ଆଜି ଛେନାପୋଡ ଦିବସ, ଜାଣନ୍ତୁ ସହଜରେ ଓ ସୁବିଧାରେ ଘରେ କେମିତି କରିବେ ପ୍ରସ୍ତୁତ
ଓଡ଼ିଆ ଘରର ମିଠା ତାଲିକାରେ ଛେନା ପୋଡର ଏକ ସ୍ୱତନ୍ତ୍ର ଭୂମିକା ରହିଛି । ମିଠା ନାଁ ଶୁଣିଲେ ଆଗ ଯେମିତି ତାରି କଥା ମନେ ପଡେ | ମୁହଁରୁ ଲାଳ ବାହାରି ଆସେ । ସେଇଥିପାଇଁ ବୋଧ ହୁଏ “ଛେନା ପୋଡ”କୁ ମିଠା ମାନଙ୍କର ରାଜା ଭାବରେ ଧରାଯାଏ । ତେବେ ଆସନ୍ତୁ ଜାଣିବା “ଛେନା ପୋଡ଼” ପ୍ରସ୍ତୁତି ପାଇଁ ଆବଶ୍ୟକ ହେଉଥିବା ସାମଗ୍ରୀ ବିଷୟରେ । ଆଉ ତା ପରେ ଜାଣିବା ଏହାର ପ୍ରସ୍ତୁତି ପ୍ରଣାଳୀ ବିଷୟରେ ।
ଆବଶ୍ୟକ ହେଉଥିବା ସାମଗ୍ରୀ:
ଛେନା- ୨୫୦ ଗ୍ରାମ
୪ ଚାମଚ ଚିନି (ଗୁଣ୍ଡ ହୋଇଥିବା)
ଗୋଟେ ରୁ ଦେଢ଼ ଚାମଚ ଘିଅ
୪ ଚାମଚ କ୍ଷୀର
୨ ଛୋଟ ଚାମଚ ସୁଜି
ଅଧା ଚାମଚ ଗୁଜୁରାତି ଗୁଣ୍ଡ
କାଜୁ, କିଛି କିସମିସ
ପ୍ରସ୍ତୁତି ପ୍ରଣାଳୀ:
୧. ପ୍ରଥମେ ଫ୍ରେସ କଟା ଯାଇଥିବା ଛେନାକୁ ନେଇ ହାତରେ ଚକଟି ଦିଅନ୍ତୁ ।
୨. ଏବେ ସେଥିରେ ଚିନି ଗୁଣ୍ଡ ଓ ଗୁଜୁରାତି ଗୁଣ୍ଡ ମିଶାନ୍ତୁ ଆଉ ଭଲ ଭାବରେ ଚକଟି ଦିଅନ୍ତୁ ।
୩. ଏବେ ସେଥିରେ ସୁଜି, ଘିଅ, କ୍ଷୀର ଦେଇ ଭଲ ଭାବରେ ମିଶାଇ ଦିଅନ୍ତୁ ।
୪. ଏବେ ଆଉ ଏକ ପ୍ୟାନରେ ଭଙ୍ଗା କାଜୁ, କିସମିସ ଆଦିକୁ ହାଲୁକା ଭାବରେ ଭାଜି ଦିଅନ୍ତୁ ।
୫. ଏବେ ସେଗୁଡିକୁ ଛେନା ମିଶ୍ରଣରେ ମିଶାନ୍ତୁ ।
୬. ଏବେ ଟିନରେ ଗୋଟେ ଚାମଚ ଘିଅ ଦେଇ ଘଷି ଦିଅନ୍ତୁ ।
୭. ଏବେ ସେଥିରେ ଚିନି ମିଶାନ୍ତୁ ଏବେ ବେକିଙ୍ଗ ଟ୍ରେକୁ ଗ୍ୟାସ ଉପରେ ରଖନ୍ତୁ ।
୮. ଯେ ପର୍ଯ୍ୟନ୍ତ ଚିନି ତରଳି ନଯାଏ ।
୯. ଏବେ ଗ୍ୟାସ ବନ୍ଦ କରି ଛେନା ମିକ୍ସକୁ ତରଳି ଥିବା ଚିନି ଉପରେ ଢାଳି ଦିଅନ୍ତୁ ।
୧୦ . ଏବେ ପାତ୍ର ଟିକୁ ଟିକେ ହଲାଇ ଛେନା ମିଶ୍ରଣକୁ ୧୮୦ ସେଣ୍ଟୀଗ୍ରେଡ଼ ତାପମାତ୍ରାରେ ୪୦ ରୁ ୪୫ ମିନିଟ ଯାଏଁ ବେକ କରନ୍ତୁ | ଯଦି କୌଣସି ସ୍ଥାନରେ ଟୁଥ ପିକ ପଶେଇ ଚେକ କରିପାରିବେ ।
୧୧. ପ୍ରସ୍ତୁତ ହୋଇଥିବା ଛେନା ପୋଡ଼କୁ କାଢି ପ୍ରାୟ ୨ ଘଣ୍ଟା ଯାଏଁ ଥଣ୍ଡା କରି ନିଅନ୍ତୁ ।
୧୨. ସର୍ଭିଙ୍ଗ ଟ୍ରେକୁ କାଢି ଦିଅନ୍ତୁ | କାଟି କାଟିକି ଅନ୍ୟ ମାନଙ୍କୁ ପରଶନ୍ତୁ ।
