ନିଜେ ରୋଜଗାର କରି ପୋଲିସକୁ ୫୦ ହଜାର ଟଙ୍କା ଦାନ କଲା ୩ ବର୍ଷର ଶିଶୁ, ସବୁଆଡ଼ୁ ଛୁଟୁଛି ପ୍ରଶଂସାର ସୁଅ
କରୋନା ସଙ୍କଟ ମଧ୍ୟରେ ସମସ୍ତେ ନିଜ ସାମର୍ଥ୍ୟ ଅନୁସାରେ ଲୋକଙ୍କ ସାହାଯ୍ୟ କରୁଛନ୍ତି। ସେଲିବ୍ରିଟିଙ୍କ ଠାରୁ ଆରମ୍ଭ କରି ସାଧାରଣ ଜନତାଙ୍କ ପର୍ଯ୍ୟନ୍ତ ସମସ୍ତେ ପରସ୍ପରକୁ ସାହାଯ୍ୟ କରୁଥିବା ଦେଖିବାକୁ ମିଳିଛି। ଏହି ତାଲିକାରେ ଏବେ ଏକ ୩ ବର୍ଷର ଶିଶୁର ନାଁ ଯୋଡ଼ି ହୋଇଛି। ମୁମ୍ବାଇରେ ରହୁଥିବା ଏକ ୩ ବର୍ଷୀୟ ଶିଶୁ ନିଜେ ରୋଜଗାର କରିଥିବା ଟଙ୍କା ମୁମ୍ବାଇ ପୋଲିସକୁ ଦାନ କରିଥିବା ଜଣାଯାଇଛି।
Look what’s baking!
This 3 year old little baker Kabeer, had a BIG surprise for @CPMumbaiPolice
He made a priceless contribution to the #mumbaipolicefoundation with his hard earned money!
Ever seen a bigger heart than that of our wonderful little #coronawarrior ? @kshvjn pic.twitter.com/h8H8Q3N7uU
— Mumbai Police (@MumbaiPolice) May 13, 2020
ରିପୋର୍ଟ ମୁତାବକ ମଙ୍ଗଳବାର ଦିନ ୩ ବର୍ଷୀୟ କବୀର ମୁମ୍ବାଇ ପୋଲିସ ମୁଖ୍ୟାଳୟରେ ପହଞ୍ଚି ୫୦ ହଜାର ଟଙ୍କାର ଚେକ୍ ଦାନ କରିଛନ୍ତି। କବୀର ଏହି ଅର୍ଥ କପ୍ କେକ୍ ବିକ୍ରି କରି ରୋଜଗାର କରିଛନ୍ତି। କବୀର ମଙ୍ଗଳବାର ଦିନ ବାପା ମାଙ୍କ ସହ ପୋଲିସ ମୁଖ୍ୟାଳୟରେ ପହଞ୍ଚି ଏହି ଅର୍ଥ ଦାନ କରିଛନ୍ତି। ଏନେଇ ମୁମ୍ବାଇ ପୋଲିସ ଟ୍ଵିଟ୍ କରି ସୂଚନା ଦେଇଛି। ମୁମ୍ବାଇ ପୋଲିସ ତରଫରୁ ଏକ ଭିଡ଼ିଓ ଜାରି କରାଯାଇ କବୀରଙ୍କୁ ଖୁବ୍ ପ୍ରଶଂସା କରାଯାଇଛି।
ମୁମ୍ବାଇ ପୋଲିସ ଦ୍ୱାରା ସେୟାର କରାଯାଇଥିବା ଏହି ଟ୍ଵିଟ୍କୁ ୧୦୦୦ରୁ ଊର୍ଦ୍ଧ୍ୱ ଲାଇକ୍ ମିଳିଥିବା ବେଳେ ବହୁତ ଲୋକ କମେଣ୍ଟ କରିଛନ୍ତି।
