ଭାରତୀୟ ମସଲା ତାଲିକାରେ ପାନମଧୁରୀର ଏକ ସ୍ୱତନ୍ତ୍ର ସ୍ଥାନ ରହିଛି । ଖାଲି ସେତିକି ନୁହେଁ ତୁଟୁକା ଚିକିତ୍ସାରୁ ଆରମ୍ଭ କରି ମୁଖବାସ ପର୍ଯ୍ୟନ୍ତ ପ୍ରାୟ ସବୁଥିରେ ପାନମାଧୁରୀକୁ ବ୍ୟବହାର କରାଯାଏ । ପାଚନକ୍ରିୟାକୁ ବି ସୁସ୍ଥ ରଖେ । କିନ୍ତୁ ଆପଣ ହୁଏତ ଜାଣି ନଥିବେ ପାନମଧୁରୀ ମାଧ୍ୟମରେ ତ୍ୱଚାରେ ବି ଚମକ ଆଣିହେବ । ତେବେ ଆସନ୍ତୁ ଏବିଷୟରେ ଅଧିକ ଜାଣିବା । ପାନମଧୁରୀର ନିଜର ଏକ ପ୍ରାକୃତିକ ବାସ୍ନା ରହିଛି । ଯାହାକି ବ୍ୟକ୍ତିର ମାନସିକ ଅବସ୍ଥାକୁ ସୁସ୍ଥ ରଖେ । ଅବସାଦ ଦୂର ହେଲେ ଜଣଙ୍କର ବୟସର ପ୍ରଭାବ ତ୍ୱଚା ଉପରେ ସେତେଟା ପଡିବ ନାହିଁ ।
ଆବଶ୍ୟକ ସାମଗ୍ରୀ: 1. ଗୋଟେ ଚାମଚ ପାନମଧୁରୀ
2.ଗୋଟେ କଦଳୀ
3.ଗୋଟେ ଚାମଚ ମହୁ
4.ଗୋଲାପ ଜଳ
ପାନମଧୁରୀକୁ ଗୁଣ୍ଡ କରି ଏକ ପାଉଡର ପ୍ରସ୍ତୁତ କରନ୍ତୁ । ଏବେ ଏହି ପାଉଡରରେ ଏକ କଦଳୀକୁ ଭଲରେ ଚକଟି ମୁହଁରେ ଲଗାଇ ଦିଅନ୍ତୁ । ଏଥିରେ ଆପଣ ମହୁ, ଗୋଲାପ ଜଳ ବ୍ୟବହାର କରନ୍ତୁ । ଏହାକୁ ନିଜ ଚେହେରା, ବେକ ଆଦିରେ ଲଗାଇ ୨୦ ମିନିଟ ପାଇଁ ଛାଡି ଦିଅନ୍ତୁ । ଏହାକୁ ହାଲକା ଭାବରେ ମୁହଁରେ ମସାଜ କରି ସାଧା ପାଣିରେ ଧୋଇ ଦିଅନ୍ତୁ । ଏମିତି କରିବା ଦ୍ୱାରା ଡ଼େଡ଼ ସ୍କିନ ସଫା ହେବା ସହ ତ୍ୱଚାରେ ଚମକ ଆସିବ । ରୁମଛିଦ୍ର ସଫା ହୋଇଯିବ | ଯାହାଦ୍ୱାରା ଅପରିଷ୍କାର ଜିନିଷ ତ୍ୱଚାରେ ପଶି ପାରିବ ନାହିଁ ।
ଫେସପ୍ୟାକ ସଫା କରିବା ପରେ ଗୋଟେ ଗ୍ରୀନ ଟି ବ୍ୟାଗକୁ ବୁଡାଇ ଚେହେରା ତଥା ଆଖି ଉପରେ ରଖନ୍ତୁ । ଶାନ୍ତି ଲାଗିବା ସହ ଆଖି ତଳ କଳା ଦାଗ ମଧ୍ୟ ଦୂର ହେବ ।