ଜୁଲାଇ୧୫ରୁ ମାଗଣାରେ ମିଳିବ ବୁଷ୍ଟର ଡୋଜ, ଘୋଷଣା କଲେ କେନ୍ଦ୍ର ସରକାର
ନୂଆଦିଲ୍ଲୀ: ଆଜି କେନ୍ଦ୍ରକେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ଏକ ଜରୁରୀ ଘୋଷଣା କରିଛନ୍ତି । ଏହା ଦ୍ୱାରା ଦେଶର ଅସଂଖ୍ୟ ଜନସାଧାରଣ ନିହାତି ରୂପେ ଉପକୃତ ହେବେ । ସ୍ୱାଧୀନତାର ୭୫ ବର୍ଷ ପୁର୍ତ୍ତୀ ଅବସରରେ ଜୁଲାଇ ୧୫ ତାରିଖ ଠାରୁ ୧୮ ବର୍ଷ ବୟସରୁ ଉର୍ଦ୍ଧ୍ବ ବ୍ୟକ୍ତିଙ୍କୁ ଆଗାମୀ ୭୫ ଦିନ ଯାଏଁ ମାଗଣାରେ ବୁଷ୍ଟର ଡୋଜ ଦିଆଯିବ । “ଆଜାଦି କା ଅମ୍ରିତ କାଲ” ଅବସରରେ ଶ୍ରୀ ଠାକୁର ଏହି ଘୋଷଣା କରିଛନ୍ତି । ଚଳିତ ବର୍ଷ ଭାରତ ବ୍ରିଟିଶ ଠାରୁ ସ୍ୱାଧୀନତା ପ୍ରାପ୍ତିର ୭୫ ବର୍ଷ ପାଳିବାକୁ ଯାଉଛି । ଏହି ଅବସରରେ କେନ୍ଦ୍ର ସରକାରଙ୍କ ପକ୍ଷରୁ ଏହି ଘୋଷଣା କରାଯାଇଥିବା ଜଣାଯାଇଛି ।
India is celebrating 75 years of independence. On the occasion of Azadi ka Amrit Kaal, it has been decided that from 15th July 2022 till the next 75 days, citizens above 18 years of age will be given booster doses free of cost: Union Minister Anurag Thakur pic.twitter.com/Qai76dFVW7
— ANI (@ANI) July 13, 2022
କହିରଖିବା ଉଚିତ ହେବକି ଦେଶରେ ପୁଣି ଥରେ କରୋନା ସଂକ୍ରମଣ ବଢୁଥିବା ବେଳେ ବଡ଼ ଘୋଷଣା କରିଛନ୍ତି କେନ୍ଦ୍ର ସରକାର । ଆସନ୍ତା ୧୫ ତାରିଖରୁ ୭୫ ଦିନ ଯାଏ ଦେଶରେ ୧୮ ବର୍ଷରୁ ୫୯ ବର୍ଷ ବୟସ୍କ ବ୍ୟକ୍ତିଙ୍କୁ ମାଗଣାରେ ଦିଆଯିବ ବୁଷ୍ଟର ଡୋଜ୍ । କେବଳ ସରକାରୀ ହସ୍ପିଟାଲରେ ମାଗଣାରେ ବୁଷ୍ଟର ଡୋଜ୍ ମିଳିବ । ଏନେଇ କେନ୍ଦ୍ର କ୍ୟାବିନେଟ୍ ବୈଠକରେ ନିଷ୍ପତ୍ତି ହୋଇଛି । ଏବେ ବେସରକାରୀ ହସ୍ପିଟାଲରେ ବୁଷ୍ଟର ଟିକା ଦିଆଯାଉଛି ।
