ଇଣ୍ଡୋନେସିଆରେ ଭୟଙ୍କର ଭୂମିକମ୍ପ: ୪୪ ମୃତ, ୩୦୦ରୁ ଅଧିକ ଆହତ ହୋଇଥିବା ସୂଚନା
ଇଣ୍ଡୋନେସିଆରେ ଭୟଙ୍କର ଭୂମିକମ୍ପ। ସୋମବାର ଅପରାହ୍ନରେ ଜାଭା ଦ୍ୱୀପରେ ୫.୬ ତୀବ୍ରତାର ଭୂମିକମ୍ପ ହୋଇଛି। ଏଥିରେ ୪୪ ଜଣଙ୍କର ମୃତ୍ୟୁ ହୋଇଥିବା ବେଳେ ୩୦୦ରୁ ଅଧିକ ଆହତ ହୋଇଛନ୍ତି। କିଛି ସେକେଣ୍ଡ ପାଇଁ ଭୂମିକମ୍ପ ଅନୁଭୂତ ହୋଇଥିଲେ ଏଥିରେ ଲୋକଙ୍କ ଜୀବନ ଯାଇଛି। ମୃତ୍ୟୁ ସଂଖ୍ୟା ବଢ଼ିପାରେ ବୋଲି କୁହାଯାଉଛି। ରାଜଧାନୀ ଜକାର୍ତ୍ତାରୁ ଦକ୍ଷିଣପଶ୍ଚିମ ଦିଗରେ ୭୫ କିମି ଦୂରରେ ଭୂମିକମ୍ପ ଅନୁଭୂତ ହୋଇଛି। ୧୦ କିମି ଗଭୀରରେ ଏହା କେନ୍ଦ୍ରୀଭୂତ ହୋଇଛି।
ଜଣେ ସ୍ଥାନୀୟ ଅଧିକାରୀଙ୍କ କହିବା ଅନୁସାରେ, ଭୂମିକମ୍ପରେ ଅନେକ କୋଠା କ୍ଷତିଗ୍ରସ୍ତ ହୋଇଛି। ଭୂମିକମ୍ପର ଜୋରଦାର ଝଟକା ଅନୁଭୂତ ହୋଇଥିଲା ବୋଲି ସ୍ଥାନୀୟ ଲୋକେ କହିଛନ୍ତି। ଏଠାରେ ଥିବା ଗଗନଚୁମ୍ବୀ ବିଲିଡିଂ ୩ ମିନିଟରୁ ଅଧିକ ସମୟ ହଲୁଥିବାର ନଜର ଆସିଥିଲା ।
ସିଆନଜୁର ଜିଲ୍ଲାର ସ୍ଥାନୀୟ ଅଧିକାରୀ କହିଛନ୍ତି ଯେ, ଘର ସମେତ ଦଶହଜାର କୋଠା ନଷ୍ଟ ହୋଇଯାଇଛି। ଗ୍ରେଟର ଜାକର୍ତ୍ତା ଅଞ୍ଚଳରେ ଏହି ଭୂକମ୍ପରେ ପ୍ରବଳ କମ୍ପନ ଅନୁଭୂତ ହୋଇଥିଲା। ରାଜଧାନୀର ଗଗନଚୁମ୍ବୀ ବିଲିଡିଂ ୩ ମିନିଟରୁ ଅଧିକ ସମୟ କମ୍ପିଲା ଏବଂ କେତେକଙ୍କୁ ସ୍ଥାନାନ୍ତର କରାଯାଇଥିଲା।
#BreakingNews #AHORA
GEMPA CIANJUR 5,6 SR 🚨Gempa berkekuatan magnitudo 5,6 mengguncang Cianjur, Jawa Barat ( 21 Nov 2022 )#Earthquake #Cianjur #JawaBarat#WestJava #Java #Indonesia pic.twitter.com/OYQFTqoQZZ
— Indonesia Disaster (@IndoTropical) November 21, 2022
ଦକ୍ଷିଣ ଜାକର୍ତ୍ତାର ଜଣେ କର୍ମଚାରୀ କହିଛନ୍ତି ଯେ ଭୂକମ୍ପ ଏତେ ଶକ୍ତିଶାଳୀ ଅନୁଭବ ହୋଇଥିଲା । ମୋର ସହକର୍ମୀ ଏବଂ ମୁଁ ନବମ ମହଲାରେ ଜରୁରୀକାଳୀନ ସିଡ଼ି ନେଇ ଆମ କାର୍ଯ୍ୟାଳୟ ଛାଡିବାକୁ ନିଷ୍ପତ୍ତି ନେଇଥିଲୁ। ରଏଟର୍ସ ଅନୁଯାୟୀ, କିଛି ଲୋକ ଜାକର୍ତ୍ତାର କେନ୍ଦ୍ରୀୟ ବ୍ୟବସାୟ ଜିଲ୍ଲାର କାର୍ଯ୍ୟାଳୟଗୁଡିକୁ ସ୍ଥାନାନ୍ତର କରିଥିବାବେଳେ ଅନ୍ୟମାନେ କୋଠାଗୁଡ଼ିକ ଥରିଥିବାର ଏବଂ ଆସବାବପତ୍ର ଗତି କରୁଥିବା ଦେଖିଥିଲେ।
କିଛିଦିନ ତଳେ, ଇଣ୍ଡୋନେସିଆର ଦକ୍ଷିଣ ପଶ୍ଚିମ ସୁମାତ୍ରାରେ ଭୂମିକମ୍ପର ଝଟକା ଅନୁଭୂତ ହୋଇଥିଲା। ଯାହାର ରିକ୍ଟର ସ୍କେଲରେ ତୀବ୍ରତା ୬.୯ ରହିଥିଲା।