ନୂଆଦିଲ୍ଲୀ : ଦେଶର ରାଜଧାନୀ ଦିଲ୍ଲୀରେ କେଜରିୱାଲ ସରକାର ସାଧାରଣ ଜନତାଙ୍କ ଝଟକା ଦେଇଛନ୍ତି। ମଦ ଉପରେ ୭୦ ପ୍ରତିଶତ କରୋନା ଟ୍ୟାକ୍ସ ଲଗାଇଛନ୍ତି। କେବଳ ଏତିକି ନୁହେଁ ମଦ ପରେ ପେଟ୍ରୋଲ ଏବଂ ଡିଜେଲ ଉପରେ ମଧ୍ୟ ଟ୍ୟାକ୍ସ ବଢ଼ାଇ ଦେଇଛନ୍ତି।
ଦିଲ୍ଲୀ ସରକାର ଅଟୋ ଫୁଏଲ ଉପରେ ଲାଗୁଥିବା VAT ବଢ଼ାଇ ଦେଇଛନ୍ତି। ପେଟ୍ରୋଲ ଉପରେ ୨୭% ରୁ ବଢି ୩୦% ହୋଇଛି ଏବଂ ଡିଜେଲ ଉପରେ ଭାଟ ୧୬.୭୫% ରୁ ବୃଦ୍ଧି ହୋଇ ୩୦% କରିଦିଆଯାଇଛି। କେଜରିୱାଲ ସରକାରଙ୍କ ଏହି ନିୟମ ପରେ ପେଟ୍ରୋଲ ଦାମରେ ୧.୬୭ ଟଙ୍କା ପ୍ରତି ଲିଟର ଏବଂ ଡିଜେଲ ଦରରେ ୭.୧୦ ଟଙ୍କା ପ୍ରତି ଲିଟର ଦର ମହଙ୍ଗା ହୋଇଛି।
Delhi Government increases VAT on petrol from 27% to 30%, and on diesel from 16.75 % to 30%. Price of petrol increased by Rs 1.67 & diesel by Rs 7.10 pic.twitter.com/AzcZgYAvZ1
— ANI (@ANI) May 5, 2020
ତୈଳ କମ୍ପାନୀ ଦେଇଥିବା ସୁଚନା ମୁତାବକ ଏବେ ଦିଲ୍ଲୀରେ ଏକ ଲିଟର ପେଟ୍ରୋଲ ୭୧.୨୬ ଟଙ୍କା ହୋଇଛି। କିନ୍ତୁ ପୂର୍ବରୁ ଏହାର ଦାମ ୬୯.୫୯ ଟଙ୍କା ପ୍ରତି ଲିଟର ଥିଲା। ସେହିପରି ଡିଜେଲର ଦାମ ୬୨.୨୯ ଟଙ୍କାରୁ ବଢି ୬୯.୩୯ ଟଙ୍କା ପ୍ରତି ଲିଟର ହୋଇଯାଇଛି।