ଶରୀରର ଏହି ୩ ଅଙ୍ଗରେ ଯନ୍ତ୍ରଣା ହେଉଛି ଖରାପ କୋଲେଷ୍ଟ୍ରଲର ଲକ୍ଷଣ, ଶୀଘ୍ର ହୁଅ ସାବଧାନ
ଯେତେବେଳେ ରକ୍ତରେ କୋଲେଷ୍ଟ୍ରଲ୍ର ସ୍ତର ବଢ଼େ ଧମନୀରେ ଅବରୋଧ ଆରମ୍ଭ ହୁଏ, ଯେଉଁ କାରଣରୁ ହୃଦୟରେ ପହଞ୍ଚିବା ପାଇଁ ରକ୍ତକୁ ବହୁ ପରିଶ୍ରମ କରିବାକୁ ପଡ଼େ, ଏପରି ପରିସ୍ଥିତିରେ ହୃଦଘାତର ଆଶଙ୍କା ବଢ଼ିଯାଏ।
ଶରୀରରେ କୋଲେଷ୍ଟ୍ରଲ ସ୍ତର ବଢ଼ିବା ବିପଦର ସଂକେତ ହୋଇଥାଏ । ହେଲଦି ସେଲସ୍ ବନାଇବା ପାଇଁ କୋଲେଷ୍ଟ୍ରଲର କିଛି ମାତ୍ରାର ଆବଶ୍ୟକ ପଡିଥାଏ । କିନ୍ତୁ ଯଦି ଏହାର ସ୍ତର ନିୟନ୍ତ୍ରଣରୁ ବାହାରେ ହୋଇଯାଏ, ତାହେଲେ ସତର୍କ ହୋଇଯିବା ବହୁତ ଜରୁରୀ । ହାଇ କୋଲେଷ୍ଟ୍ରଲ ସର୍ବଦା ଆମ ସ୍ୱାସ୍ଥ୍ୟର ଶତ୍ରୁ ଭାବରେ ବିବେଚନା କରାଯାଏ କାରଣ ଏହା ଅନେକ ରୋଗର ମୂଳ ସାଜିଥାଏ। ଏହା ଉଚ୍ଚ ରକ୍ତଚାପ, ମଧୁମେହ, ହୃଦଘାତ, କରୋନାରୀ ଧମନୀ ରୋଗ ଏବଂ ଟ୍ରିପଲ୍ ଭେସଲ ରୋଗର ବିପଦ ସୃଷ୍ଟି କରିଥାଏ, ଅତି ଖରାପ ଅବସ୍ଥାରେ ମଣିଷର ମୃତ୍ୟୁ ମଧ୍ୟ ହୋଇପାରେ।
ପ୍ରତ୍ୟେକ କୋଲେଷ୍ଟ୍ରଲ ଖରାପ ନୁହେଁ, ଭଲ କୋଲେଷ୍ଟ୍ରଲ ସାହାଯ୍ୟରେ ଆପଣଙ୍କ ଶରୀରରେ ସୁସ୍ଥ କୋଷ ଗଠନ ହୁଏ, ଯେତେବେଳେ ଖରାପ କୋଲେଷ୍ଟ୍ରଲ ପରିମାଣ ବଢ଼େ ତେବେ ସତର୍କ ରହିବା ଜରୁରୀ। ଏହି ଅବସ୍ଥାର ଲକ୍ଷଣ ସାଧାରଣତଃ ଦୃଶ୍ୟମାନ ହୁଏ ନାହିଁ, ଏହା ଲିପିଡ ପ୍ରୋଫାଇଲ୍ ପରୀକ୍ଷା ମାଧ୍ୟମରେ ଚିହ୍ନଟ ହୁଏ। ଯଦିଓ, ଶରୀରର କିଛି ଅଙ୍ଗରେ ଯନ୍ତ୍ରଣା ହୁଏ, ତେବେ ନିଶ୍ଚିତ ଭାବରେ ରକ୍ତ ପରୀକ୍ଷା କରିବା ଉଚିତ୍।
କେତେ ଖରାପ କୋଲେଷ୍ଟ୍ରଲ ବୃଦ୍ଧି
ଯେତେବେଳେ ରକ୍ତରେ କୋଲେଷ୍ଟ୍ରଲ୍ର ସ୍ତର ବଢ଼େ ଧମନୀରେ ଅବରୋଧ ଆରମ୍ଭ ହୁଏ, ଯେଉଁ କାରଣରୁ ହୃଦୟରେ ପହଞ୍ଚିବା ପାଇଁ ରକ୍ତକୁ ବହୁ ପରିଶ୍ରମ କରିବାକୁ ପଡ଼େ, ଏପରି ପରିସ୍ଥିତିରେ ହୃଦଘାତର ଆଶଙ୍କା ବଢ଼ିଯାଏ। ତେଣୁ, ଏହା ବୃଦ୍ଧି ହେବା ପୂର୍ବରୁ ଏହାକୁ ବନ୍ଦ କରିବା ଉଚିତ୍।
ଏହି ୩ଟି ଅଙ୍ଗରେ ଯନ୍ତ୍ରଣା ହେଉଛି ଖରାପ କୋଲେଷ୍ଟ୍ରଲର ଲକ୍ଷଣ
ଯେତେବେଳେ ରକ୍ତରେ ଖରାପ କୋଲେଷ୍ଟ୍ରଲ୍ର ସ୍ତର ବଢ଼େ, ସେତେବେଳେ ତୁମର ଜଙ୍ଘ, ପିଠି ଓ ମାଂସପେଶୀରେ ତୀବ୍ର ଯନ୍ତ୍ରଣା ହୁଏ, ଯାହା ଦ୍ବାରା କଷ୍ଟ ହୁଏ। ଧମନୀରେ ଅବରୋଧ ହେତୁ ରକ୍ତ କେବଳ ହୃଦୟକୁ ନୁହେଁ ବରଂ ଶରୀରର ଅନ୍ୟ ସ୍ଥାନକୁ ମଧ୍ୟ ଯିବାରେ ଅସୁବିଧା ହୋଇଥାଏ। ବିଶେଷକରି ଗୋଡରେ ରକ୍ତ ପ୍ରବାହ ସଠିକ୍ ଭାବରେ ହୁଏନାହିଁ, ଏହି କାରଣରୁ ଏହି ଅଙ୍ଗରେ ଅମ୍ଳଜାନର ଅଭାବ ରହିଥାଏ, ଯେଉଁ କାରଣରୁ ଯନ୍ତ୍ରଣା ହୁଏ। ଏହି ସମସ୍ୟାକୁ ପେରିଫେରାଲ୍ ଧମନୀ ରୋଗ କୁହାଯାଏ।
ଜଙ୍ଘ, ପିଠି ଓ ମାଂସପେଶୀରେ ପ୍ରବଳ ଯନ୍ତ୍ରଣା ହେତୁ ଆପଣଙ୍କୁ ଚାଲିବା, ସାଧାରଣ ଶାରୀରିକ କାର୍ଯ୍ୟକଳାପ ଏବଂ ପାହାଚ ଚଢ଼ିବାରେ ଅସୁବିଧା ହୋଇପାରେ, ତେଣୁ ଏହି ପରିସ୍ଥିତିରେ କୋଲେଷ୍ଟ୍ରଲ ସ୍ତର ଯାଞ୍ଚ କରିବା ପାଇଁ ଆପଣଙ୍କୁ ଲିପିଡ ପ୍ରୋଫାଇଲ୍ ପରୀକ୍ଷା କରିବା ଉଚିତ୍।
ଏପରି ଲକ୍ଷଣ ପାଦରେ ମଧ୍ୟ ଦେଖାଯାଏ
୧. ପାଦ ଏବଂ ପାଦ ତଳେ ଅତ୍ୟଧିକ ଯନ୍ତ୍ରଣା ହେବା
୨. ପାଦର ଅସ୍ଥିରତା
୩. ପାଦ ଥଣ୍ଡା ହୋଇଯିବା
୪. ପାଦ ହଳଦିଆ ହୋଇଯିବା
୫. ଆଙ୍ଗୁଠିରେ ଯନ୍ତ୍ରଣା ହେବା
୬. ଗୋଡରେ ଦୁର୍ବଳତା ଅନୁଭବ ହେବା
୭. ପାଦର ଚର୍ମର ରଙ୍ଗରେ ପରିବର୍ତ୍ତନ ହେବା
ହାଇକୋଲେଷ୍ଟ୍ରଲକୁ କେମିତି କମ୍ କରିବ?
ଅନେକ ଏମିତି କାରଣ ରହିଛି, ଯେଉଁ କାରଣରୁ ହାଇ କୋଲେଷ୍ଟ୍ରଲ ହୋଇପାରେ । ଖରାପ ଲାଇଫଷ୍ଟାଇଲ ଠାରୁ ନେଇ ଅନ୍ୟାନ୍ୟ ମେଡିକାଲ କଣ୍ଡିସନ୍ ପର୍ଯ୍ୟନ୍ତ ବହୁତ ଜିନିଷ ଅଛି, ଯାହା ଏହାର କାରଣ ବନିପାରେ । ଏଥିପାଇଁ ଲାଇଫଷ୍ଟାଇଲରେ ପରିବର୍ତ୍ତନ କରିବା ଜରୁରୀ ହୋଇଥାଏ ।
ସାଚୁରେଟେଡ କିମ୍ବା ଟ୍ରାନ୍ସ ଫ୍ୟାଟ୍ସ ବଦଳରେ ସବୁଜ ପନିପରିବା, ହେଲଦି ଏବଂ ହାଇଡ୍ରେଟ୍ କରିବା ଫଳ ଏବଂ ଫାଇବରରେ ଭରପୂର ଶସ୍ୟ ସେବନ କରନ୍ତୁ ।
ପ୍ରତିଦିନ ଏକ୍ସରସାଇଜ୍ କରନ୍ତୁ । ଅଧ ଘଣ୍ଟା ଚାଲିଥିଲେ ବି ବ୍ୟାୟାମ ନିଶ୍ଚୟ କରନ୍ତୁ ।
