ଟିଆରଏସ୍ କର୍ମୀଙ୍କ ଦାଦାଗିରି, ମହିଳା ବନ ଅଧିକାରୀଙ୍କୁ ଗୋଡାଇ ଗୋଡାଇ ପିଟିଲେ
ତେଲେଙ୍ଗାନାରେ ଟିଆରଏସ୍ କର୍ମୀଙ୍କ ଦାଦାଗିରି । ଆଉ ଏହି ଦାଦାଗିରିର ଶିକାର ହୋଇଛନ୍ତି ପୋଲିସ୍ ଏବଂ ଫରେଷ୍ଟ ଗାର୍ଡ । ଏପରିକି ବନ ବିଭାଗର ମହିଳା ଅଧିକାରୀଙ୍କୁ ମଧ୍ୟ ମରଣାନ୍ତକ ଆକ୍ରମଣ କରିଛନ୍ତି ଟିଆରଏସ୍ କର୍ମୀ । ଏଥିରେ ମହିଳା ଜଣକ ଗମ୍ଭୀର ରୂପରେ ଆହତ ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଯାହାର ଭିଡିଓ ଏବେ ଭାଇରାଲ୍ ହେବାରେ ଲାଗିଛି । ଆଉ ଯାହାକୁ ଦେଖିଲେ କୌଣସି ସଭ୍ୟ ସମାଜର ମୁଣ୍ଡ ତଳକୁ ହୋଇଯିବ ।
ସୂଚନାଯୋଗ୍ୟ, ତେଲଙ୍ଗାନାର କୋମାରାମ ଭୀମ ଆସିଫାବାଦ ଜିଲ୍ଲାର ସିରପୁର କାଗାଜନଗର ବ୍ଲକରେ ବନ ବିଭାଗର ଅଧିକାରୀ ମାନେ ବନୀକରଣ ପାଇଁ ଯାଇଥିଲେ । ଯାହାକୁ ବିରୋଧ କରିଥିଲେ ଟିଆରଏସର କର୍ମୀମାନେ। ଆଉ ପୋଲିସ୍ ଏବଂ ବନବିଭାଗର ଅଧିକାରୀଙ୍କୁ କରିଥିଲେ ମରଣାନ୍ତକ ଆକ୍ରମଣ । ଆଉ ଏଥିରୁ ବର୍ତ୍ତିନଥିଲେ ବନ ବିଭାଗର ମହିଳା ଅଧିକାରୀ ଅନିତା । ଅନିତାଙ୍କୁ ଗୋଡାଇ ଗୋଡାଇ ପିଟିଥିଲେ ଟିଆରଏସ୍ କର୍ମୀ। ଏପରି କି ନିଜର ଜୀବନ ବଞ୍ଚାଇବା ପାଇଁ ମହିଳା ଅଧିକାରୀ ଜଣଙ୍କ ଟ୍ରାକ୍ଟର ଉପରକୁ ଚଢିଥିଲେ, ତଥାପି ଉତ୍ୟକ୍ତ ଲୋକେ ତାଙ୍କୁ ପିଟି ଚାଲିଥିଲେ । ଗୁରୁତର ଅନିତାଙ୍କୁ ପୋଲିସ ଉଦ୍ଧାର କରିଥିଲା । ଏହା ସହ କର୍ମୀମାନେ ଟ୍ରାକ୍ଟରକୁ ମଧ୍ୟ ଭଙ୍ଗାରୁଜା କରିଥିଲେ ।
#WATCH Telangana: A police team & forest guards were attacked allegedly by Telangana Rashtra Samithi workers in Sirpur Kagaznagar block of Komaram Bheem Asifabad district, during a tree plantation drive. (29.06.2019) pic.twitter.com/pZ0H3Qg2Ud
— ANI (@ANI) June 30, 2019
