ଏହି ସମୟରେ କାକୁଡି ଖାଇଲେ ସ୍ୱାସ୍ଥ୍ୟ ପାଇଁ ହୋଇଥାଏ ହାନିକାରକ
କାକୁଡ଼ି ସ୍ୱାସ୍ଥ୍ୟ ପାଇଁ ବହୁତ ଲାଭକାରୀ ହୋଇଥାଏ । ସମସ୍ତେ ପ୍ରାୟତଃ ଖାଇବା ବେଳେ ସଲାଡ ଖାଇଥାନ୍ତି । କାକୁଡ଼ିକୁ ଭିଟାମିନ, ମିନେରାଲ ଓ ଇଲୋକ୍ଟ୍ରୋଲାଇଟସ୍ ର ପାଓ୍ଵାର ହାଉସ କୁହାଯାଇଥାଏ । ହେଲେ କାକୁଡ଼ି କେତବେଳେ କେମିତି ଖିଆଯାଏ ସେ ସମ୍ପର୍କରେ ଅଧିକାଂଶଙ୍କ ବିଶେଷ ଧାରଣା ନଥାଏ । ଯାହାକି ଆମର ସ୍ୱାସ୍ଥ୍ୟ ଉପରେ କୁପ୍ରଭାବ ପକାଇଥାଏ ।
କୁହାଯାଏ ଯେ କାକୁଡ଼ି ସର୍ବଦା ଦିନ ବେଳା ଖିଆଯାଇଥାଏ । ଲଞ୍ଚରେ କାକୁଡ଼ି ଖାଇବା ଦ୍ୱାରା ସବୁଠୁ ଅଧିକ ଫାଇଦା ମିଳିଥାଏ । ଯଦି ଆପଣ ରାତିରେ କାକୁଡ଼ି ଖାଆନ୍ତି ତେବେ ଏହା ଅଧିକ କ୍ଷତି କରିଥାଏ । ଆସନ୍ତୁ ଜାଣିବା କାକୁଡ଼ି ଖାଇବା ଦ୍ୱାରା କ’ଣ ମିଳିଥାଏ ଲାଭ ।
କାକୁଡ଼ି ଖାଇବାର ଲାଭ-
୧. ଓଜନ ହ୍ରାସ କରିଥାଏ : ଓଜନ କମ କରିବା ପାଇଁ କାକୁଡ଼ି ବହୁତ ଲାଭକାରୀ ହୋଇଥାଏ । କାକୁଡ଼ି ଖାଇବା ଦ୍ୱାରା ପେଟ ଭରିଯାଇଥାଏ ଓ ଭରପୁର ପୋଷକ ତତ୍ତ୍ୱ ମଧ୍ୟ ମିଳିଥାଏ । କାକୁଡ଼ିରେ ୯୫ ପ୍ରତିଶତ ପାଣି ଥାଏ, ଯାହାଦ୍ୱାରା ମେଟାବୋଲିଜିମ ମଜବୁତ ହୋଇଥାଏ ।
୨. ଇମ୍ୟୁନିଟି ପାଓ୍ଵାର : କାକୁଡ଼ି ଖାଇବା ଦ୍ୱାରା ଇମ୍ୟୁନିଟି ମଜବୁତ ହୋଇଥାଏ । କାକୁଡ଼ିରେ ଭିଟାମିନ ସି, ବିଟା କାରୋଟିନ ଭଳି ଏଣ୍ଟି ଅକ୍ସିଡାଣ୍ଟ ମିଳିଥାଏ । ଯାହାଦ୍ୱାରା ଶରୀରରେ ଥିବା ଫ୍ରି ରାଡିକଲସ ଦୂର ହୋଇଥାଏ ଓ ରୋଗ ପ୍ରତିରୋଧକ କ୍ଷମତା ବଢ଼ିଥାଏ ।
୩. କ୍ୟାନସରରୁ ରକ୍ଷା କରିଥାଏ : କିଛି ଗବେଷକ କୁହନ୍ତି ଯେ ଦୈନିକ କାକୁଡ଼ି ଖାଇବା ଦ୍ୱାରା କ୍ୟାନସର ଆଶଙ୍କା କମ ହୋଇଥାଏ । କାକୁଡ଼ିରେ ଥିବା ପ୍ରୋଟିନ ଆମ ଶରୀରରେ କ୍ୟାନସର ସହିତ ଲଢ଼ିବାର କ୍ଷମତା ରଖିଥାଏ । ଏହା ଶରୀରରେ କ୍ୟାନସର ଟ୍ୟୁମରକୁ ରୋକିଥାଏ ।
୪. ମଜବୁତ ହାଡ : ଯଦି ଆପଣ କାକୁଡ଼ିର ଚୋପା ସହ ଖାଉଛନ୍ତି ତେବେ ଏହା ହାଡ଼ ପ୍ରତି ଲାଭଦାୟକ ହୋଇଥାଏ । କାକୁଡ଼ି ଚୋପାରେ ସିଲିକା ରହିଥାଏ । ଯାହା ହାଡ଼କୁ ମଜବୁତ କରିଥାଏ ।
ରାତିରେ କାକୁଡ଼ି ଖାଇବା ଦ୍ୱାରା ହୋଇଥାଏ କ୍ଷତି : ରାତିରେ କାକୁଡ଼ି ଖାଇବା ଦ୍ୱାରା ହଜମ ଶକ୍ତି ସହିତ ଜଡିତ ସମସ୍ୟା ଦେଖା ଦେଇଥାଏ । ରାତିରେ କାକୁଡ଼ି ପେଟରେ ବଦହଜମି ସୃଷ୍ଟି କରିଥାଏ । ଏହାଛଡ଼ା ରାତିରେ କାକୁଡି ଖାଇବା ଦ୍ୱାରା ନିଦ ଖରାପ ମଧ୍ୟ ହୋଇଥାଏ ।
