ସମ୍ପର୍କକୁ ଦୀର୍ଘକାଳୀନ କରିବାକୁ କିଏ ବା ନଚାହେଁ । କିନ୍ତୁ ବେଳେବେଳେ କିଛି ଭୁଲ୍ ଏବଂ କିଛି ଅସାବଧାନତା ଯୋଗୁଁ ଦୀର୍ଘ ଦିନର ସମ୍ପର୍କ ଭାଙ୍ଗିଯାଇଥାଏ । ଏମିତି କ୍ଷେତ୍ରରେ ଆତ୍ମ ବିଶ୍ଳେଷଣ କରିବା ନିହାତି ଜରୁରୀ । କାହିଁକି ସଂପର୍କ ଭାଙ୍ଗିଲା , କଣ କରିଥିଲେ ସଂପର୍କଟି ଦୀଘର୍ ଦିନ ରହିପାରିଥାନ୍ତା । ଆଜି ଆମେ ଆପଣଙ୍କୁ ସେମିତି କିଛି କାରଣ ବିଷୟରେ ଜଣାଇବୁ ।
ସଚ୍ଚୋଟତା
କର୍ତ୍ତବ୍ୟ, ମର୍ୟ୍ୟଦା ଏବଂ ସତ୍ୟକୁ ପୂର୍ଣ୍ଣ ନିଷ୍ଠାର ସହ ପାଳନ କରିବା ହେଉଛି ସଚ୍ଚୋଟତା । ସଚ୍ଚୋଟତା ହିଁ ହେଉଛି ସର୍ବଶ୍ରେଷ୍ଠ ନୀତି । ତେଣୁ କୌଣସି ସଂପର୍କକୁ ଦୀର୍ଘକାଳ ପର୍ୟ୍ୟନ୍ତ କାଏମ ରଖିବା ପାଇଁ ହେଲେ ଆବଶ୍ୟକ ନିଜ ସାଥୀ ପ୍ରତି ସଚ୍ଚୋଟ ରହିବା । ସଚ୍ଚୋଟ ରହିବା ଦ୍ବାରା ଚିରଦିନ ଲୋକଙ୍କ ବିଶ୍ବାସ ଆମ ପ୍ରତି ରହିବାରେ ସାହାଯ୍ୟ କରିଥାଏ । ହେଲେ ଗୋଟିଏ ମିଛ ସମ୍ପର୍କକୁ ନଷ୍ଟ କରିଦେଇଥାଏ ।
ଏହା ସହ ପଢନ୍ତୁ: କାହିଁକି ପୁରୁଷଙ୍କୁ ପସନ୍ଦ ଅଧିକ ବୟସର ମହିଳା ?
ସ୍ପଷ୍ଟବାଦିତା
କୌଣସି ବି ସମ୍ପର୍କ ରଖୁଛନ୍ତି ତ ମନରୁ ରଖନ୍ତୁ ନା କି ବୋଝ ଭାବି ରଖନ୍ତୁ । ସାଥୀର କୌଣସି କଥା କିମ୍ବା ଗୁଣ ପସନ୍ଦ ଆସୁନାହିଁ ତ ଏନେଇ ସ୍ପଷ୍ଟଭାବରେ କଥା ହୋଇ ସମାଧାନ କରନ୍ତୁ । ତେବେ ସ୍ପଷ୍ଟ କଥାରେ କାହାକୁ କିଛି କ୍ଷଣ ପାଇଁ ଖରାପ ଲାଗିପାରେ । କିନ୍ତୁ ସମସ୍ୟା ସବୁଦିନ ପାଇଁ ସମାଧାନ ହୋଇଯାଏ । ମନରେ କଥା ରଖି କଷ୍ଟ ପାଇବା ଠାରୁ ଭଲ କହିଦେବା ।
ସାଥୀକୁ ଅନ୍ୟ କାହା ସହ ତୁଳନା କରିବା
ସଂପର୍କ ତେଣିକି ପ୍ରେମିକ – ପ୍ରେମିକାଙ୍କର ହେଉ ବା ସ୍ବାମୀ – ସ୍ତ୍ରୀଙ୍କ ହେଉ, ସବୁ ମୂଳରେ ରହିଛି । ଯଦି ପରସ୍ପର ମଧ୍ୟରେ ବିଶ୍ବାସ ରହେ ନାହିଁ ସଂପର୍କ ଭାଙ୍ଗିବାର ସମ୍ଭାବନା ବଢିଯାଏ । ଆଉ ବିଶ୍ବାସ ସେତେବେଳେ ଭାଙ୍ଗିଥାଏ ଯେତେବେଳେ ଆପଣ ଆପଣଙ୍କ ସାଥୀର ତୁଳନା ଅନ୍ୟ କାହା ସହ କରିଥାନ୍ତି ।
ଅବମାନନା କରିବା :
ସଂପର୍କକୁ ମଜଭୂତ କରିବା ପାଇଁ ଅବଶ୍ୟକ ସାଥୀଙ୍କୁ ପ୍ରେମ ସହ ଖାତିର୍ କରିବା । କିନ୍ତୁ ସଂପର୍କ ପ୍ରତି ଅବିଶ୍ବାସ ବା ଅବମାନନା ଭାବ ଦେଖାଇବା ସଂପର୍କ ଭାଙ୍ଗିବାର ସଙ୍କେତ ହୋଇଥାଏ । ତେଣୁ ସର୍ବଦା ନିଜ ସଂପର୍କ ଏବଂ ସାଥୀଙ୍କୁ ସମ୍ମାନ ଦେଖାନ୍ତୁ ।
ନକରାତ୍ମକ କଥା କହିବା :
ସବୁବେଳେ ନକରାତ୍ମକ କଥା କହିଲେ ସଂପର୍କରେ ଫାଟ ସୃଷ୍ଟି ହୋଇଥାଏ । କାହା ବିଷୟରେ ଖରାପ କହିବା କିମ୍ବା ନକରାତ୍ମକ କଥା କହିବା ସାଥୀ ମନରେ ଆପଣଙ୍କର ନକରାତ୍ମକ ଛବି ବନାଇପାରେ ।
ଏହା ସହ ପଢନ୍ତୁ : ପ୍ରେଗ୍ନେନ୍ସି କିଟ୍ ନୁହେଁ ମାତ୍ର ୨ ମିନିଟ୍ ରେ ଟୁଥପେଷ୍ଟରୁ ଜାଣନ୍ତୁ ଆପଣ ଗର୍ଭବତୀ କି ନୁହେଁ
କଥା ଲୁଚାଇବା :
ପତି ପତ୍ନୀଙ୍କ ସଂପର୍କ ପ୍ରେମ, ବିଶ୍ବାସ ଏବଂ ସଚ୍ଚୋଟତା ଉପରେ ନିର୍ଭର କରିଥାଏ । ଏମିତି କେହି ନାହିଁ ଯାହାର ଅତୀତ ନାହିଁ । ଆଉ ସତ କହିବାର ସାହାସ କେବଳ ଅଳ୍ପ କିଛି ଲୋକଙ୍କ ମଧ୍ୟରେ ଥାଏ । କିନ୍ତୁ ଆପଣଙ୍କ ଅତୀତ ଆପଣଙ୍କ ମୁହଁରୁ ନଶୁଣି ବାହାର ଲୋକଙ୍କଠାରୁ ଶୁଣିଲେ ସଂପର୍କରେ ଆସିଥାଏ ଦୂରତା ।
ସର୍ବଦା ନିଜ ହିସାବରେ ଚାଲିବା :
କୌଣସି ବି ସଂପର୍କରେ ଉଭୟଙ୍କୁ ସମାନ ସମ୍ମାନ ଦେବା ଉଚିତ୍ । ପରସ୍ପର ମତ ଏବଂ ମନ୍ତବ୍ୟ ଜାଣିବାକୁ ଚେଷ୍ଟା କରିବା ଉଚିତ୍ । କିନ୍ତୁ ଅନେକ ସମୟରେ ଦେଖିବାକୁ ମିଳିଛି କୌଣସି ସଂପର୍କରେ ଜଣେ ଜିଦିଆ ହୋଇଥାନ୍ତି ଏବଂ ସବୁବେଳେ ନିକ କଥା ରଖିଥାନ୍ତି । ବୁଝାମଣା ଅଭାବରୁ ସଂପର୍କ ଭାଙ୍ଗିଯାଇଥାଏ । ତେଣୁ ନିଜ ସହ ସାଥୀଙ୍କ କଥା ଶୁଣିବାକୁ ଏବଂ ବୁଝିବାକୁ ଚେଷ୍ଟା କରନ୍ତୁ ।