ଚର୍ମ କୁଣ୍ଡେଇ ହେଉଥିଲେ ସାବଧାନ, ହୋଇପାରେ ଏହି ଭୟଙ୍କର ରୋଗ
ସୋରିୟାସିସ ରୋଗ ପ୍ରତିରୋଧକ କ୍ଷମତାର ଏକ ରୋଗ । ଏହି ରୋଗରେ ରୋଗ ପ୍ରତିରୋଧକ ଶକ୍ତି ଅଧିକ ବଢ଼ିଯାଏ । ଏହା ଶରୀରର ଭଲ ସେଲ୍ସଗୁଡ଼ିକୁ ନଷ୍ଟ କରିବା ଆରମ୍ଭ କରେ । ସୋରିୟାସିସ ଆରମ୍ଭ ହେବା ମାତ୍ରେ ଚର୍ମ କୁଣ୍ଡେଇ ହୁଏ ।
ଯଦି ଆପଣଙ୍କ ତ୍ୱଚା କୁଣ୍ଡେଇ ହେଉଛି ଏବଂ ଏହି ସମସ୍ୟା ଲଗାତାର ଭାବରେ ବଢ଼ୁଛି, ତେବେ ଏହାକୁ ଅଣଦେଖା କରିବା ଠିକ ନୁହେଁ । ଏହା ସୋରିୟାସିସ ନାମକ ଏକ ରୋଗର ଲକ୍ଷଣ ହୋଇପାରେ । ଏହି ରୋଗ ଅତ୍ୟନ୍ତ ବିପଜ୍ଜନକ ଭାବେ ଜଣା । ଯେକୌଣସି ବୟସର ଲୋକମାନେ ଏହାର ଶିକାର ହୋଇପାରନ୍ତି । ଚିନ୍ତାର ବିଷୟ ହେଉଛି ଏହି ରୋଗର କୌଣସି ଚିକିତ୍ସା ନାହିଁ, ସୋରିୟାସିସ କେବେ ମଧ୍ୟ ଶେଷ ହୁଏ ନାହିଁ । କେବଳ ଏହାକୁ କଣ୍ଟ୍ରୋଲ କରାଯାଇ ପାରିବ । ଯେଉଁମାନଙ୍କର ପୂର୍ବରୁ କୌଣସି ଚର୍ମ ରୋଗ ଥାଏ ସେମାନଙ୍କୁ ଏହି ରୋଗରୁ ଅଧିକ କ୍ଷତି ପହଞ୍ଚିପାରେ ।
ଦିଲ୍ଲୀର ଆରଏମଏଲ ହସ୍ପିଟାଲର ସ୍କିନ ଡିପାର୍ଟମେଣ୍ଟରେ ଡାକ୍ତର ଭାଭୁକ ଧୀର କହିଛନ୍ତି ଯେ ସୋରିୟାସିସ ରୋଗ ପ୍ରତିରୋଧକ କ୍ଷମତାର ଏକ ରୋଗ । ଏହି ରୋଗରେ ରୋଗ ପ୍ରତିରୋଧକ ଶକ୍ତି ଅଧିକ ବଢ଼ିଯାଏ । ଏହା ଶରୀରର ଭଲ ସେଲ୍ସଗୁଡ଼ିକୁ ନଷ୍ଟ କରିବା ଆରମ୍ଭ କରେ । ଯାହାର ପ୍ରଭାବ ଚର୍ମ ଉପରେ ମଧ୍ୟ ପଡ଼ିଥାଏ ଏବଂ ସୋରିୟାସିସ ରୋଗର କାରଣ ହୋଇଥାଏ । ସୋରିୟାସିସ ଆରମ୍ଭ ହେବା ମାତ୍ରେ ଚର୍ମ କୁଣ୍ଡେଇ ହୁଏ, କିନ୍ତୁ ଅଧିକାଂଶ ଲୋକ ଏହି ସମସ୍ୟା ପ୍ରତି ଧ୍ୟାନ ଦିଅନ୍ତି ନାହିଁ । ଏପରିସ୍ଥିତିରେ, ଏହି ରୋଗ ଲଗାତାର ଭାବରେ ବଢ଼ିବାରେ ଲାଗେ । ଧିରେ ଧିରେ ଚର୍ମରେ କ୍ଷତ ସୃଷ୍ଟି ହେବାକୁ ଲାଗେ ।
ଡାକ୍ତର ଧୀର କହିଛନ୍ତି ଯେ ସୋରିୟାସିସ ହାତ ଏବଂ ପିଠି ଉପରେ ଅଧିକ ପ୍ରଭାବ ପକାଇଥାଏ । କିନ୍ତୁ ଏହା ସମଗ୍ର ଶରୀରରେ ହୋଇପାରେ । ଚିନ୍ତାର ବିଷୟ ହେଉଛି ଯେ ଆଜି ପର୍ଯ୍ୟନ୍ତ ଏହି ରୋଗ ପାଇଁ କୌଣସି ଚିକିତ୍ସା ହୋଇପାରି ନାହିଁ। ଏହାକୁ କେବଳ ଔଷଧ ମାଧ୍ୟମରେ ନିୟନ୍ତ୍ରଣ କରାଯାଇପାରିବ । ବୟସ ବଢ଼ିବା ସହିତ ଏହି ରୋଗ ଅଧିକ ବିପଜ୍ଜନକ ହୋଇଯାଏ, ଯଦିଓ ଆପଣ ଖାଦ୍ୟକୁ ସଠିକ୍ ଭାବରେ ରଖନ୍ତି ଏବଂ ଡାକ୍ତରଙ୍କ ପରାମର୍ଶ ଅନୁଯାୟୀ ଚର୍ମର ଯତ୍ନ ନିଅନ୍ତି, ତେବେ ଏହି ରୋଗକୁ ନିୟନ୍ତ୍ରଣରେ ରଖାଯାଇପାରିବ ।
AIIMS ବିଭାଗର ଚର୍ମ ରୋଗ ବିଶେଷଜ୍ଞ ଡାକ୍ତର ନିଖିଲ କୁମାର କହିଛନ୍ତି ଯେ ପ୍ରତିବର୍ଷ ଏହି ରୋଗ ସାମ୍ନାକୁ ଆସିଥାଏ । ଶୀତ ଦିନରେ ଏହି ରୋଗର ଅଧିକ ମାମଲା ଦେଖାଯାଏ । ଜେନେଟିକ କାରଣରୁ ମଧ୍ୟ ଏହି ରୋଗ ହୋଇଥାଏ । ଏହାର ଅର୍ଥ ଏହା ପିତାମାତାଙ୍କଠାରୁ ପିଲାମାନଙ୍କୁ ମଧ୍ୟ ହୋଇପାରେ । ଯଦି ଏହି ରୋଗ ଥରେ ହୁଏ, ତେବେ ଏହି ରୋଗ ବର୍ଷ ବର୍ଷ ଧରି ରହିଥାଏ । କିନ୍ତୁ ସଠିକ ଚିକିତ୍ସା ଦ୍ୱାରା ଏହାକୁ ନିୟନ୍ତ୍ରଣରେ ରଖାଯାଇପାରିବ ।
ଡକ୍ଟର ନିଖିଲ କହିଛନ୍ତି ଯେ ସୋରିୟାସିସ କାରଣରୁ ମାନସିକ ସ୍ୱାସ୍ଥ୍ୟ ମଧ୍ୟ ପ୍ରଭାବିତ ହୋଇଥାଏ । ଏପରି ହେବାର କାରଣ ଏହି ରୋଗର ରୋଗୀ ବାହାରକୁ ଯାଇ ଲୋକଙ୍କ ସହ ମିଶିବା ଠାରୁ ଦୂରେଇ ରୁହନ୍ତି । ବ୍ୟକ୍ତି ହୀନ ଭାବନାର ଶିକାର ହେବାକୁ ଲାଗିଥାଏ । ଧୀରେ ଧୀରେ ତାଙ୍କ ଭିତରେ ଡିପ୍ରେସନ ବଢ଼ିବାକୁ ଲାଗିଥାଏ । ଯାହା ମାନସିକ ସ୍ୱାସ୍ଥ୍ୟ ଉପରେ ସିଧାସଳଖ ପ୍ରଭାବ ପକାଇଥାଏ ।
ତେବେ ଏହି ରୋଗରୁ କିପରି ରକ୍ଷା ପାଇବେ ଆସନ୍ତୁ ଜାଣିବା । ଚର୍ମକୁ ଶୁଖିବାକୁ ଦିଅନ୍ତୁ ନାହିଁ । କୁଣ୍ଡେଇ ହେଲେ ତୁରନ୍ତ ଡାକ୍ତରଙ୍କ ସହ ଯୋଗାଯୋଗ କରନ୍ତୁ । ମଦ୍ୟପାନ ଠାରୁ ଦୂରେଇ ରୁହନ୍ତୁ । ଚର୍ମରେ ମଏଶ୍ଚରାଇଜର ବ୍ୟବହାର କରନ୍ତୁ । ଏଭଳି କରିବା ଦ୍ୱାରା ଅପାଣଙ୍କ ନିକଟରେ ଏହି ରୋଗ ହେବାର ସମ୍ଭାବନା କମ ରହିବ ।
