ଗ୍ରହଣ ପରେ ପାଟିକୁ କରନ୍ତୁ ମିଠା, ଅତି ସହଜରେ ବନାଇ ଖାଆନ୍ତୁ ସ୍ୱାଦିଷ୍ଟ ପନିର ଖିରି
ଆମେ ସାଧାରଣତଃ ପନିରରେ ତରକାରୀ କିମ୍ବା ଚି଼ଲ୍ଲୀ ପନିର ପ୍ରସ୍ତୁତ କରି ଖାଇଥାଉ । ବିବାହ ଭୋଜି ଆଦିରେ କଡ଼ାଇ ପନିର, ପନିର ବଟର ମସଲା, ପାଳଙ୍ଗ ପନିର ଆଦି ପ୍ରସ୍ତୁତ ହୋଇଥାଏ । କିନ୍ତୁ କେବେ ଭାବିଛନ୍ତି ଏଥିରେ ଆପଣ ସ୍ୱାଦିଷ୍ଟ ଖିରି ପ୍ରସ୍ତୁତ କରି ଖାଇପାରିବେ । ତେବେ ଆସନ୍ତୁ ଏହି ସ୍ୱାଦିଷ୍ଟ ଖିରି ବାବଦରେ ଜାଣିବା ।
ଆବଶ୍ୟକୀୟ ସାମଗ୍ରୀ:
-୩ ଲିଟର କ୍ଷୀର
– ଅଧା କପ ଚିନି
-କିଛି ଗୁଜୁରାତି ଗୁଣ୍ଡ
– ୧୨ ଟା ବାଦାମ ଗୁଣ୍ଡ
– ଗୋଟେ ଚୁଟକୀ କେଶର
-୨ ଚାମଚ ଲେମ୍ବୁ ରସ
କେମିତି କରିବେ ପ୍ରସ୍ତୁତ:
ଗ୍ୟାସରେ ଏକ ପ୍ୟାନ ବସାଇ କ୍ଷୀର ଗରମ କରନ୍ତୁ । ଏହା ଅଧା ପରିମାଣକୁ ଆସିବା ପର୍ଯ୍ୟନ୍ତ ଫୁଟାନ୍ତୁ । ଆଉ ଏକ ପାତ୍ରରେ ବଳକା କ୍ଷୀର ଗରମ କରି ଛେନା ଛିଡାଇ ଦିଅନ୍ତୁ । ଏବେ ଏହି ଛେନାକୁ ଏକ ପତଳା କପଡାରେ ଚିପୁଡ଼ି ପାଣି ବାହାର କରି ଦିଅନ୍ତୁ । ପାଣି ଗଡ଼ିଗଲା ପରେ ପନିର ବସିଯିବ । ସେପଟେ କ୍ଷୀର ଫୁଟି ଫୁଟି ଅଧା ହୋଇଗଲା ପରେ ସେଥିରେ ଚିନି ଆଉ କେଶର ମିଶାଇ ଦିଅନ୍ତୁ । ଏବେ ଆଉ ଟିକେ ଫୁଟାନ୍ତୁ । ଏବେ ପୂର୍ବରୁ ପ୍ରସ୍ତୁତ ହୋଇଥିବା ପନିରକୁ ଫୁଟାଯାଇଥିବା କ୍ଷୀରରେ ପକାନ୍ତୁ । ଏବେ ଏଥିରେ ଗୁଜୁରାତି ଗୁଣ୍ଡ ପକାନ୍ତୁ ଆଉ ଚୁଲିରୁ ଓଲ୍ହାଇ ଦିଅନ୍ତୁ । ଏବେ ଏହି ଖିରିକୁ ଏକ ସର୍ଭିଙ୍ଗ ବାଉଲରେ ଓଜାଡି ଗୁଣ୍ଡ ନଟ୍ସ ଆଦି ଦେଇ ସଜେଇ ଦିଅନ୍ତୁ । ପ୍ରସ୍ତୁତ ହୋଇଗଲା ଟେଷ୍ଟି ପନିର ଖିରି ।
