ଦିଲ୍ଲୀରେ ପହଞ୍ଚିବା ପରେ ଭାରତ ଯୋଡ଼ୋ ଯାତ୍ରାରେ ରହିବ ୯ ଦିନର ବ୍ରେକ୍; ନିଜ ପରିବାର ଲୋକଙ୍କୁ ଭେଟିବେ କର୍ମକର୍ତ୍ତା
ରାଜସ୍ଥାନରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ଭରତ ଯୋଡୋ ଯାତ୍ରାର ମଙ୍ଗଳବାର ହେଉଛି ଶେଷ ଦିନ। ୧୦୦ ଦିନ ପୂରଣ କରିବା ପରେ ଭାରତ ଯୋଡୋ ଯାତ୍ରା ୨୪ ଡିସେମ୍ବରରେ ଦିଲ୍ଲୀରେ ପହଞ୍ଚିବ। ଏହାପରେ ୯ ଦିନର ବିରତି ରହିବ। ପରେ ଏହି ଯାତ୍ରା ୩ ଜାନୁୟାରୀ ୨୦୨୩ରୁ ପୁଣି ଆରମ୍ଭ ହେବ।
ଦଳର ମହାସଚିବ ଜୟରାମ ରମେଶ ଟ୍ଵିଟ୍ କରି ଏହି ସୂଚନା ଦେଇଛନ୍ତି। ଜୟରାମ ରମେଶ ଟ୍ଵିଟ୍ କରିଛନ୍ତି ଯେ ‘ଭାରତ ଯୋଡ଼ୋ ଯାତ୍ରା ୨୪ ଡିସେମ୍ବର ସନ୍ଧ୍ୟାରେ ଦିଲ୍ଲୀରେ ପହଞ୍ଚିବ। ଏହାପରେ ୯ ଦିନର ବ୍ରେକ୍ ରହିବ। ଏହି ସମୟ ଭିତରେ କଣ୍ଟେନରଗୁଡ଼ିକର ମରାମତି ସହ ସେଗୁଡ଼ିକୁ ଭୀଷଣ ଥଣ୍ଡା ପାଇଁ ପ୍ରସ୍ତୁତ କରାଯାଇ ପାରିବ’।
ଏହି ବ୍ରେକ୍ରେ ଅନେକ ଭାରତ ଯୋଡ଼ୋ ଯାତ୍ରୀ ପାଖାପାଖି ଚାରି ମାସ ପରେ ନିଜ ପରିବାରକୁ ଭେଟିବେ ଏବଂ ସେମାନଙ୍କ ସହ ସମୟ ବିତାଇ ପାରିବେ। ରାହୁଲ ଗାନ୍ଧୀଙ୍କ ଯାତ୍ରା ୩ ଜାନୁୟାରୀ ୨୦୨୩ରୁ ପୁଣି ଆରମ୍ଭ ହେବ। ଏହାରି ଭିତରେ ଦଳର ହରିୟାଣା ୟୁନିଟ୍ ମେଗା ୱାକାଥନ୍ ପାଇଁ ପ୍ରସ୍ତୁତ ହେଉଛି, କାରଣ ରାଜ୍ୟରେ ଯାତ୍ରାର ପ୍ରଥମ ପର୍ଯ୍ୟାୟ ବୁଧବାରଠାରୁ ଶୁକ୍ରବାର ପର୍ଯ୍ୟନ୍ତ ଚାଲିବ। ଏହି ପର୍ଯ୍ୟାୟରେ ଫିରୋଜପୁର ଝିରକାରୁ ଫରିଦାବାଦ ପର୍ଯ୍ୟନ୍ତ ଦଳର ଶତାଧିକ କର୍ମୀ ଏବଂ ସାଧାରଣ ଜନତା ଅଂଶଗ୍ରହଣ କରିବେ।
ଏହାପରେ ୬ ଜାନୁୟାରୀରେ ପାନିପତ୍ ସୀମାରେ ସନୌଲି ଖୁର୍ଦରୁ ଯାତ୍ରା ଆରମ୍ଭ ହେବ। ଏହି ଅବସରରେ ପରଦିନ ପାନିପତ୍ରେ ଏକ ବିଶାଳ ରାଲିର ଆୟୋଜନ କରାଯିବ।
କହି ରଖୁଛୁ, ଭରତ ଯୋଡୋ ଯାତ୍ରାର ଆଜି ହେଉଛି ରାଜସ୍ଥାନରେ ଶେଷ ଦିନ। ଏହି ଯାତ୍ରା ମଙ୍ଗଳବାର ସକାଳ ପ୍ରାୟ ସାଢ଼େ ୬ଟାରୁ ଆରମ୍ଭ ହୋଇଥିଲା। ଯାତ୍ରୀମାନେ ଆଜି ରାହୁଲଙ୍କ ସହ ୨୩ କିଲୋମିଟର ଚାଲିବେ। ସୂଚନାଥାଉ କି, ରାଜସ୍ଥାନରେ ଭାରତ ଯୋଡୋ ଯାତ୍ରା ୪ ଡିସେମ୍ବରରେ ଝାଲାଓ୍ଵାଡ଼ରୁ ପ୍ରବେଶ କରିଥିଲା। ଏହି ରାଜ୍ୟରେ ୧୬ ଦିନରେ ୫୨୬ କିଲୋମିଟର ଯାତ୍ରା କରିବାର ଲକ୍ଷ୍ୟ ରଖାଯାଇଥିଲା।
#BharatJodoYatra 24 दिसंबर की शाम को दिल्ली पहुंचेगी।उसके बाद 9 दिनों का ब्रेक होगा, ताकि कंटेनरों को मरम्मत करके उत्तर में पड़ने वाली कठोर सर्दी के लिए तैयार किया जा सके।साथ ही कई भारत यात्री लगभग 4 महीने बाद अपने परिवार के साथ समय बिता सकें।3 जनवरी 2023 को यात्रा फिर शुरू होगी।
— Jairam Ramesh (@Jairam_Ramesh) December 19, 2022
