ଆଜି ଚିକେନ ପାଇଁ ଆଉ ଘଣ୍ଟାଏ ନୁହେଁ ମାତ୍ର ଦଶ ମିନିଟରେ ବନାନ୍ତୁ ଟେଷ୍ଟି ଚିକେନ, ଜାଣନ୍ତୁ କେମିତି
ଆବଶ୍ୟକୀୟ ସାମଗ୍ରୀ
- ଚିକେନ
- ପିଆଜ
- ଟମାଟୋ
- କ୍ୟାପ୍ସିକମ
- କଞ୍ଚାଲଙ୍କା
- ଅଦା ରସୁଣ ପେଷ୍ଟ
- ଲୁଣ
- ହଳଦୀଗୁଣ୍ଡ
- ଲଙ୍କାଗୁଣ୍ଡ
- ଚିକେନ ମସଲା
- ଧନିଆ ପାଉଡର
- ଗରମ ମସଲା
- ଲେମ୍ବୁ
- ଧନିଆପତ୍ର
- ଦହି ଅଳ୍ପ
- ତେଲ/ଘିଅ
ପ୍ରସ୍ତୁତି ପ୍ରଣାଳୀ
ଏହି ସ୍ୱାଦିଷ୍ଟ ଚିକେନ ପ୍ରସ୍ତୁତ କରିବା ପାଇଁ ପ୍ରଥମେ ଏକ ପ୍ରେସର କୁକର ନିଅନ୍ତୁ ବର୍ତ୍ତମାନ ସେଥିରେ କିଛି ତେଲ କିମ୍ବା ଘିଅ ନିଅନ୍ତୁ । ତାପରେ ସେଥିରେ ହାଲକା ଦହି ଗୋଳା ହୋଇଥିବା ଚିକେନ ନିଅନ୍ତୁ । ବର୍ତ୍ତମାନ ସେଥିରେ ଲୁଣ, ଲଙ୍କାଗୁଣ୍ଡ, ହଳଦୀଗୁଣ୍ଡ, ଚିକେନ ମସଲା, ଧନିଆ ଓ ଗରମ ମସଲା ଆଦି ପକାଇ ଭଲଭାବେ ଗୋଳାଇ ଦିଅନ୍ତୁ । ତାପରେ ସେଥିରେ ଟମାଟୋ, କ୍ୟାପ୍ସିକମ ଓ ପିଆଜକୁ କାଟି ପକାନ୍ତୁ ।
ତାପରେ ସେଥିରେ ଅଦା ରସୁଣ ପେଷ୍ଟ ପକାଇ ଭଲଭାବେ ଗୋଳାଇ ଦିଅନ୍ତୁ । ଶେଷରେ ସେଥିରେ ଏକ ଲେମ୍ବୁ ଚିପୁଡ଼ି ତା ଉପରେ ଗୋଟା କଞ୍ଚାଲଙ୍କା ଓ ଧନିଆପତ୍ର ପକାଇ ଅଳ୍ପ ଅର୍ଥାତ ଅଧାକପରୁ ବି କମ ପାଣିଦେଇ (ପାଣି ନଦେଲେ ବି ଚଳିବ) ପ୍ରେସର କୁକର ବନ୍ଦ କରିଦିଅନ୍ତୁ । ବର୍ତ୍ତମାନ ଏହାକୁ ମିଡ଼ିଅମ ଫ୍ଲେମରେ 10 ମିନିଟ ପର୍ଯ୍ୟନ୍ତ ବସାନ୍ତୁ । 3 ରୁ 4 ଟା ସିଟି ଦେବାପରେ ଗ୍ୟାସ ବନ୍ଦ କରିଦିଅନ୍ତୁ । ବର୍ତ୍ତମାନ ଏହାକୁ ଖୋଲି ଗରମ ଗରମ ସର୍ଭ କରନ୍ତୁ ଟେଷ୍ଟି ଚିକେନ ।
