ମହାଶିବରାତ୍ରି ସ୍ପେଶାଲ: ଆଜି ହିଁ ଘରେ ବନାନ୍ତୁ ସାଗୁଦାନା-ପନିର ବରା
ମହାଶିବରାତ୍ରି ଅବସରରେ ସମସ୍ତେ ପ୍ରାୟ ଉପବାସ ରଖିଥାନ୍ତି । ଏପରିସ୍ଥଳେ ଫଳାହାର ସମେତ ଗୋଟିଏ ପ୍ରକାର ଜିନିଷ ଖାଇବାକୁ ମଧ୍ୟ ଟିକିଏ ବୋର ଲାଗୁଥିବ । ସେଥିପାଇଁ ଆଜି ଆମେ ଆପଣଙ୍କ ପାଇଁ ନେଇ ଆସିଛୁ ସାଗୁ ଓ ପନିରରେ ପକୋଡା ବନାଇବାର ରେସିପି । ତାହେଲେ ଆସନ୍ତୁ ଜାଣିବା କିପରି ପ୍ରସ୍ତୁତ କରିବେ ସାଗୁଦାନା-ପନିର ବରା ।
ଆବଶ୍ୟକ ସାମଗ୍ରୀ
- ପନିର ୧୫୦ ଗ୍ରାମ
- ସାଗୁଦାନା ଅଧାକପ
- ଉପବାସ ବା କୁଟ୍ଟୁ ଅଟା ଏକ ଚାମଚ
- କାଜୁ ଏକ ଚାମଚ
- ୨ଟି ଶୁଖିଲା ଲଙ୍କା
- ୨/୩ଟି କଞ୍ଚାଲଙ୍କା
- ଧନିଆ ପତ୍ର
- ସୈନ୍ଧବ ଲୁଣ
- ତେଲ
ପ୍ରସ୍ତୁତି ପ୍ରଣାଳୀ
ସାଗୁଦାନା-ପନିର ବରା ବନାଇବା ପାଇଁ ସର୍ବପ୍ରଥମେ ସାଗୁକୁ ଏକ କପ ପାଣିରେ ଏକ ଘଣ୍ଟା ଭିଜାଇ ରଖିଦିଅନ୍ତୁ । ତା ପରେ ତାକୁ ଛାଣି ସେଥିରେ କଞ୍ଚାଲଙ୍କା ଓ ଧନିଆପତ୍ର କାଟି ପକାଇ ଦିଅନ୍ତୁ । ଏବେ ଶୁଖିଲା ଲଙ୍କା, କାଜୁ ଟୁକୁଡା ଓ ପନିରକୁ ଭଲଭାବେ ଚକଟି ଦିଅନ୍ତୁ । ତାପରେ ଏହାକୁ ସାଗୁରେ ମିଶାଇ ଦିଅନ୍ତୁ ଓ ଶେଷରେ ଏଥିରେ ଅଟା ଓ ଲୁଣ ପକାଇ ଭଲଭାବେ ଚକଟି ଗୋଲ କିମ୍ବା ମନ ପସନ୍ଦର ସେପରେ ପ୍ରସ୍ତୁତ କରନ୍ତୁ । ତାପରେ ଏହାକୁ ତେଲରେ ଛାଣି ଦିଅନ୍ତୁ । ପ୍ରସ୍ତୁତ ହୋଇଗଲା ଆପଣଙ୍କର ସାଗୁଦାନା-ପନିର ବରା । ଏହାକୁ ଆପଣ ଗ୍ରୀନ ଚଟଣି କିମ୍ବା ରାଇତା ସହିତ ଗରମ ଗରମ ସର୍ଭ କରିପାରିବେ ।
