ଆବଶ୍ୟକୀୟ ସାମଗ୍ରୀ
- ଭେଣ୍ଡି
- ନଡ଼ିଆ
- ଜିରା
- ହଳଦୀ ଗୁଣ୍ଡ
- ଲଙ୍କାଗୁଣ୍ଡ
- ଧନିଆପତ୍ର
- ଅଦା
- ରସୁଣ
- ପିଆଜ
- ଟମାଟୋ
- ତେଲ
- ଲୁଣ
ପ୍ରସ୍ତୁତି ପ୍ରଣାଳୀ
ଭେଣ୍ଡି ନଡ଼ିଆ ମସଲା ପ୍ରସ୍ତୁତ କରିବା ପାଇଁ ସର୍ବପ୍ରଥମେ ଅଦା, ରସୁଣ, ପିଆଜ, ଟମାଟୋ ଓ ଅଳ୍ପ ନଡ଼ିଆକୁ ପେଷି ଦିଅନ୍ତୁ ।
ମନେରଖନ୍ତୁ ମସାଲାକୁ ଟିକେ ଦରଦର ଖଣ୍ଡ କରି ପେଷିବେ ।
ବର୍ତ୍ତମାନ ପ୍ୟାନରେ ଅଳ୍ପ ତେଲ ଗରମ କରି ସେଥିରେ ଏହି ମସଲା ପକାଇ କଷନ୍ତୁ ।
ଏହି ମସାଲାକୁ କଷିବା ସମୟରେ ସେଥିରେ ହଳଦୀଗୁଣ୍ଡ, ଲଙ୍କାଗୁଣ୍ଡ ଓ ଲୁଣ ପକାଇ ଦିଅନ୍ତୁ ।
ମସଲା ଭଲଭାବେ ଭାଜି ହୋଇଗଲା ପରେ ସେଥିରେ ଭେଣ୍ଡି ପକାଇ ଗୋଳାଇ ଢାଙ୍କି ଦିଅନ୍ତୁ ।
ଭେଣ୍ଡି ସିଝିଗଲା ପରେ ସେଥିରେ ଅଳ୍ପ ନଡିଆକୋରା ପକାଇ ଦିଅନ୍ତୁ ।
ଶେଷରେ ଏହାକୁ ଓହ୍ଲାଇ ଧନିଆପତ୍ରରେ ଗାର୍ନିସିଙ୍ଗ କରି ଗରମ ଗରମ ସର୍ଭ କରନ୍ତୁ ଭେଣ୍ଡି ନଡ଼ିଆ ମସଲା ।