ଚଣ୍ଡିଗଡ଼ : କରୋନା ସଂକ୍ରମଣକୁ ଦୃଷ୍ଟିରେ ରଖି ବିଭିନ୍ନ ରାଜ୍ୟରେ ଭିନ୍ନ ଭିନ୍ନ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି । ପଞ୍ଜାବରେ ଏଥର ସରକାର ପିଲାଙ୍କ ପରୀକ୍ଷା ନେଇ ଏକ ବଡ଼ ଘୋଷଣା କରିଛନ୍ତି । ପଞ୍ଜାବ ମୁଖ୍ୟମନ୍ତ୍ରୀ କ୍ୟାପ୍ଟେନ୍ ଅମରିନ୍ଦର ସିଂହ ବିନା ପରୀକ୍ଷାରେ ଛାତ୍ରଛାତ୍ରୀଙ୍କୁ ଉତ୍ତୀର୍ଣ୍ଣ କରିବାକୁ ନିଷ୍ପତ୍ତି ନେଇଛନ୍ତି ।
ଫଳରେ ପଞ୍ଚମ, ଅଷ୍ଟମ ଓ ଦଶମ ଶ୍ରେଣୀର ଛାତ୍ରଛାତ୍ରୀ ବିନା ପରୀକ୍ଷାରେ ଏଥର ଉତ୍ତୀର୍ଣ୍ଣ ହେବେ ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି । ତେବେ ଯୁକ୍ତ ଦୁଇ ପରୀକ୍ଷାକୁ ନେଇ ସରକାର କିଛି ନିଷ୍ପତ୍ତି ନେଇ ନାହାଁନ୍ତି । ସରକାରଙ୍କ ପୂର୍ବ ଘୋଷଣା ଅନୁଯାୟୀ ପଞ୍ଜାବରେ ଏପ୍ରିଲ ୩୦ ତାରିଖ ଯାଏ ସମସ୍ତ ଶିକ୍ଷାନୁଷ୍ଠାନ ବନ୍ଦ ରହିଛି ।
Amid continuing #COVID surge, CM @capt_amarinder Singh announced that all Class 5, 8 and 10 students be promoted to next class, without taking any examination, decision on Class 12 PSEB exams, which have already been postponed, to be taken later, based on the emerging situation.
— CMO Punjab (@CMOPb) April 15, 2021
ପ୍ରକାଶଯୋଗ୍ୟ ଯେ ପଞ୍ଜାବରେ ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀମାନେ ୪ଟି ବିଷୟରେ ପରୀକ୍ଷା ଦେଇ ସାରିଛନ୍ତି । କେବଳ ଗୋଟିଏ ବିଷୟରେ ପରୀକ୍ଷା ବାକି ରହିଛି। ପଞ୍ଜାବ ଶିକ୍ଷାବୋର୍ଡ ଏହି ୪ ଟି ବିଷୟକୁ ନେଇ ମିଳିବାକୁ ଥିବା ମାର୍କ ଆଧାରରେ ପିଲାମାନଙ୍କ ପରୀକ୍ଷା ଫଳ ଘୋଷଣା କରିବ । ସେହିପରି ଅଷ୍ଟମ ଓ ଦଶମ ଶ୍ରେଣୀ ପିଲାମାନେ ଦେଇଥିବା ପ୍ରି ବୋଡ ଓ ଇଣ୍ଟରନାଲ ପରୀକ୍ଷାରେ ରଖିଥିବା ମାର୍କ ଆଧାରରେ ସେମାନଙ୍କର ପରୀକ୍ଷା ଫଳ ଘୋଷଣା କରାଯିବ ।
ପଞ୍ଜାବରେ କରୋନା ସ୍ଥିତି ଏବେ ଗମ୍ଭୀର ରୂପ ଧାରଣ କରିଥିବାରୁ ସରକାର ନାଇଟ କର୍ଫ୍ୟୁ ଓ ଲକ୍ଡାଉନ୍ ଘୋଷଣା କରିଛନ୍ତି ।