ଅରବିନ୍ଦ କେଜ୍ରିଓ୍ଵାଲଙ୍କ ଗିରଫଦାରୀ ବିରୋଧରେ ଦେଶବ୍ୟାପୀ ଅନଶନ, ଏପ୍ରିଲ ୭ରେ ଜନ୍ତର ମନ୍ତରରେ ବସିବେ ଆପ୍ ନେତା
ଅନଶନରେ ବସିବେ ଆମ୍ ଆଦ୍ମୀ ପାର୍ଟିର ନେତା । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଗିରଫଦାରୀ ବିରୋଧରେ ପାର୍ଟିର ନେତାମାନେ ଦେଶବ୍ୟାପୀ ଅନଶନ କରିବେ ।
ଅନଶନରେ ବସିବେ ଆମ୍ ଆଦ୍ମୀ ପାର୍ଟିର ନେତା । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଗିରଫଦାରୀ ବିରୋଧରେ ପାର୍ଟିର ନେତାମାନେ ଦେଶବ୍ୟାପୀ ଅନଶନ କରିବେ । ଦିଲ୍ଲୀ ସରକାରଙ୍କ ମନ୍ତ୍ରୀ ତଥା ଦଳର ବରିଷ୍ଠ ନେତା ଗୋପାଳ ରାୟ ବୁଧବାର କହିଛନ୍ତି ଯେ ଦିଲ୍ଲୀ ସିଏମ୍ ଅରବିନ୍ଦ କେଜ୍ରିୱାଲଙ୍କ ଗିରଫଦାରୀ ବିରୋଧରେ ଦଳୀୟ ନେତାମାନେ ଏପ୍ରିଲ ୭ରେ ଜନ୍ତର ମନ୍ତରରେ ଅନଶନରେ ବସିବେ ।
ଗୋପାଳ ରାୟ ଦଳର ରାଷ୍ଟ୍ରୀୟ ସଂଯୋଜକଙ୍କ ଗିରଫଦାରୀ ବିରୋଧରେ ଦେଶବ୍ୟାପୀ ଅନଶନର ଆହ୍ଵାନ ଦେଇଛନ୍ତି । ସେ କହିଛନ୍ତି ଯେ ଯଦି ଆପଣ ଦିଲ୍ଲୀ ମୁଖ୍ୟମନ୍ତ୍ରୀଙ୍କ ଗିରଫଦାରୀ ବିରୋଧରେ ଅଛନ୍ତି, ତେବେ ଏପ୍ରିଲ ୭ରେ ଅନଶନ କରିପାରିବେ । ଆପଣ ଯେକୌଣସି ସ୍ଥାନରେ, ଘରେ କିମ୍ବା ନିଜ ସହରରେ ସାମୂହିକ ଅନଶନ କରିପାରିବେ ।
ଗୋପାଳ ରାୟ କହିଛନ୍ତି, ଆପ୍କୁ ଶେଷ କରିବା ଉଦ୍ଦେଶ୍ୟରେ ଦଳର ଶୀର୍ଷ ନେତୃତ୍ୱଙ୍କୁ ଗିରଫ କରାଯାଇଛି । ଦିଲ୍ଲୀ ସରକାରଙ୍କ ମନ୍ତ୍ରୀ, ଆପ୍ ସାଂସଦ, ବିଧାୟକ, କାଉନସିଲର ଏବଂ ପଦାଧିକାରୀ ଏପ୍ରିଲ ୭ରେ ଜନ୍ତର ମନ୍ତରରେ ଅନଶନ କରିବେ । ଏହା ଏକ ଖୋଲା କାର୍ଯ୍ୟକ୍ରମ ହେବ । ଛାତ୍ର ସଙ୍ଗଠନ, କୃଷକ ସଙ୍ଗଠନ ଏବଂ ବ୍ୟବସାୟୀମାନେ ଏଥିରେ ଅଂଶଗ୍ରହଣ କରିପାରିବେ ।
କେଜ୍ରିୱାଲଙ୍କୁ ଗତ ମାସରେ ପ୍ରବର୍ତ୍ତନ ନିର୍ଦ୍ଦେଶାଳୟ ଅବକାରୀ ନୀତି ସହ ଜଡ଼ିତ ମନି ଲଣ୍ଡରିଂ ମାମଲାରେ ଗିରଫ କରିଥିଲା । ତାଙ୍କୁ ଏପ୍ରିଲ ୧୫ ପର୍ଯ୍ୟନ୍ତ ନ୍ୟାୟିକ ହେପାଜତକୁ ପଠାଇ ଦିଆଯାଇଛି ।
ସେପଟେ ତିହାର ଜେଲରେ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା ଠିକ୍ ରହୁନାହିଁ । ଗିରଫ ହେବା ପରେ ଜେଲରେ ତାଙ୍କ ଓଜନ ୪ କେଜିରୁ ଅଧିକ କମିଯାଇଛି, ଯାହାକୁ ନେଇ ଡାକ୍ତର ଚିନ୍ତାରେ ରହିଛନ୍ତି ।
#WATCH दिल्ली सरकार में मंत्री और AAP नेता गोपाल राय ने कहा, “सात अप्रैल को देशभर में सामूहिक उपवास किया जाएगा… CM अरविंद केजरीवाल की गिरफ्तारी के विरोध में AAP के सभी मंत्री, विधायक, सांसद और पार्टी नेता 7 अप्रैल को जंतर-मंतर पर ‘सामुहिक उपवास’ रखेंगे… हम लोगों से यह भी अपील… pic.twitter.com/ySWyaS8rzj
— ANI_HindiNews (@AHindinews) April 3, 2024
