ମହିଳା ହେଉ ବା ପୁରୁଷ ସମସ୍ତେ ଚାହାନ୍ତି ନିଜ ହେଲ୍ଥ ଏବଂ ଲୁକ୍ କୁ ସବୁବେଳେ ପରଫେକ୍ଟ ରଖିବା ପାଇଁ। ଏଥିପାଇଁ ଆମେ ବିଭିନ୍ନ ଉପାୟ ମଧ୍ଯ ଅବଲମ୍ବନ କରିଥାଉ । ତାହା ତ୍ବଚା ପାଇଁ ହେଉ କି ଶରୀରର ଫିଟନେସ୍ ପାଇଁ । ହେଲେ ଆଜିକାଲି ପ୍ରାୟେ ସମସ୍ତଙ୍କଠାରେ ଗୋଟେ ସମାନ ଅସୁବିଧା ଦେଖିବାକୁ ମିଳୁଛି । ଯାହା ଏବେ ଘରେ ଘରେ ଚିନ୍ତାର କାରଣ ପାଲଟିଛି । ସେ ହେଉଛି ଆମ କେଶ । ଆଜ୍ଞା ହଁ କେଶ ଝଡିବା ଅସୁବିଧାରେ ଏବେ ପ୍ରାୟେ ଆମେ ସମସ୍ତେ ଜଡିତ । ଆଜିକାଲି କେଶ ଝଡ଼ିବା ଅନେକଙ୍କ ପାଇଁ ଏକ ମୁଖ୍ୟ ସମସ୍ୟା ହୋଇଗଲାଣି । ବୟଷ୍କ ବ୍ଯକ୍ତି ହେଉ କିମ୍ବା ଯୁବକ କେଶ ଝଡିବା ଅସୁବିଧାରେ ସମସ୍ତେ ପଡୁଛନ୍ତି । ବୟସ ଥାଉ ଥାଉ କେତେକ ବ୍ୟକ୍ତି ଚନ୍ଦା ହୋଇ ଯାଉଛନ୍ତି। ଯାହା କମ୍ ବୟସରେ ବୃଦ୍ଧାବସ୍ଥାର ଭ୍ରମ ସୃଷ୍ଟି କରୁଛି ।
ତେବେ ଏହି କେଶ ଝଡିବାର ମୁଖ୍ଯ କାରଣ କଣ?
ଏହାର ମୁଖ୍ଯ କାରଣ ହେଉଛି ନିଜର ଖାଦ୍ଯ ପାନୀୟ । ବିଶେଷ କରି ପୁଷ୍ଟିସାର ଖାଦ୍ଯ ଆମ କେଶକୁ ମଜବୁତ୍ ରଖିବାରେ ବେଶ ଫଳପ୍ରଦ ହୋଇଥାଏ । ତେଣୁ ପୁଷ୍ଟିସାର ଖାଦ୍ଯ କମ୍ କେଶ ଖାଇବା ଦ୍ବାରା କେଶ ଝଡିଥାଏ । ଏହା ସହ ବଜାରରେ ମିଳୁଥିବା ବିଭିନ୍ନ କେମିକାଲ ପ୍ରଡକ୍ଟସ୍ ପାଇଁ ବେଶ୍ କ୍ଷତିକାରଣ ପ୍ରମାଣିତ ହୋଇଥାଏ । ଯଦି ଆପଣ ଏହି କେଶ ଝଡିବା ସମସ୍ଯାରେ ପଡିଛନ୍ତି, ତେବେ ଚିନ୍ତା କରିବା ଆଦୌ ଦରକାର ନାହିଁ । ଏମିତି କିଛି ଉପାୟ ରହିଛି ଯାହା ଆପଣଙ୍କ କେଶ ଝଡିବା କମ୍ କରିବାରେ ବେଶ ସହାୟକ ହେବ ।
ଏମିତି କିଛି ଭିଟାମିନ୍ ଯାହା ଆପଣଙ୍କ କେଶ ଝଡିବା କମ୍ କରିବା ସହ ଆପଣଙ୍କ କେଶକୁ ଲମ୍ବା ଏବଂ ମଜବୁତ୍ କରିବାରେ ସାହାର୍ଯ୍ଯ କରିବ
ପ୍ରୋଟିନ୍
ପ୍ରୋଟିନ୍ ଯୁକ୍ତ ଖାଦ୍ୟ ଖାଇବା ଦ୍ୱାରା କେଶ ମୂଳ ଅଧିକ ମଜବୁତ୍ ରହିଥାଏ। ମାଂସ ଓ ଅଣ୍ଡାରେ ବହୁ ପରିମାଣରେ ପ୍ରୋଟିନ୍ ରହିଛି। ଅଣ୍ଡାରେ ୧୧ରୁ ୧୪ ପ୍ରତିଶତ ପ୍ରୋଟିନ୍ ରହିଥିବା ବେଳେ ମାତ୍ର ୧୦୦ ଗ୍ରାମ୍ ମାଂସରେ ୨୦ରୁ ୨୨ ଗ୍ରାମ୍ ପ୍ରୋଟିନ୍ ରହିଛି। ତେଣୁ ଆମିଷ ଖାଦ୍ଯ କେଶ ପାଇଁ ଭଲ ହୋଇଥାଏ ।
ଡାଲି
ଡାଲିରେ ଭିଟାମିନ୍ ବି’ ଏବଂ ଆଣ୍ଟିଅକ୍ସିଡାଣ୍ଟ୍ର ମାତ୍ରା ଅଧିକ ରହିଥାଏ । ସେହିପରି ଡାଲିରେ ଥିବା ଡାଇଟାରୀ ଫାଇବର୍ ଶରୀର ପାଇଁ ବେଶ୍ ଉପକାରୀ ସାବ୍ଯସ୍ତ ହୋଥାଏ । ଏଥିରେ ଥିବା ଭିଟାମିନ୍ କେଶକୁ ମଜବୁତ ରଖିବାରେ ସହାୟକ ହୋଇଥାଏ।
ଭିଟାମିନ୍ ବି-କମ୍ପ୍ଲେକ୍ସ
ଏହା ଶରୀର ପାଇଁ ବେଶ୍ ଉପଯୋଗୀ। ଭିଟାମିନ୍ ବି-କମ୍ପ୍ଲେକ୍ସ ମସ୍ତିଷ୍କକୁ କ୍ରିୟାଶୀଳ କରେ । ସେହିପରି ସୋୟା, ଆଳୁ, ଗାଜର,ମୂଳା ଓ ବିଟ୍ରେ ଭିଟାମିନ୍ ବି-କମ୍ପ୍ଲେକ୍ସ ପ୍ରଚୁର ଥାଏ। ଯହାକୁ ଖାଇବା ଦ୍ବାରା ଆପଣ ଏହି କେଶ ଝଡିବା ସମସ୍ଯାରୁ ମୁକ୍ତି ପାଇପାରିବେ ।
ଦୁଗ୍ଧଜାତୀୟ ଖାଦ୍ୟ
କ୍ଷୀର, ପନିର ଏବଂ ଅନ୍ଯ ସବୁ ଦୁଗ୍ଧ ଜାତୀୟ ଖାଦ୍ଯରେ ପ୍ରୋଟିନ୍, କ୍ୟାଲ୍ସିୟମ୍ ଏବଂ ରାଇବୋଫ୍ଲୋବିନ ରହିଥାଏ । ଏହା ଛଡ଼ା ଦୁଗ୍ଧଜାତୀୟ ଖାଦ୍ୟରେ ଭିଟାମିନ୍ ଏ’, ଡି’, କେ’ ଏବଂ ଈ’ ସହିତ ଫସ୍ଫରସ୍, ମ୍ୟାଗ୍ନେସିୟମ୍ ଓ ଆୟୋଡିନ ପରି କିଛି ଦ୍ରବ୍ୟ ରହିଥାଏ, ଯାହା ଆପଣ ନିୟମିତ ଖାଇଲେ କେଶ ଝଡ଼ିବା ସମସ୍ୟାରୁ ମୁକ୍ତି ପାଇପାରିବେ ।
ରାଶି ତେଲ
ଯଦି ଆପଣଙ୍କର ଅତ୍ୟଧିକ କେଶ ଝଡୁଛି ତେବେ ସବୁଠାରୁ ଭଲ ଏବଂ ଉପକାରୀ ହେଉଛି ରାଶି ତେଲ । ତେବେ ରାଶି ତେଲକୁ କେଶର ମୂଳରେ ଲଗାଇ ମାଲିସ୍ କଲେ ଆପଣଙ୍କ କେଶ ମଜବୁତ ରହିବ।