୂର ହୋଇଥାଏ।
-ବହୁତ ମହିଳାଙ୍କର କେଶ ଦ୍ବିମୁହାଁ ହୋଇଯାଇଥାଏ ଯାହା ଦ୍ବାରା କେଶ ଆଗକୁ ବଢ଼ି ନଥାଏ। ଏହି ସମସ୍ୟାରୁ ମୁକ୍ତି ପାଇବା ପାଇଁ ପିଜୁଳିର ପତ୍ରକୁ ବ୍ୟବହାର କରିବା ଆପଣଙ୍କ ପାଇଁ ଫାଇଦାପୂର୍ଣ୍ଣ ହୋଇଥାଏ।
-ପିଜୁଳି ପତ୍ର ଚାହା ପିଇବା ଦ୍ୱାରା କୋଲେଷ୍ଟ୍ରେଲ୍ ସ୍ତର କମ୍ ରହିବା ସହ ଆମ ରକ୍ତଚାପ ମଧ୍ୟ ନିୟନ୍ତ୍ରଣରେ ରହିଥାଏ। ଫଳରେ ଆମ ହୃତ୍ପିଣ୍ଡ ସୁସ୍ଥ ରହିଥାଏ।
– ଏହା ଆଲାର୍ଜୀକୁ ମଧ୍ୟ ଦୂର କରିଥାଏ। ଏହା ସେହି ଭାଇରସକୁ କମ କରିଥାଏ ଯାହା ଦ୍ବାରା ଆଲାର୍ଜୀ ଜନ୍ମ ହୋଇଥାଏ।
-ପିଜୁଳି ପତ୍ର କେଶ ପାଇଁ ଅନେକ ଲାଭକରୀ ହୋଇଥାଏ। ପିଜୁଳି ପତ୍ରକୁ ପାଣିରେ ଫୁଟାଇ ସେହି ପାଣିକୁ ମୁଣ୍ଡରେ ଲଗାଇ ମାଲିସ୍ କଲେ ଚୁଟି ଝଡିବା ବନ୍ଦ ହେବା ସହ ରୂପି ସମସ୍ୟା ମଧ୍ୟ ଦୂର ହୋଇଥାଏ।
– ଓଜନ ହ୍ରାସ କରିବା ପାଇଁ ମଧ୍ୟ ପିଜୁଳି ପତ୍ରକୁ ବ୍ୟବହାର କରାଯାଇଥାଏ।
-ତ୍ୱଚା ପାଉଁ ମଧ୍ୟ ପିଜୁଳି ପତ୍ର ବେଶ୍ ଉପକାରୀ। ପିଜୁଳି ପତ୍ରରେ ଥିବା ଆଣ୍ଟିସେପ୍ଟିକ୍ ଗୁଣ ବ୍ୟାକ୍ଟେରିଆ ନଷ୍ଟ କରିଥାଏ। ଏହାକୁ ବାଟି ଏହାର ପେଷ୍ଟକୁ ମୁହଁରେ ଲଗାଇଲେ ବ୍ରଣ ଭଲ ହୋଇଥାଏ।