ଶୀତଋତୁରେ ଦେଖାଯାଉଛି କି ଡ୍ରାଏ ସ୍କିନ ସମସ୍ୟା? ଏହି ୬ଟି ଉପାୟରେ କରନ୍ତୁ ମହୁର ବ୍ୟବହାର
ପ୍ରାକୃତିକ ଉପାୟରେ ଶୁଖିଲା ଚର୍ମକୁ ମଶ୍ଚରାଇଜ୍ କରିବା ପାଇଁ ମହୁ ସର୍ବୋତ୍ତମ ବୋଲି ବିବେଚନା କରାଯାଏ । ବାସ୍ତବରେ, ଶୀତଋତୁରେ ଅଧିକାଂଶ ଲୋକଙ୍କ ଚର୍ମ ଶୁଷ୍କ ହୋଇଯାଏ । ଆପଣଙ୍କ ତ୍ୱଚାକୁ କ୍ଷତିରୁ ରକ୍ଷା କରିବା ଏବଂ ଏହାକୁ ପ୍ରାକୃତିକ ଭାବରେ ମଶ୍ଚରାଇଜ୍ କରିବା ପାଇଁ, ଆଜି ଆମେ ଆପଣଙ୍କ ପାଇଁ କିଛି ଟିପ୍ସ ଆଣିଛୁ ।
ପ୍ରାକୃତିକ ଉପାୟରେ ଶୁଖିଲା ଚର୍ମକୁ ମଶ୍ଚରାଇଜ୍ କରିବା ପାଇଁ ମହୁ ସର୍ବୋତ୍ତମ ବୋଲି ବିବେଚନା କରାଯାଏ । ଏହି ସମୟରେ, ଅନେକ ଘରେ ଲୋକମାନେ ଚିନି ବଦଳରେ ମହୁ ବ୍ୟବହାର କରନ୍ତି । ମହୁରେ ଆଣ୍ଟି-ଇନ୍ଫ୍ଲାମେଟୋରୀ ଏବଂ ଆଣ୍ଟି-ମାଇକ୍ରୋବାୟଲ୍ ଗୁଣ ମିଳିଥାଏ । ଏହା ସହିତ ଏହା ଆଣ୍ଟି-ଅକ୍ସିଡାଣ୍ଟରେ ମଧ୍ୟ ଭରପୂର । ବାସ୍ତବରେ, ଶୀତଋତୁରେ ଅଧିକାଂଶ ଲୋକଙ୍କ ଚର୍ମ ଶୁଷ୍କ ହୋଇଯାଏ । ଏହାର ମୁକାବିଲା ପାଇଁ, ଆମେ ବଜାରରେ ଉପଲବ୍ଧ ଅନେକ ମୂଲ୍ୟବାନ ଦ୍ରବ୍ୟ ବ୍ୟବହାର କରୁ । ଏହି ଦ୍ରବ୍ୟଗୁଡ଼ିକ ରାସାୟନିକ ପଦାର୍ଥରେ ପରିପୂର୍ଣ୍ଣ ଯାହା ହେତୁ ଚର୍ମ ନଷ୍ଟ ହୋଇଯାଏ । ଆପଣଙ୍କ ତ୍ୱଚାକୁ କ୍ଷତିରୁ ରକ୍ଷା କରିବା ଏବଂ ଏହାକୁ ପ୍ରାକୃତିକ ଭାବରେ ମଶ୍ଚରାଇଜ୍ କରିବା ପାଇଁ, ଆଜି ଆମେ ଆପଣଙ୍କ ପାଇଁ କିଛି ଟିପ୍ସ ଆଣିଛୁ ।
ମହୁ ଏବଂ କେଶର ଫେସୱାସ୍:
ଚର୍ମର ରଙ୍ଗକୁ ଉନ୍ନତ କରିବାରେ ଉଭୟ ମହୁ ଏବଂ କେଶର ସାହାଯ୍ୟ କରନ୍ତି । ଏହାକୁ ଆପଣ ନିଜ ସ୍କିନ କେୟାରରେ ଅନ୍ତର୍ଭୁକ୍ତ କରି ଆପଣ ଅନେକ ଲାଭ ପାଇପାରିବେ । ଗୋଟିଏ ପଟେ କେଶର ଚର୍ମରେ ପ୍ରାକୃତିକ ଚମକ ଆଣିଥାଏ, ଅନ୍ୟ ପଟେ ମହୁର ବ୍ୟବହାର ଚେହେରାକୁ ଦୀର୍ଘ ସମୟ ପର୍ଯ୍ୟନ୍ତ ମଶ୍ଚରାଇଜ ରଖେ । ଏହି ଫେସୱାସ୍ ତ୍ୱଚାକୁ ଏକ ପ୍ରାକୃତିକ ଚମକ ଦେବ ଏବଂ ଆପଣଙ୍କ ଚେହେରାରେ ପିମ୍ପଲ୍ ଦ୍ୱାରା ସୃଷ୍ଟି ହୋଇଥିବା ଦାଗର ଚିହ୍ନ ମଧ୍ୟ ହ୍ରାସ କରିବ । ମହୁ ଏବଂ କେଶର ଫେସୱାସ୍ ଡେଡସ୍କିନ ସେଲକୁ ବାହାର କରିଦେବ । ପ୍ରତ୍ୟେକ ସ୍କିନ ଟାଇପର ଲୋକମାନେ ଏହି ଫେସୱାସ୍ ବ୍ୟବହାର କରିପାରିବେ ।
ମହୁ ଲିପ୍ ବାମ୍:
ଶୀତଋତୁରେ ଆମ ଓଠ ପ୍ରାୟତଃ ଫାଟି ଯାଏ । ଏହି ଋତୁରେ ଆପଣ ମହୁରୁ ପ୍ରସ୍ତୁତ ଲିପ୍ ବାମ୍ ପ୍ରୟୋଗ କରିପାରିବେ । ଏହା କେବଳ ଆପଣଙ୍କ ଓଠକୁ ଫାଟିବାରୁ ରକ୍ଷା କରିବ ନାହିଁ ବରଂ ଆପଣଙ୍କ ଓଠର ରଙ୍ଗକୁ କଳା ହେବାରୁ ମଧ୍ୟ ରକ୍ଷା କରିବ । ବଜାରରୁ ମହୁ ଲିପ୍ ବାମ୍ କିଣିବା ପୂର୍ବରୁ, ମନେରଖନ୍ତୁ ଯେ ଏହାକୁ ତିଆରି କରିବାରେ କୌଣସି କ୍ଷତିକାରକ ରାସାୟନିକ ପଦାର୍ଥ ବ୍ୟବହାର କରାଯାଇ ନାହିଁ, ନଚେତ୍ ଏହା ଆପଣଙ୍କ ପାଇଁ ଲାଭଦାୟୀ ହେବନାହିଁ । କାରଣ ରାସାୟନିକ ପଦାର୍ଥ ହେତୁ ଆପଣଙ୍କ ଓଠ ଅଧିକ ଖରାପ ହୋଇଯିବ ।
ଫେସ୍ ମାସ୍କ:
ଶୁଷ୍କ ଚର୍ମ ଥିବା ଲୋକମାନେ ଶୀତଋତୁରେ ମହୁରେ ନିର୍ମିତ ଫେସ୍ ମାସ୍କ ପ୍ରୟୋଗ କରିପାରିବେ । ଆପଣ ଏହାକୁ ଅତି ସହଜରେ ଘରେ ତିଆରି କରିପାରିବେ । ମହୁ ଫେସ୍ ମାସ୍କ ତିଆରି କରିବାକୁ, ଗୋଟିଏ ଚାମଚ ମହୁକୁ ଦହି ସହିତ ମିଶାନ୍ତୁ ଏବଂ ଏହି ମିଶ୍ରଣକୁ ଆପଣଙ୍କ ମୁହଁରେ ୧୫-୨୦ ମିନିଟ୍ ପର୍ଯ୍ୟନ୍ତ ଛାଡିଦିଅନ୍ତୁ । ଏହା ପରେ ମୁହଁକୁ ଉଷୁମ ପାଣିରେ ଧୋଇ ଦିଅନ୍ତୁ । ଆପଣ ଏହି ଫେସ୍ ମାସ୍କକୁ ସପ୍ତାହରେ ଥରେ ପ୍ରୟୋଗ କରିବା ଜରୁରୀ ।
କ୍ଲିଞ୍ଜିଙ୍ଗରେ ବ୍ୟବହାର କରନ୍ତୁ:
ରାତିରେ ଶୋଇବା ପୂର୍ବରୁ ମୁହଁ ସଫା କରିବା ପାଇଁ ଆପଣ ମହୁ ବ୍ୟବହାର କରିପାରିବେ । ଏଥିପାଇଁ ମହୁ ଏବଂ କ୍ଷୀର ମିଶ୍ରଣ କରି ତ୍ୱଚାକୁ ସଫା କରନ୍ତୁ । ଏହି ପ୍ରାକୃତିକ କ୍ଲିଞ୍ଜର୍ସ ଚେହେରାର ନରମତା ବଜାୟ ରଖେ ।
DIY ସ୍କ୍ରବ୍ ପ୍ରସ୍ତୁତ କରନ୍ତୁ:
ଆପଣ ନ୍ୟାଚୁରାଲି ଭାବରେ ଘରେ ସ୍କ୍ରବ୍ ପ୍ରସ୍ତୁତ କରିପାରିବେ । ଏଥିପାଇଁ ମହୁ, ଚିନି ଏବଂ ଅଳ୍ପ ବୁନ୍ଦା ଅଲିଭ୍ ତେଲ ମିଶାନ୍ତୁ । ଏବେ ଏହାକୁ ହାଲୁକା ହାତରେ ମୁହଁରେ ମାଲିସ୍ କରନ୍ତୁ । ଏହା ପରେ ମୁହଁକୁ ଥଣ୍ଡା ପାଣିରେ ଧୋଇ ଦିଅନ୍ତୁ ।
ନାଇଟ୍ କ୍ରିମ୍:
ନାଇଟ କ୍ରିମରେ ଆପଣ ଅଳ୍ପ ବୁନ୍ଦା ମହୁ ମିଶାଇ ଏହାକୁ ପ୍ରୟୋଗ କରିପାରିବେ । ଏହା ଆପଣଙ୍କ ଚେହେରାକୁ ରାତିସାରା ମଶ୍ଚରାଇଜ ରଖିବ ଏବଂ ସକାଳେ ଉଠିବା ପରେ ଆପଣଙ୍କ ଚେହେରା ଏକ ନ୍ୟାଚୁରାଲ ଗ୍ଲୋ ମଧ୍ୟ ପାଇବ ।
