ଗୋଟିଏ ଗିନା ଚାଉଳରେ ଆପଣ ଘରେ ବସି କରି ପାରିବେ ଆପଣଙ୍କ କେଶକୁ ସିଧା, ଜାଣି ନିଅନ୍ତୁ ଉପାୟ
ପ୍ରତ୍ୟେକ ଝିଅ ଓ ମହିଳା ଚାହାନ୍ତି ଯେ ସେମାନଙ୍କ କେଶ ଲମ୍ବା, କଳା, ମୋଟା ଏବଂ ରେଶମୀ ହେଉ | କିନ୍ତୁ ଅନେକ ମହିଳାଙ୍କର କୁଞ୍ଚୁକୁଞ୍ଚିଆ କେଶ ଥାଏ | ଏମିତି କେଶକୁ ସେମାନେ ସିଧା କରିବାକୁ ପସନ୍ଦ କରିଥାଆନ୍ତି। ଏଥିପାଇଁ ମହିଳାମାନେ ପାର୍ଲରରେ ହଜାର ହଜାର ଟଙ୍କା ଖର୍ଚ୍ଚ କରି ଦିଅନ୍ତି, ଯାହାକି ପରବର୍ତ୍ତୀ ସମୟରେ ସେମାନଙ୍କ କେଶ ଉପରେ ଖରାପ ପ୍ରଭାବ ପକାଇଥାଏ। ଆଜି ଆମେ ଆପଣଙ୍କୁ କେଶକୁ ସିଧା କରିବାର ଏକ ପ୍ରାକୃତିକ ଉପାୟ କହିବାକୁ ଯାଉଛୁ। ଚାଉଳ ପ୍ୟାକ୍ ବ୍ୟବହାର କରି ଆପଣ ନିଜ କେଶକୁ ସିଧା କରିପାରିବେ।
ଚାଉଳ ପ୍ୟାକ୍ ପାଇଁ ଉପାଦାନ
ଚାଉଳ – ଆବଶ୍ୟକ ଅନୁଯାୟୀ
ନଡିଆ ତେଲ – ୩/୪ ଚାମଚ
ମୁଲତାନି ମାଟି- ୨ ଚାମଚ
ଗ୍ଲିସେରିନ୍- ଅଧା ଚାମଚ
ଏଲୋଭେରା ଜେଲ୍- ଅଧା ଚାମଚ
ଏହିପରି ପ୍ୟାକ୍ ପ୍ରସ୍ତୁତ କରନ୍ତୁ
-ଚାଉଳକୁ ରାତିସାରା ପାଣିରେ ଭିଜେଇ ରଖନ୍ତୁ। ସକାଳେ ଏହାକୁ ଭଲ ଭାବେ ଗ୍ରାଇଣ୍ଡ କରି ନିଅନ୍ତୁ।
-ଏହାକୁ ଫିଲ୍ଟର୍ କରନ୍ତୁ ଏବଂ ଏକ ପାତ୍ରରେ ପାଣି ବାହାର କରନ୍ତୁ |
-ଏକ ଲୁହା ପ୍ୟାନରେ ଚାଉଳ ପାଣି ରାନ୍ଧନ୍ତୁ| ଯେତେବେଳେ ପାଣି ମୋଟା ହୋଇଯିବ, ତା’ପରେ ଗ୍ୟାସ ବନ୍ଦ କରି ଦିଅନ୍ତୁ।
-ଚାଉଳ କ୍ରିମକୁ ଟିକେ ଥଣ୍ଡା କରନ୍ତୁ | ଏଥିରେ ନଡ଼ିଆ ତେଲ, ୨ ଚାମଚ ମୁଲତାନି ମାଟି, ଗ୍ଲିସେରିନ୍, ଏଲୋଭେରା ଜେଲ୍ ମିଶାନ୍ତୁ। ଯଦି ଆପଣ ଚାହିଁବେ, ତା’ହେଲେ ନଡ଼ିଆ ତେଲ ବଦଳରେ ଅଲିଭ୍ କିମ୍ବା ଅନ୍ୟ କୌଣସି ତେଲ ମଧ୍ୟ ନେଇପାରିବେ |
ଏହିପରି ବ୍ୟବହାର କରନ୍ତୁ
– କେଶକୁ ଭଲ ଭାବରେ କୁଣ୍ଡାଇ ଦିଅନ୍ତୁ।
-ଏହାପରେ ଚାଉଳ ପ୍ୟାକ୍କୁ ଧୀରେ ଧୀରେ ମେହେନ୍ଦୀ ପରି ଲଗାନ୍ତୁ |
-ଏବେ ହାତରେ କେଶକୁ ସିଧା କରନ୍ତୁ | ଏହି ସମୟରେ କେଶକୁ ମୋଡ଼ନ୍ତୁ ନାହିଁ |
– ଆପଣ କେଶକୁ କଭର୍ କରିବେ ନାହିଁ ବା ଢାଙ୍କିବେ ନାହିଁ।
-ପ୍ୟାକକୁ ୧ ଘଣ୍ଟା ପାଇଁ ଛାଡ଼ି ଦିଅନ୍ତୁ। ଏହାପରେ କେଶକୁ ହାଲୁକା ସାମ୍ପୋରେ ଧୋଇ ପ୍ରାକୃତିକ ଭାବରେ ଶୁଖାନ୍ତୁ |
-ଆପଣ ଏହି ପ୍ୟାକକୁ ସପ୍ତାହରେ ୨ରୁ ୩ ଥର ପ୍ରୟୋଗ କରି ପାରିବେ।
