ବାରମ୍ବାର ଭାଙ୍ଗିଯାଉଛି କି ଆପଣଙ୍କ ନିଦ, ତେବେ ଶୋଇବା ବେଡ୍ ପାଖରୁ ଦୂରେଇ ରଖନ୍ତୁ ଏହି ଜିନିଷ
କେତେକ ସମୟରେ ନିଦରେ ଶୋଇଥିବା ସମୟରେ ହଠାତ୍ ନିଦ ଭାଙ୍ଗିଯାଇଥାଏ କିମ୍ବା ସଙ୍ଗେ ସଙ୍ଗେ ଶୋଇଥିଲେ ମଧ୍ୟ ହଠାତ୍ ଚମକି ପଡିଥାନ୍ତି । ଏହାର କାରଣ କଣ ଥାଇପାରେ? ଆପଣମାନେ ଏହି ସବୁ କଥାକୁ ଗୁରୁତ୍ବ ଦେଇନଥାନ୍ତି । ହେଲେ ଏହା ପଛରେ ରହିଛି ଅନେକ କାରଣ । ଶାସ୍ତ୍ରବିତ୍ଙ୍କ କହିବା ଅନୁଯାୟୀ ଏସବୁ ସମସ୍ୟା ବାସ୍ତୁ ଦୋଷ ଲାଗି ହୋଇଥାଏ। ତେଣୁ ଶୋଇବା ଘରର ବାସ୍ତୁ ଦୋଷ ଦୂର କରିବା ଆବଶ୍ୟକ । ଶୋଇବା ପୂର୍ବରୁ କିଛି ବସ୍ତୁକୁ ନିଜଠୁ ଦୂରେଇ ରହିବା ଉଚିତ୍ ।
ତେବେ ଆସନ୍ତୁ ଜାଣିବା ସେ ସବୁ ବାସ୍ତୁ ଜିନିଷ କଣ ଯାହାକୁ ଶୋଇବା ସମୟରେ ନିଜଠାରୁ ଦୂରରେ ରଖିବା :
- ଖଟ ପାଖରେ ପାଣି ପାତ୍ର ରଖନ୍ତୁ ନାହିଁ। ଏହାଦ୍ୱାରା ଚନ୍ଦ୍ରମା ଜନିତ ଦୋଷ ଲାଗିଥାଏ ଓ ସ୍ନାୟୁଦୋଷ ଉତ୍ପତ୍ତି ହୋଇଥାଏ।
- ଶୋଇବା ବେଳେ ଭୁଲ୍ରେ ବି ନିଜ ପର୍ସ କିମ୍ବା ଔଷଧକୁ ତକିଆ ପାଖରେ ରଖି ଶୁଅନ୍ତୁ ନାହିଁ।
- ଶୋଇବା ପୂର୍ବରୁ ଖଟ ପାଖରେ ଚପଲ ରଖିବା ଅନୁଚିତ୍। ଏହାଦ୍ୱାରା ନକରାତ୍ମକ ଶକ୍ତି ବୃଦ୍ଧି ହୋଇଥାଏ।
- ଶୋଇବା ସମୟରେ ମୋବାଇଲ୍, ଲାପ୍ଟପ୍ ଆଦି ଖଟ ଉପରେ ରଖନ୍ତୁ ନାହିଁ।
- ଶୋଇବା ସମୟରେ ପାଖରେ କୌଣସି ଚାବି ରଖନ୍ତୁ ନାହିଁ।
- ଶୋଇବା ସମୟରେ ପାଖରେ ଆଇନା ରଖନ୍ତୁ ନାହିଁ। ଏହାଦ୍ୱାରା ରୋଗ ବଢିଥାଏ ଏବଂ ଦାମ୍ପତ୍ୟ କଳହ ସୃଷ୍ଟି ହୁଏ।
- ଏହା ସହ ତେଲ ବୋତଲ ପାଖରେ ରଖି ଶୋବା ଅନୁଚିତ୍ । କାରଣ ଏହା ଦ୍ବାରା ବିଭିନ୍ନ ପ୍ରକାରର କଷ୍ଟ ଭୋଗିବାକୁ ପଡିପାରେ।
