ଘରେ ପ୍ରସ୍ତୁତ କରନ୍ତୁ ପାଲକ ରାଇସ ବା ପାଲକ ପଲାଉ
ଆଜିକାଲି ବହୁ ପିଲା ଶାଗ ଖାଇବାକୁ ପସନ୍ଦ କରନ୍ତି ନାହିଁ । ହେଲେ ଶାଗର ପୋଷକ ତତ୍ତ୍ୱ ପିଲାଙ୍କ ଦେହକୁ ଯିବା ପାଇଁ ସବୁଠୁ ସହଜ ଖାଦ୍ୟ ହେଉଛି ପାଲକ ରାଇସ ବା ପାଳକ ପଲାଉ । ଏହାଦ୍ୱାରା ପିଲାଙ୍କୁ ତାଙ୍କ ଅଜାଣତରେ ପାଳଙ୍ଗ ଶାଗ ଖୁଆଯାଇପାରିବ । ଆସନ୍ତୁ ଜାଣିବା କିପରି ସହଜରେ ପ୍ରସ୍ତୁତ କରିବେ ପାଲକ ରାଇସ ।
ଆବଶ୍ୟକୀୟ ସାମଗ୍ରୀ
– ୧ କପ୍ ବାସୁମତି ଚାଉଳ
– ୩ କପ୍ କଟା ପାଳଙ୍ଗ ଶାଗ
– ୨ ଟି କଟା ହୋଇଥିବା କଞ୍ଚା ଲଙ୍କା
– ୪/୫ ପାଖୁଡା କଟା ରସୁଣ
– ୧ ଇଞ୍ଚର କଟା ହୋଇଥିବା ଅଦା
– ୧ଟି ତେଜପତ୍ର
– ୩/୪ ଟି ଲବଙ୍ଗ
– ୧ ଖଣ୍ଡ ଡାଲଚିନ୍
– ୨ ଟି ଛୋଟ ଅଳେଇଚ
– ୧ ଖଣ୍ଡ ଅନିସ ଫୁଲ
– ୧ଚାମଚ ଜିରା
– ୧/୩ କପ୍ କଟା ପିଆଜ
ପ୍ରସ୍ତୁତି ବିଧି
୧. ପ୍ରଥମେ ବାସୁମତି ଚାଉଳକୁ ୨୦ ରୁ ୩୦ ମିନିଟ୍ ପାଣିରେ ଭିଜାଇ ଛାଣି ରଖନ୍ତୁ ।
୨. କଟା ହୋଇଥିବା ପାଳଙ୍ଗ ପତ୍ରକୁ ଜାର୍ରେ ଭରନ୍ତୁ । ସେଥିରେ କାଟି ରଖିଥିବା ରସୁଣ, ଅଦା ଓ କଞ୍ଚା ଲଙ୍କାକୁ ମିଶାଇ ଗ୍ରାଇଣ୍ଡ କରି ଅଲଗା କାଢ଼ି ରଖନ୍ତୁ ।
୩. ଏବେ ପ୍ରେସର କୁକରରେ ୨ ବଡ ଚାମଚ ତେଲ ପକାଇ ଗ୍ୟାସରେ ବସାନ୍ତୁ । ସେଥିରେ ତେଜପତ୍ର, ଜିରା, ଲମ୍ବଙ୍ଗ,ଡାଲଚିନ୍, ଅଳାଇଚ, ଅନିସ ଫୁଲ ଓ ଜିରା ପକାନ୍ତୁ । ଏହା ଟିକିଏ ଗରମ ହୋଇଗଲା ପରେ ଏଥିରେ କଟାହୋଇ ରହିଥିବା ପିଆଜ ପକାଇ ଅଳ୍ପ ଆଞ୍ଚରେ ଭାଜନ୍ତୁ ଯେପରି ପିଆଜ ବାଦାମୀ ରଙ୍ଗ ହୋଇଯାଏ ।
୪. ପୂର୍ବରୁ ଗ୍ରାଇଣ୍ଡ କରି ରଖିଥିବା ପାଳଙ୍ଗକୁ ଏଥିରେ ଢ଼ାଳନ୍ତୁ । ୪ ରୁ ୫ ମନିଟି ଯାଏ ଏହାକୁ ଆଞ୍ଚରେ ଗୋଳାନ୍ତୁ ।
୫. ଏବେ ପୂର୍ବରୁ ଭିଜା ହୋଇ ରହିଥିବା ଚାଉଳକୁ ଏଥିରେ ଢ଼ାଳନ୍ତୁ ଓ ଗୋଳାଇବା ପରେ ଦେଢ଼ କପ୍ ପାଣି ଦିଅନ୍ତୁ । ସ୍ୱାଦ ଅନୁସାରେ ଲୁଣ ଓ ଅଳ୍ପ ଲେମ୍ବୁ ରସ ପକାଇ ଗୋଳାଇବା ପରେ ପ୍ରେସର କୁକରକୁ ବନ୍ଦ କରନ୍ତୁ ।
୬. ଏବେ ଏହାକୁ ମଧ୍ୟମ ଆଞ୍ଚରେ ୮ ରୁ ୯ ମିନିଟ ଯାଏ କିମ୍ବା ୨ ରୁ ୩ ଟି ହ୍ଵିସଲ ହେବା ଯାଏ ଅପେକ୍ଷା କରନ୍ତୁ । ତା’ପରେ ଗ୍ୟାସ ବନ୍ଦ କରି ଦିଅନ୍ତୁ । ପ୍ରେସର କୁକରକୁ ଆପେ ଆପେ ଖୋଲିବାକୁ ଛାଡି ଦିଅନ୍ତୁ । ଏବେ ପ୍ରସ୍ତୁତ ହୋଇଗଲା ଆପଣଙ୍କ ପାଲକ ରାଇସ । ଏହାକୁ ରାଇତା କିମ୍ବା ଆଚାର ସହ ଖାଇ ପାରିବେ । ଶାଗ ଖାଉନଥିବା ପିଲାଙ୍କ ପାଇଁ ବେଶ ଉପଯୋଗୀ ।
