ଲାଉ ରାଇତା ପେଟକୁ ରଖିଥାଏ ଥଣ୍ଡା, ଡାଏଟ୍ରେ ସାମିଲ କରନ୍ତୁ ମିଳିବ ଅନେକ ଲାଭ
ଲାଉ ହାର୍ଟକୁ ସୁସ୍ଥ ରଖିବା ସହ ଓଜନ କମ୍ କରିବ ଏବଂ ଡାଇବେଟିସ୍ରେ ବ୍ଲଡ୍ ସୁଗାର ଲେବଲକୁ ନିୟନ୍ତ୍ରଣ କରିବାରେ ମଧ୍ୟ ସାହାଯ୍ୟ କରିଥାଏ । ଏତେଗୁଡ଼ିଏ ଲାଭ ରହିବା ପାରେ ମଧ୍ୟ ଲୋକମାନେ ଲାଉ ଖାଇବା ଠାରୁ ଦୂରେଇ ରୁହନ୍ତି । ତେବେ ଲାଉ ରାଇତା ଅତ୍ୟନ୍ତ ହେଲଦି ଏବଂ ପେଟ ପାଇଁ ଉପକାରୀ ମଧ୍ୟ ହୋଇଥାଏ ।
ସ୍ୱାସ୍ଥ୍ୟ ପାଇଁ ଲଉ ଏକ ଲାଭଦାୟକ ପରିବା ହୋଇଥାଏ । ତେବେ ଲାଉ ହାର୍ଟକୁ ସୁସ୍ଥ ରଖିବା ସହ ଓଜନ କମ୍ କରିବ ଏବଂ ଡାଇବେଟିସ୍ରେ ବ୍ଲଡ୍ ସୁଗାର ଲେବଲକୁ ନିୟନ୍ତ୍ରଣ କରିବାରେ ମଧ୍ୟ ସାହାଯ୍ୟ କରିଥାଏ । ଏତେଗୁଡ଼ିଏ ଲାଭ ରହିବା ପାରେ ମଧ୍ୟ ଲୋକମାନେ ଲାଉ ଖାଇବା ଠାରୁ ଦୂରେଇ ରୁହନ୍ତି । କିଛି ଲୋକ ଲାଉ ନାମ ଶୁଣିବା ମାତ୍ରେ ଆନକ ପ୍ରକାରର ବିଚିତ୍ର ମୁହଁ ତିଆରି କରିବା ଆରମ୍ଭ କରନ୍ତି ।
ତେବେ ଲୋକମାନେ ଲାଉକୁ ରୋଷେଇ କରି ଖାଇବାକୁ ପସନ୍ଦ କରନ୍ତି ନାହିଁ କିନ୍ତୁ ଆପଣ ଲାଉରେ ରାଇତା ତିଆରି କରି ଏହାକୁ ଖାଇପାରିବେ । ଲାଉ ରାଇତା ଅତ୍ୟନ୍ତ ହେଲଦି ଏବଂ ପେଟ ପାଇଁ ଉପକାରୀ ମଧ୍ୟ ହୋଇଥାଏ । ଏହାକୁ ଖାଇବା ଦ୍ୱାରା ଶରୀରକୁ ପ୍ରଚୁର ପରିମାଣରେ ଫାଇବର ମିଳିଥାଏ । ଗ୍ରୀଷ୍ମ ଋତୁରେ ପେଟକୁ ଥଣ୍ଡା ରଖିବାରେ ଲାଉ ରାଇତା ସାହାଯ୍ୟ କରିଥାଏ । ସେଥିପାଇଁ ମଧ୍ୟାହ୍ନ ଭୋଜନରେ ଆପଣ ଲାଉ ରାଇତା ଅନ୍ତର୍ଭୂକ୍ତ କରିବା ଜରୁରୀ । ଏହା ଆପଣଙ୍କ ମଧ୍ୟାହ୍ନ ଭୋଜନର ସ୍ୱାଦ ବଢାଇବ । ତାହେଲେ ଆସନ୍ତୁ ଜାଣିବା ଯେ ଲାଉ ରାଇତା କିପରି ତିଆରି କରିବେ ।
ଲାଉ ରାଇତା ପ୍ରସ୍ତୁତ କରିବାର ରେସିପି :
ଲାଉ ରାଇତା ତିଆରି କରିବା ପାଇଁ ସର୍ବପ୍ରଥମେ ଆପଣଙ୍କୁ ଲାଉକୁ ଛେଲି ବଡ଼ ଖଣ୍ଡରେ କାଟିବାକୁ ପଡିବ । ଏହା ପରେ ଲାଉକୁ କୁକରରେ ରଖନ୍ତୁ ଏବଂ ପ୍ରାୟ ୧ କପ୍ ପାଣି ମିଶାନ୍ତୁ । ତାପରେ ୨ଟି ସିଟି ଆସିବା ପଯ୍ୟନ୍ତ ଲାଉକୁ ଗ୍ୟାସ୍ରେ ବସାନ୍ତୁ । ଏହା ସହ ସେଥିରେ ଦହି ମଧ୍ୟ ସାମିଲ କରିପାରିବେ । ଯାହା ଦ୍ୱାରା ରାଇତାର ସ୍ୱାଦ ଆହୁରି ବଢି ଯିବ । ତେବେ ଏହି ସବୁ ଜିନିଷକୁ ଭଲ ଭାବେ ମିଶାନ୍ତୁ । ଏଥିପାଇଁ ଆପଣ ଏକ ମାଶର୍ ମଧ୍ୟ ବ୍ୟବହାର କରିପାରିବେ ।
ଏହା ପରେ ରାଇତା ପାଇଁ ତଡକା ପ୍ରସ୍ତୁତ କରନ୍ତୁ । ଏଥିପାଇଁ ଆପଣ ଏକ ଚାମଚରେ ସୋସିଷ ତେଲରେ ହେଙ୍ଗୁ ଏବଂ ଜିରା ପକାଇ ଭଲ ଭାବରେ ଭାଜନ୍ତୁ । ତାପରେ ସେଥିରେ କଟା ରସୁଣ ଏବଂ ୧ ଟି କଟା ଲଙ୍କା ପକାନ୍ତୁ । ତାପରେ ସେଥିରେ ଲଙ୍କା ଗୁଣ୍ଡ, ଧନିଆ ଗୁଣ୍ଡ ଏବଂ ଘରେ ଥିବା ଅନ୍ୟ କିଛି ମସଲା ମଧ୍ୟ ସାମିଲ କରନ୍ତୁ । ଏହା ପରେ ତୁରନ୍ତୁ ତଡକା ଦେବା ମାତ୍ରେ ରାଇତାକୁ ଘୋଡାଇ ଦିଅନ୍ତୁ । ତେବେ ଏହି ରାଇତା ଖାଇବା ଦ୍ୱାରା ପେଟ ଥଣ୍ଡା ହୋଇଥାଏ ଏବଂ ହଜମ ପ୍ରକ୍ରିୟାରେ ମଧ୍ୟ ଉନ୍ନତି ହୋଇଥାଏ । ଏହା ବ୍ୟତୀତ ଓଜନ କମ୍ ପାଇଁ ଲାଉ ରାଇତା ମଧ୍ୟ ଏକ ଭଲ ଉପାୟ ହୋଇଥାଏ । ସେଥିପାଇଁ ଯଦି ଆପଣ ଏହି ଗ୍ରୀଷ୍ମରେ ନିଜ ସ୍ୱାସ୍ଥ୍ୟକୁ ଭଲ ରଖିବାକୁ ଚାହୁଁଛନ୍ତି, ତାହେଲେ ଆଜିଠାରୁ ହିଁ ନିଜ ଡାଏଟ୍ରେ ଏହି ଲଉ ରାଇତା ସାମିଲ କରନ୍ତୁ । ଦେଖିବେ ଆପଣଙ୍କୁ ବହୁତ ପ୍ରକାରର ଫାଇଦା ମିଳିବ ।
