ସମସ୍ତେ ଲମ୍ବା ବୟସ ବଞ୍ଚିବାକୁ ଚାହାଁନ୍ତି। କିନ୍ତୁ ବୟସ ବଢ଼ିବା ସାଙ୍ଗକୁ ଶରୀରରେ ଦେଖାଦେଉଥିବା ବିଭିନ୍ନ ପ୍ରକାର ରୋଗ ଆମ ଆୟୂଷକୁ କମ୍ କରିଦେଇଥାଏ। ବୟସ ବଢ଼ିଲେ ଶରୀରରେ ଅନେକ ପରିବର୍ତ୍ତନ ଆସିଥାଏ। କିନ୍ତୁ କ’ଣ ଆପଣ ଜାଣିଛନ୍ତି କି? ପ୍ରକୃତି ଦ୍ୱାରା ପ୍ରଦତ୍ତ କିଛି ଆହାର ବୟସ ବୃଦ୍ଧିର ଲକ୍ଷଣ ଅର୍ଥାତ୍ ଆଣ୍ଟି ଏଜିଙ୍ଗ୍ ପ୍ରକ୍ରିୟାକୁ ଧିମା କରିଦେଇପାରେ। ଆସନ୍ତୁ ଜାଣିବା, ସ୍ୱାସ୍ଥ୍ୟ ଏବଂ ସୌନ୍ଦର୍ଯ୍ୟ ଉଭୟ ପାଇଁ କେତେ ମହତ୍ତ୍ୱପୂର୍ଣ୍ଣ ଆଣ୍ଟି ଏଜିଙ୍ଗ୍ ଫୁଡସ୍।
ବ୍ରୋକୋଲି
ଏଥିରେ ଭିଟା କେରୋଟିନ୍ ଏବଂ ଆଇସୋଥିଓସାୟନେଟ୍ ନାମକ ପୋଷକ ତତ୍ତ୍ୱ ମିଳିଥାଏ। ଏହି କାରଣରୁ ବ୍ରୋକୋଲି କ୍ୟାନସର ନିରାକରଣ ସହ ଆଣ୍ଟି ଏଜିଙ୍ଗ୍ ପ୍ରିକ୍ରିୟାରେ ମଧ୍ୟ ସହାୟକ ହୋଇଥାଏ।
ଲେମ୍ବୁ-କମଳା
ଭିଟାମିନ୍ ସି ଯୁକ୍ତ ଫଳ ଶରୀରରେ ରୋଗ ପ୍ରତିରୋଧକ କ୍ଷମତାକୁ ବଢ଼ାଇଥାଏ। ଆଲର୍ଜିକୁ କମ୍ କରିବା, ତ୍ୱଚାରେ ଚମକ ପାଇଁ ସଂତରା, ମୌସମୀ, ଲେମ୍ବୁ ଆଦି ଭିଟାମିନ୍ ସିର ଉତ୍ତମ ମାଧ୍ୟମ ଅଟେ। ଆଣ୍ଟିଅକ୍ସିଡେଣ୍ଟସ୍ର ଉପସ୍ଥିତି ଯୋଗୁ କ୍ୟାନସର ଉତ୍ପନ୍ନ କରୁଥିବା ତତ୍ତ୍ୱ ସହ ଲଢ଼ିବାର କ୍ଷମତା ପ୍ରଦାନ କରିଥାଏ।
ଡାଳିମ୍ବ
ଏନିମିଆ ଅର୍ଥାତ୍ ଶରୀରରେ ରକ୍ତର ପରିମାଣ କମ୍ ହେଲେ ହେମୋଗ୍ଲୋବିନ୍ର ସ୍ତର ବଢ଼ାଇବାରେ ଡାଳିମ୍ବ ସହାୟକ ହୋଇଥାଏ। ଡାଳିମ୍ବ ଖାଇଲେ ତ୍ୱଚା ସୁସ୍ଥ ରହିଥାଏ। ଏଥିରୁ ମିଳୁଥିବା ସୂକ୍ଷ୍ମ ପୋଷକ ତତ୍ତ୍ୱ ଶରୀରର ଆଭ୍ୟନ୍ତରୀଣ ଅଙ୍ଗକୁ ସଶକ୍ତ କରିଥାଏ।
ଗଜା
ବୟସ ବଢ଼ିବାର ପ୍ରକ୍ରିୟାକୁ କମ୍ କରିବା ପାଇଁ ଗଜା ଏକ ଭଲ ବିକଳ୍ପ ଅଟେ। ଗଜା ସେବନ ଦ୍ୱାରା ରୋଗ ପ୍ରତିରୋଧକ କ୍ଷମତା ବୃଦ୍ଧି ହୋଇଥାଏ ଏବଂ ଅନେକ ରୋଗରୁ ରକ୍ଷା ମିଳିଥାଏ।
ଏହାସହ ପଢ଼ନ୍ତୁ: ପୁରି, ପରଟା ସହିତ ପରଷନ୍ତୁ ଗରମ ଗରମ ବାଇଗଣ, କିନ୍ତୁ କିଛି ଏଭଳି ଷ୍ଟାଇଲ୍ରେ
ରସୁଣ
ରସୁଣ ଖାଇବାରେ ରୋଗ ପ୍ରତିରୋଧକ ଶକ୍ତି ବଢ଼ିଥାଏ। ଏହା ଉଚ୍ଚ ରକ୍ତଚାପକୁ ନିୟନ୍ତ୍ରଣ କରିବାରେ ସହାୟକ ହୋଇଥାଏ। ଏହା ଆଣ୍ଟି ଏଜିଙ୍ଗ୍ ପ୍ରକ୍ରିୟାରେ ମଧ୍ୟ ବେଶ୍ ଲାଭଦାୟକ ହୋଇଥାଏ। ଏଥିରେ ୬.୩ ପ୍ରତିଶତ ପ୍ରୋଟିନ୍ ଏବଂ ୧ ପ୍ରତିଶତ ଖଣିଜ ପଦାର୍ଥ ରହିଛି।