ଉତ୍ତରାଖଣ୍ଡରେ ସର୍ଚ୍ଚ ଅପରେସନ୍ ସମୟରେ ମିଳିଲା ୪ ମାନବ କଙ୍କାଳ, ତନାଘନା ଜାରି
ରବିବାର ଦିନ ଉତ୍ତରାଖଣ୍ଡ ପୋଲିସ ଏବଂ ରାଜ୍ୟ ବିପର୍ଯ୍ୟୟ ମୁକାବିଲା ଫୋର୍ସ (SDRF) ଟିମ୍ ଦ୍ୱାରା କେଦାରନାଥ ଅଭିମୁଖେ ଯାଉଥିବା ବିଶ୍ୱାସଘାତକ ପର୍ବତ ମାର୍ଗରେ ମିଳିତ ସର୍ଚ୍ଚ ଅପରେସନ ଚାଲିଥିବା ବେଳେ ଚାରି ଜଣ ମାନବ କଙ୍କାଳ ମିଳିଛି। ସୂଚନା ମୁତାବକ ୨୦୧୩ କେଦାରନାଥ ଫ୍ଲାସ ବନ୍ୟା ପରେ ନିଖୋଜ ଲୋକଙ୍କ ମୃତଦେହକୁ ଖୋଜିବା ପାଇଁ ସୁରକ୍ଷା କର୍ମୀଙ୍କୁ ଦାୟିତ୍ୱ ଦିଆଯାଇଛି।
ରୁଦ୍ରପ୍ରାୟାଗ ଏସପି କାର୍ଯ୍ୟାଳୟ ଗଣମାଧ୍ୟମକୁ କହିଛନ୍ତି ଯେ “ତୀବ୍ର ଅନୁସନ୍ଧାନ କାର୍ଯ୍ୟ ସମୟରେ ଆମେ ଚାରି ଜଣ ପୁରୁଷଙ୍କ କଙ୍କାଳ ପାଇଛୁ। ୨୦୧୩ କେଦାରନାଥ ବିପର୍ଯ୍ୟୟ ସମୟରେ ମୃତ ବ୍ୟକ୍ତି ନିଖୋଜ ହୋଇଯାଇଥିଲେ। ଏହି ଶବଗୁଡ଼ିକୁ ଡିଏନ୍ଏ ପରୀକ୍ଷା ପାଇଁ ପଠା ଯିବା ସହ ମନ୍ଦାକିନୀ ଏବଂ ସୋନ ନଦୀରେ ଶବଦାହ କରାଯିବ । ଏହି ସର୍ଚ୍ଚ ଅପରେସନ ପାଇଁ ରାଜ୍ୟ ସରକାରଙ୍କ ଦ୍ୱାରା ଗୌରୀକୁଣ୍ଡ-କେଦାରନାଥ ସହିତ ବିଭିନ୍ନ ଟ୍ରାକ ମାର୍ଗରେ ସମୁଦାୟ ୧୦ଟି ଟିମ୍ କୁ ନିୟୋଜିତ କରାଯାଇଛି।
ସୂଚନାଯୋଗ୍ୟ ଯେ ଗତବର୍ଷ ମଧ୍ୟରେ ରାଜ୍ୟ ସରକାର ଏ ବାବଦରେ ଅନେକ ସର୍ଚ୍ଚ ଅପରେସନ କରିଥିଲେ, ଯେଉଁଥିରେ ୬୦୦ ରୁ ଅଧିକ କଙ୍କାଳ ମିଳିଥିଲା। ଚଳିତ ବର୍ଷ ଗତ ୧୬ ସେପ୍ଟେମ୍ବରରୁ ଆରମ୍ଭ ହୋଇଥିବା ସନ୍ଧାନ ଆସନ୍ତା ୨୨ସପ୍ଟେମ୍ବର ୨୦୨୦ରେ ସମାପ୍ତ ହେବ।
